1 Tjumeꞌe kuatsinga nchakon tjokéꞌe na̱, jan María Magdalena ko jan María, janée ndo Jacobo, ko jan Salomé kueꞌna sen xro̱a̱n chaxro xraxe ixi tsingamá sen cuerpoe ndo Jesús. 2 Ko, nchakon xrangíxixín semana sakjui sen ti no tsixrabaa ndo. 3 Ko jeꞌe sen nchri stetjao kichuu sen:

―¿Ngisen tsingijnana tsintjian ixro jijee̱xin itjao̱?

4 Ko ti kuiji sen nchri bikon sen ixi ixro ijié jijee̱xin itjao̱* itjao̱ cueva, ó tsikontengi ixro. 5 Ko jeꞌe sen nchri kuixinꞌin sen itjao̱ meꞌe, ko bikon sen naa chajan jii chán nunte ndatsjonxin jian ko jiá chán manta jine̱ ko tjúá, ko jeꞌe sen nchri xronka sen. 6 Ko jeꞌe chán ndachro chán:

―Xronkaꞌinta. ¿Á tjéenta ndo Jesús, ndo tsiki̱ꞌxi̱n tjajna Nazaret, ndo kuenito na̱ nta̱cru? Jeꞌe ndo ó xechón ndo, í koꞌa ndo ntiꞌi. Tsjeꞌenta ti no bakeꞌe na̱ ndo. 7  Mt. 26:32; Mr. 14:28.*Satjinta, ndachenta sen bajikao ndo ko kao ndo Pedro ixi ndo Jesús sakuitaon ndo nunte Galilea ko ntiꞌa tsikonnta ndo xranchi tsintatjunta ndo.

8 Ko sen nchri sajuixin sen ti no tsixrabaa ndo Jesús, stexronka sen ko stexranga sen. Ko xroꞌan ngisen ndache sen nchri ti ngeꞌe tsikikon sen ixi tsango xronka sen.

9 Nchakon xechón ndo Jesús, nchakon xrangíxixín semana saꞌó konoxin ndo ngajin jan María Magdalena, jan tsikantsjexin ndo ya̱a̱to̱ espíritue Xixronꞌanxrée. 10 Ko jeꞌe jan sakjui jan, bekiꞌe jan sen chrikao ndo ixi jeꞌe sen jitoniꞌe aséen sen ko stetsjanga sen. 11 Ko kuinꞌen sen ixi jaña tsikikon jan ko kuitikaonꞌa sen ti ndachro jan.

12 Ko tjumeꞌe yuu sen bikon ndo Jesús, ko jéexin bikon sen ndo. Sen meꞌe jitji sen chaꞌo itji chjaka. 13 Ko jeꞌe sen kuichronga sen ngajin sen kaxin; ko kaxon jeꞌe sen kuitikaonꞌa sen.

14 Tjumeꞌe konoxin ndo ngajin sen tenaá kuajikao ndo ti stene sen. Ko nichjeꞌe ndo sen sonda tsikitikaonꞌa sen ngeꞌe chronga sen tsikikon ndo ixi jeꞌe ndo ó tsixechón ndo. 15  Hch. 1:8.*Ko ndache ndo sen:

―Itjinta nchijíi nunte xasintajni nchekuenꞌennta kain na̱ chijni jian ixi tsayéꞌe na̱ juachaxin tsechón na̱ kain nchakon. 16 Sen tsitikaon ko tsikitée, sen meꞌe tsitjáñaꞌi sen. Ko ni tsitikaonꞌa, ni meꞌe tangi tsonꞌen na̱. 17 Ko sen tsitikaonna janꞌan, sen meꞌe chao sincheꞌe sen naa ixra̱ jian, ixi tsayéꞌe sen juachaxin tsantsje sen espíritue Xixronꞌanxrée chónda kaxin na̱ ko kaxon xronichja sen jée ngigua. 18 Maski kunchee xrotsé sen, xroꞌan ngeꞌe tsonꞌen sen, ko maski xrokuiꞌi sen xro̱a̱n yua, tsenꞌa sen. Kaxon tsakeꞌe itja sen ngataꞌa jaa ni niꞌe ko ni niꞌe tsoxruenꞌen na̱.

19  Hch. 1:9-11.*Tjumeꞌe juexin nichja Ncháina Jesús ngajin sen, jeꞌe ndo kuajinꞌin ndo ngajní. Ko ntiꞌa bakeꞌe ndo ndatsjonxin jian ti jii ndo Dio. 20 Ko sakjui sen ko juako sen chijni jian, chijni ncheméꞌe ijie̱ chónda chujni. Ko Ncháina† Ncháina Señor Ncháina Jesús o̱ Ncháina Dio Jesús bingijna ndo sen ko juachaxien ndo juinchexin sen ixra̱ jian, ixi jaña tsonoexin chujni ixi nduaxin chijnie ndo Dio nchekuenꞌen sen na̱. Jaña tsonꞌen.