7 “Natin Meatin, kosa nalinguk kimai kihi meatin tai taleikokoeien keke kovalei kokoe en me-Isrel keil. Sakini, navong nasan selusien tai minuk, keik kiha kisel kat keil eni. 8 Munak nihiteni minuk keke meatin tai hemat ven sakien tatisa keil onen ka keik korvatei kovahit meseini mini, kei sakras vahiles sakien keil onen keke inau moutut moulien onen. Hesakini, hehi anatin keke hemat ven tisaen keil onen, ka en metok, ran hel en hem. 9 Ka munak kiha kihit meseini mini, ka kei hervilestei ran tisaen keil onen, anatin keke hemat ven tisaen keil onen, ka keik, kutut sasom en moulien onom.”