Saaka wvù Jee wvu ɛkumɛ Jisos no
Matio
to Saŋɛɛ
Fiɛɛ fì nu ɛ̂ Ŋwa' Mat wvun e
Saaka wvù jee wvù nu ɛ̂ Ŋwa' Mat wvun e, jemyi lɛ Jisos nu Mboyse wvù Nyo' to kawɛɛ. Saaka wvù jee wvun nu fô bonyii bocii le yî ɛkolɛ ke nshɛ le. Ŋwa' wvun duŋci lɛ ɛ̀ nu Jisos Wee N'yɛɛyi wvu lɛŋ wvù kee keeloocɛ enɛle fiɛɛ fì bonci bo Nyo' le jemyi. N'yɛɛyi wvu Jisos tfuu ɛ̂ ŋwa' wvun e nu ɛ bó ɛ baancɛ bikuu bitin. (1) No Jisos to benɛɛ shii yî kum e no yɛɛyi ɛkumɛ bonyii bò bvunfon bvu fowe nu bvubole. (2) No Jisos to nyaɛ ntefe ɛ̂ boom bew bo ŋgoo le bo yuufe ncow bofɛɛ ɛkumɛ lemme dì wvú to tumɛɛ bó yî dvú le. (3) Boŋgan bò Jisos to maɛ ɛkumɛ bvunfon bvu fowe. (4) N'yɛɛyi ɛkumɛ fiɛɛ fì ɛ̀ nu wee ŋgoo Jisos. (5) N'yɛɛyi ɛkumɛ no woŋ wvun nu ke eka bô no bvunfon bvu Nyo' le nu ke eto.
Bikuu bi mwɛɛm e ɛ̂ Ŋwa' wvun e
1:1–2:23 Kfuu di bo Jisos Klistu le bô no bó to bokɛɛ wvú
3:1-12 Lemme di Jon Nleseɛjoo le
3:13–4:11 No bó to lesɛɛ Jisos ɛ̂ joo bô no Satan to momɛɛ wvú
4:12–18:35 Lemme dì Jisos to ghane gee Galilee
19:1–20:34 Ɛ Jisos nɛ Galilee, gɛn Jɛlusalɛm
21:1–27:66 Kemaa ke Jisos e ke fokemɛse Jelusalɛm bô mbew jó le
28:1-20 No Tata Jisos to buyɛɛ yî kpwe le, duŋcɛ ɛkolɛ kew ɛ̂ bonyii bew
1
Kfuu di bo Jisos Klistu le
(Luk 3:23-38)
1 Lum 1:3-4; 2Tim 2:8; Mat 20:30-31Ɛyan nu ɛdiee ɛ bo'icee kfuu di bo Jisos Klistu le. Jisos Klistu to nu waa Nfon Dawe wvù to nu waa Abla'am. 2 Keŋ 21:2-3; 25:26; 29:32–30:24Abla'am to nu icee Aysik, ɛ Aysik nu icee Yakow, ɛ Yakow nu icee Judas bô boom bo ice le, 3 Keŋ 38:29-30; Lut 4:18-22ɛ Judas nu icee Bɛlɛs bô Sɛla bò bwee bó to nu Tama. Ɛ Bɛlɛs nu icee Ɛslon, ɛ Ɛslon nu icee Lam. 4 Ɛ Lam nu icee Aminada, ɛ Aminada nu icee Na'shon, ɛ Na'shon nu icee Salmon. 5 Yosh 2:1-24; Lut 1–4Ɛ Salmon nu icee Boas wvù bwee to nu La'ab. Ɛ Boas nu icee Obɛd wvù bwee to nu Lut. Ɛ Obɛd nu icee Jɛɛse. 6 2Sam 11–12Ɛ Jɛɛse nu icee Nfon Dawe.
Ɛ Nfon Dawe nu icee Saamun wvù bwee to nu kpwɛɛ Uliaa. 7 2Klo 11:31–13:23Ɛ Saamun nu icee Lɛ'ubwam, ɛ Lɛ'ubwam nu icee Abija, ɛ Abija nu icee Asa. 8 2Klo 13:23–21:20; 26:1Ɛ Asa nu icee Jɛ'ushɛfat, ɛ Jɛ'ushɛfat nu icee Jolam, ɛ Jolam nu icee Usaya. 9 1Klo 26:1–28:27Ɛ Usaya nu icee Jotam, ɛ Jotam nu icee A'as, ɛ A'as nu icee Ɛsikaya, 10 2Klo 29:1–33:25ɛ Ɛsikaya nu icee Manase, ɛ Manase nu icee Amos, * Boŋwa' bo boyvuum bomew kɛŋke diee din lɛ Amon. ɛ Amo nu icee Josaya. 11 2Klo 34:1–36:21Ɛ Josaya nu icee Jɛkonaya bô boom bo bwee bó le. Bó to boke bó ɛ ɛ̀ to nu kefew kè bonyii bo Babilon to kooyɛɛ bonyii bo Islael gɛn dvú woŋ wvubo wvù Babilon e.
