1 तानकेरता एय बाय बोणहा, मी तुमूह बोगवानान किव एर केरावीन तुमूह विन्ता केरथु काय तुमरा सेरीराह जीवताला, एने चोखालो, एने बोगवानाह पोटे ओहलोह बोली केरीन चेड़ावो। ज्‍यीस तुमरी आत्मिक सेवा हे। 2 ज्यी दुनियान गेत मा बुणो; पुण तुमरा मोनान नोवाला एय जाणे से तुमरो बोलनो चालनो बी बोदेलती जाय, जाकेरीन तुमू बोगवानान हाजाली, एने पोटनार, एने सिद्द आसा अनुबव केरीन मालुम केरती रिवो।

3 काहाकाय मी ती गीणीन वोजेसे जी माहु जुड़ेल हे, तुमरे माय रेन आखाह केथु काय जिहकेरीन सोमोजणु जुवे ताह रेन वोदार कुण बी सोताह नाय सोमजे; पुण जीहे बोगवान आखाह बोरहान परिणामान गेत वाट दियेल हे, तिहेच केरीन हाजाली बुद्दी हिऱ्यो सोताह सोमजे। 4  ✡ 12:4 1 कुरिंथीयो 12:12काहाकाय जीहे आपणी एक सेरीर माय जुलूम होवटा अंग हेते, एने आखा अंगान एक हारको काम नाह; 5 तिहेच केरीन आपु जा जुलूम हेते, मसी माय एक सेरीर एन आपसाम एका दिहरान अंग हेते। 6  ✡ 12:6 1 कुरिंथीयो 12:4-11जेवी ता गीणान गेत जो आपुह आपायेल हे, आपुह बात बातीन वरदान जुड़ेल हेते, ते जाह जाणाव केरनेन दान जुड़ेल हे, तो बोरहान परिणामान गेत जाणाव केरी; 7 केदी सेवा केरनेन दान जुड़ेल हे, ताहार सेवा माय लागेल रेय; केदी एगदो हिकाड़नार एय, तो हिकाड़ने माय लागेल रेय; 8 जो पारचार केरनार एय, तो पारचार केरने माय लागेल रेय; दान आपणार उत्साह से आपी; आदिकारी तान काम खुसी से केरी; जाह किव केरनेन दान हे तो खुसी से केरी।

9 मोंग बिगेर कोपेट वालो रेय; बुराय से विरोद किरो; बोलाय माय लागेल रिवो। 10 बाय बोणहान मोंग केरीन एका दिहरा हेऱ्या मोंग मीलो; तुमू आखा जाणे दिहराह आदार से सोताह रेन हाजाह सोमजो। 11 कोसीत केरने माय आलह्या मा बोणी; आत्मिक उत्साह से बोराय रिवो; मालीकान सेवा केरती रिवो। 12 तुमरी आसा माय खुस रिवो; पिड़ाम दिर राखो; विन्ता माय कायेम लागेल रिवो। 13 मसी माणहाह जो काय जोरेवरी हे, ता माय तान मोदेक किरो; पावणाय केरने माय लागेल रिवो।

14  ✡ 12:14 मत्ती 5:44; लुका 6:28तुमरा सेतावणाराह बोरकेत आपो; पुण बोरकेतुस आपो हाराप मा आपो। 15 खुसी केरनारा हेऱ्या खुसी किरो, एने रेड़णारा हेऱ्या रिड़ो। 16  * 12:16 सादारण काम आराम माय किरो; नाहते सादारण माणहा हेऱ्या दोस्ती किरो।आपसाम एक मोन राखो; मोठलाय मा किरो, पुण गेरब्या हेऱ्या ईलीमिलीन रिवो। तुमरी नेजरी माय सोताह बुद्दीमान मा सोमजो। 17 बुरायीन बोदले कुणीन बुराय मा किरो; ज्‍यु वातु आखान केरता हाज्यु हेत्यु त्युह केरनेन कोसीत किरो। 18 जा वोर तुमूह एय सेकी, तोलो आखा माणहा हेऱ्या मेल राखो। 19 एय मोंगाल्ला, बुदलो मा लिहो, पुण बोगवानान रागाह टेम आपो, काहाकाय लिखेल हे, “बुदलो लेणे मारो काम हे, मालीक किथे मीच बुदलो लेह।” 20 काहाकाय पुस्तेक माय किथे, “केदी तारो दुसमोन बुखल्यो एय ताहार ताह खाणो खावाड़, केदी तिहल्यो एय ताहार ताह पाणी पिवाड़; काहाकाय इहकेरीन केरने से तु तान मुंडी पोर आक्‍ठान ईंगालान डेर लागाड़हे।” 21 बुराय से मा आरो, पुण बोलाय से बुरायीह जिक लिवो।