1 तानकेरता तुमू बोगवानान मोंगाल्ला सोरा हेते, तानकेरता बोगवानान गेत बुणो। 2 जिहकेरीन मसी आपुह मोंग किऱ्यो, एने आपणे केरता सोताह मोग मोग गेंदाणार आस्त्रान गेत बोगवानान केरता एक बेट एने बोलीन रूप माय चेड़ाव दिनो, तिहेस केरीन मोंग माय जीवाय जीवो।

3 जिहकेरीन बोगवानान माणहान केरता हाजो हे, तुमरी विचीम सिनालो एने आखी बातीन खाराब कामान एने लोब लालुच ने वातु होमलाणे बी नाय जुवे। 4 एने नाह तुमरी विचीम खाराब एने बेवकुफीन वातु एणे जुवे, एने नाह चिहटान, काहाकाय ज्‍यु वातु होबा नाह देत्यु। पुण तुमरा मुया केरीन कायेम बोगवानान दन्यवाद एणे जुवे। 5 काहाकाय तुमू ज्यो हास केरीन जाणतेह काय सिनालो केरनारे, एठा एने लोब केरनारे माणहान, जो मुरती पुजान बाराबोर हे, मसी एने बोगवानान राज माय काल्लोस हिस्सेदार नाय मीले।

6 कुण बी तुमूह फालतुक वातु माय नाय फासाड़े; काहाकाय ज्‍यीस वातुन वोजेसे बोगवानान राग उकुम नाह माणनारा पोर बोड़केह। 7 तानकेरता ओहला माणहा हेऱ्या हिस्सेदार मा बोणहो, 8 काहाकाय पेल ते तुमू आदारा माय रेताला, पुण एवी तुमू बोगवाना माय उजालो हेते। केरीन उजालान सोरान गेत जीवाय जीवो, 9  * 5:9 उजालो; थोड़ाक लेख माय जीव हे।काहाकाय उजालान असर आखी बातीन बोलाय एने न्यायीपण एने खेराय माय हे। 10 एने ज्यो पारखो काय बोगवानाह काय पुटीह। 11 आदर ने बेकार कामा माय सामील मा ईहो, पुण ताह आखान ओंगाण देखाड़जी। 12 काहाकाय त्यु वातुन बाराम ज्युह ता लिकाएन केरतेह, मुया केरीन केणेन बी लाज आवीह। 13 जेवी आख्‍यु वातु उजाला माय लावाय जाय तेवी उजाला माय आखो काय देखाय पुड़ेह; 14  † 5:14 जो हास केरीन देखाथी तो उजालो बुणीह, नाहते तो उजालो ईथे जो हास केरीन देखाड़ीह। काहाकाय उजालो आख्‍यु वातु देखाड़ेह पुरी रिती से देखाणार चिज सोता उजालो बोण जाथे। तानकेरता तो किथे,

15 तानकेरीन तुमू किहीक जीवतेह, तान बाराम जोगवीन रिवो। एने फोगा माणहान गेत मा ईहो, पुण एकेल वाला माणहान गेत बुणो। 16  ✡ 5:16 कुलीसियो 4:5टेमाह हाजा काम केरनेन केरता पुरो वापेर किरो, काहाकाय दिह खाराब हेते। 17 एने फोगा मा बुणो, पुण मालीकान मोरजी काय हे, ती सोमजी लिवो।

18 दाराह रेन सेटा रिवो, काहाकाय पिणे से जिन्दगी बारबाद एय जाथे; पुण चोखाला जीवा माय बोरपुर ईती जावो। 19  ✡ 5:19 कुलीसियो 3:16,17एने मालीकान केरता आपसा माय पुरा मोना केरीन तुमू बजन, स्तुती गीत एने आत्मिक गीते गाया किरो। 20 आमरा मालीक यीशु मसीन नावा माय बोगवान आबाख ने कायेम आखी वातुम दन्यवाद केरती रिवो।

21 मसीह बिन एका दिहरान ताबाम रिवो।

22  ✡ 5:22 कुलीसियो 3:18; 1 पतरस 3:1एय बायकु, आप आपणा एदम्यान ताबाम ओहल्यु रिवो, जिहकेरीन यीशु मसीन। 23 काहाकाय मसी जिहकेरीन मोंडलीन मुंड हे, तिहेस केरीन एदमी बायकुन मुंड हे; एने खुद मसी मोंडलीन सुटकारो केरनार हे, जो तान सेरीर हे। 24 जिहकेरीन मोंडली मसीन ताबाम हे, तिहेस केरीन बायकु बी आखी वातु माय एदम्यान ताबाम रेय।

25  ✡ 5:25 कुलीसियो 3:19; 1 पतरस 3:7एय एदमी, जिहकेरीन मसी मोंडली पोर मोंग केरीन सोताह तान केरता आप दिनो, तिहेस केरीन तुमू तुमरी बायकुह मोंग किरो। 26 ताकाय मसी मोंडलीह वचनान द्‍वारा पाण्या से दोवीन चोखो केरीन आमरी गोसणा हेऱ्यो बोगवानाह समर्पित केरी। 27 एने तीह एक चोमेकणी मोंडली बोणावीन ता हेऱ्यो उबो केरी, ती माय नाह डाग, चोखो पोणा, निर्दोस, नाह जोरवरी, एने नाह काय कोमी चोखाली एने निर्दोस एय। 28 एने इहीचकेरीन एदमी बी तान बायकुह मोंग केरी जिहकेरीन तान सेरीराह मोंग किरेह। जो कुण तान बायकुह मोंग किरेह तो सोताह बी मोंग किरेह। 29 (काहाकाय कुण बी सोतान सेरीराह नफरत नाह किरेत, पुण तान हास केरीन पालेन पोषण किरेह जिहकेरीन मसी मोंडलीन किरेह। 30 काहाकाय आपु तान सेरीरान आंग हेते।) 31 एने जिहकेरीन पुस्तेक माय किथे, “ज्यानकेरता एदमी तान आईख आबाख सोड़ीन तान बायकु हेऱ्यो मिलीन रेय, एने ता दुयू एक सेरीर रेती।” 32 ज्यो मालमात ते मोटलो हे, पुण मी ज्यो मसी एने मोंडलीन बाराम केथु। 33 पुण तुमरे माय रेन एकेक तान बायकुह मोंग केरने जुवे, जिहकेरीन तो खुद पोर मोंग किरेह, एने बायकु बी तीन एदम्यान मान मेलने जुवे।