50
Meatin toumien onen Iahova vi meatin ten longkatien
Aesea 50:4-9
4 Meatin toumien onen Iahova viteni vit,
“Iahova ten Keihoen san ileilien minau keke mahisein meatin sav keil eni,
ka masan selusien ten kataunien min koakeil alehkao.
En visokon vasi, Ahi sisil en nau
keke nitaengon revi asa koa vit vahiseinau eni.
5 Iahova sakinau namundem kilea selusien onen.
Narseseintei ka narvilestei eisiluk vaha rani.
6 Navong meatin keil e vati avatah nau en viau ven umen koa keik kosani minau,
namaen eisiluk min keil amutahi.
Navong keil aleh lat hiluk ten veimasok ka amutiv kat veinak,
narling suaintei veinak ran keil.
Ka navong keil aselus karen nau,
naro raeng enges.✡ Mat 26:67; Mak 14:65
7 Tounah keil amumoni va kat inau
sakras voumonau mamemou
veni nakilea keke Iahova ten Keihoen mul kataunau.
Sakini nasak meseinau makur tounah koa keil umoni minau
veni nakilea asakras avasakinau mamemou.
8 Keil asakras veni Ahi ro vesesal venau,
ka kei hetie lati min keil keke moulien onak muto en meten.
?Isei en vati vason selusien tatisa vaha kat nau?✡ Rom 8:33-34
Tahos lovaha en kot lovahatimal ruai keke avatalimal en ialu.
En out enek, kei hehit visi asa koa mundemi namumoni tisa eni.
9 Iahova ten Keihoen varei heselus en usite onak.
?Sakini, isei kilea vaselus vatisa vaha kat inau?
Keil akilea avaselus heha vio … ivupuol enges.”