Da 67. Psalm.
Gott Sei Sayya Ivvah Di Gans Veld
Zumm foah-singah. En Psaltah-Leet. Fa kshpeeld sei mitt harfa.
1 Gott sei gnaydich zu uns un sayken uns,
mach sei ksicht uf uns sheina.
(Sela)
2 So es dei vayk gvissa sei kann uf di eaht,
un dei saylichkeit unnich awl di heida.
3 Awl di leit sella dich preisa, oh Gott,
awl di leit sella dich preisa.
4 Di heida sella froh sei un singa mitt frayt,
veil du di mensha recht richsht,
un di leit fiahsht uf di eaht.
(Sela)
5 Awl di leit sella dich preisa, oh Gott,
awl di leit sella dich preisa.
6 Es land hott sei eahn gevva,
un Gott, unsah Gott, hott uns ksaykend.
7 Gott hott uns ksaykend,
un di gans veld soll een firchta.