12 Ɛjim jodvu, no bó to kooyɛɛ bonyii bo Islael gɛn dvú Babilon, ɛ Jɛkonaya no nu icee Shiltia, ɛ Shiltia nu icee Sɛlubabɛl, 13 ɛ Sɛlubabɛl nu icee Abiud, ɛ Abiud nu icee Ɛliakim, ɛ Ɛliakim nu icee Aso, 14 ɛ Aso nu icee Sadok, ɛ Sadok nu icee Akim, ɛ Akim nu icee Ɛliyu, 15 ɛ Ɛliyu nu icee Ɛliɛsa, ɛ Ɛliɛsa nu icee Matan, ɛ Matan nu icee Yakow. 16 Luk 1:27Ɛ Yakow nu icee Yosɛw wvù dwee Maalia, ɛ Maalia nu wvù to bokɛɛ Jisos wvù bó teŋe lɛ Klistu.
17 Nonɛn bo'icee kfuu di bo Jisos e ban ɛ mum ɛ no nu yuufe ncow bonɛw keekɛw yî Abla'am e eto ebuy yî Nfon Dawe le, bvuu nu yuufe ncow bonɛw keekɛw yî Nfon Dawe le eto ebuy seke bó to kooyɛɛ bonyii bo Islael gɛn dvú Babilon. Ɛ keekɛw seke bó to kooyɛɛ bonyii bo Islael eto ebuy seke bó to bokɛɛ Klistu nu tɛn ɛ bo'icee kfuu dibole nu yuufe ncow bonɛw.
Ɛkumɛ no boo di Jisos e to lɛnɛɛ
(Luk 2:1-7)
18 Luk 1:35Boo di Jisos Klistu le to lɛn ɛ̂ je yin e. Bwee wvù Maalia to nu ɛ bó ɛ seyse wase lɛ wvú nu ke enu kpwɛɛ Yosɛw. Ɛ́ bó sɛ keeke etaashɛ bvujen, nu ɛ fí to nɛ buy lɛ wvú nu wase bô fue ɛ̂ mvuŋgay mvu Keyoy ke Yuule le. 19 No fí kooyɛɛ nonɛn, ɛ Yosɛw wvù dweese, no ɛ̀ to nu wee wvu teytey yaa kooŋke keeshoose wvú kɛ, mum yɛn lɛ wen nu egawsɛn bô wvú ɛ ɛ̀ nu ɛjim ɛjim. 20 No wvú to bɛɛ kpwaake keege nonɛn, ɛ fí kooy lɛ nceendaa Tata to nu ɛ nɛ to fô wvú le ɛ̂ ɛfilɛ le seke wvú to leete gay ɛ̂ wvú lɛ, “Yosɛw, waa Nfon Dawe, fo wo efan keejo Maalia bwee yew wo le kɛ, njefo fue din dì wvú nu bô dí nu ɛ wvú kɛŋke ɛ̂ mvuŋgay mvu Keyoy ke Yuule le. 21 Mben 130:7; Mat 1:25; Luk 1:31; Lem 4:12Wvú nu ke eboo wan diemsɛn ɛ́ wo ecu diee diew lɛ Jisos, † Diee dì Jisos nu lɛ, “Wvú nu ke eboyse bonyii bew can bibefɛ bibole.” njefo wvú nu ke eboyse bonyii bew can bibefɛ bibole.” 22 Mwɛɛm mvun mvunciim to kooyi keege ɛ́ fí eto ekocɛn no Tata to jemyɛɛ wase diuw wee we ntum e lɛ, 23 Yɛsa 7:14“Ben eyekɛ eyuw, wan wvu tfu mvu nu ke eleem bô fue, eboo wan diemsɛn ɛ́ bó eteŋe wvú lɛ Ɛmanwɛl.” Diee din nu lɛ, “Nyo' nu beene ɛ bó.” 24 No ɛfilɛ kiɛ lamɛɛ Yosɛw nonɛn, ɛ wvú ke kamse mum ge kɛ no nceendaa Tata gayɛɛ ɛ̂ wvú. Wvú to nu ɛ jo Maalia bwee yew we le, 25 1:21geenɛn ɛ bô wvú faŋɛ yaa ecee diɛwɛ no wee bô kpwɛse ké no cee kɛ. Ɛ bô wvú ke ce nonɛn gɛn buy no Maalia to ghanɛɛ eboo. Ɛ Yosɛw mum cu diee di wan e lɛ Jisos.
1:1 Lum 1:3-4; 2Tim 2:8; Mat 20:30-31
1:2 Keŋ 21:2-3; 25:26; 29:32–30:24
1:3 Keŋ 38:29-30; Lut 4:18-22
1:5 Yosh 2:1-24; Lut 1–4
1:6 2Sam 11–12
1:7 2Klo 11:31–13:23
1:8 2Klo 13:23–21:20; 26:1
1:9 1Klo 26:1–28:27
1:10 2Klo 29:1–33:25
*1:10 Boŋwa' bo boyvuum bomew kɛŋke diee din lɛ Amon.
1:11 2Klo 34:1–36:21
1:16 Luk 1:27
1:18 Luk 1:35
1:21 Mben 130:7; Mat 1:25; Luk 1:31; Lem 4:12
†1:21 Diee dì Jisos nu lɛ, “Wvú nu ke eboyse bonyii bew can bibefɛ bibole.”
1:23 Yɛsa 7:14
1:25 1:21