2
Jonába Ãcõrẽa iwid̶id̶a
1 Maʌ̃ne Jonába b̶eda b̶ited̶aʌba Ãcõrẽa nãwã iwid̶isia:
2 Mʌ̃ biẽ́ b̶esid̶e mʌ̃a bed̶ea djuburiasia, mʌ̃ Boro Ãcõrẽ, maʌ̃ne bʌa mʌ̃ bed̶eara panusia.
Mʌ̃ beubod̶oba mʌ̃a bed̶ea djuburiasia, maʌ̃ne bʌa mʌ̃ bed̶eara ũrĩsia.
3 Bʌa mʌ̃ra pusa nãbuad̶e b̶atabuebisia. Maʌ̃ne pusaba mʌ̃ra ab̶ed̶a jũma ãnã edasia. Bʌa pusa bogozoa b̶ʌ diabued̶ara mʌ̃ ʌ̃rʌ̃ wãsia.
4 Maʌ̃ bẽrã crĩchasia bʌa mʌ̃ra igaraped̶a bʌ quĩrãpitabemada ãyã b̶ʌsida. Mʌ̃a crĩchasia bʌ de droma biya quiruda waa unuẽ́da.* Mʌ̃a crĩchasia bʌ de droma biya quiruda waa unuẽ́da. Griego bed̶ead̶e mãwã b̶ʌ́ b̶ʌa. Hebreo bed̶ead̶e nãwã b̶ʌa: “Mãwãmĩna mʌ̃a crĩchasia bʌ de droma biya quiruda wayacusa unuida.”
5 Pusaba mʌ̃ra jũma ãnã erob̶asia. Ab̶ed̶a mʌ̃ra pusajãne b̶asia. Maʌ̃ne pusajãnebema chiruara mʌ̃ borod̶e bʌracuasia.
6 Ab̶ed̶a mʌ̃ra ed̶u pusajãne ta wãsia. Mamaʌba mʌ̃ra waa ẽdrʌẽ́da crĩchasia.
Baribʌrʌ mʌ̃ Boro Ãcõrẽ, bʌa maʌ̃ beuid̶ebemada mʌ̃ra ẽdrʌ edasia.
7 Beubod̶o basid̶e mʌ̃a bʌra quĩrãnebasia. Maʌ̃ne bʌ de droma bia quirud̶eba bʌa ũrĩsia mʌ̃a bed̶ea djuburia b̶ʌda.
8 Jʌwaba od̶a ãcõrẽ ʌb̶ʌaẽ́ b̶ea ẽpẽbadarãba bʌa careba b̶ʌra igarabadaa.
9 Baribʌrʌ mʌ̃a bio bia b̶ʌad̶a abʌrʌd̶e animarãda bʌ́a babue dia b̶aya.
Maʌ̃ awara bʌ ume bed̶ea b̶ʌd̶ara mʌ̃a jũma daucha o b̶aya. Mʌ̃ Boro Ãcõrẽ, ab̶abe bʌabʌrʌ mʌ̃ra poya ẽdrʌ b̶ʌya.
10 Maʌ̃ne Ãcõrẽba b̶edaa Jonára pusa icawa webisia.
*2:4 Mʌ̃a crĩchasia bʌ de droma biya quiruda waa unuẽ́da. Griego bed̶ead̶e mãwã b̶ʌ́ b̶ʌa. Hebreo bed̶ead̶e nãwã b̶ʌa: “Mãwãmĩna mʌ̃a crĩchasia bʌ de droma biya quiruda wayacusa unuida.”