93
Na God Bi King
1 God na king and en glory wey dey shine well-well,
kover evriwhere.
True-true, God don kover ensef with glory, strent and pawa.
Di world stand gidigba
and nor-tin fit shake am.
2 My God, yor throne don dey even before Yu kreate di world.
Yu yorsef, don dey forever and ever.
3 My Oga God, even doh rivers dey full
and make nois like tonda as dem dey go up-and-down,
4 Yu wey dey up, strong pass di waves and river wey dey rush with speed.
God get pawa pass all dis tins!
5 My God! Nobody fit shange yor laws!
Yor kingdom dey holy and Yu go rule forever and ever.