1 ती वातुन बारामाय जी तुमू लिखेल हेते, काय एदम्याह वाराड़ नाह केरनु हाजो हे।* 7:1 जो एदमी वाराड़ नाह किरेत तो हाजो किरेह; नाहते तुमू केतेह काय जो एदमी वाराड़ नाह किरेत तो हाजो किरेह। 2 काहाकाय जुलूम सिनालो एणे बाजरिनोह, केरीन एकेक एदम्याह सोतान बायकु रेणे जुवे, एने एकेक बायकुन बी सोतान एदमी रेणे जुवे। 3 एदमी तान बायकुन मोरजी पुरी केरने जुवे, एने तिहेच बायकु बी तीन एदम्यान मोरजी पुरी केरने जुवे। 4 बायकुह तीन सेरीर पोर आदिकार नाह सोतो पुण तीन एदम्यान आदिकार हे, तिहेस एदम्यान बी तान सेरीर पोर आदिकार नाह सोतो, पुण बायकुन हे। 5 तुमू एका दिहराह ज्या आदिकार माय रेन बुलवाड़ो मा, पुण सोतान सेंगेतीह रेन थोड़ीक वार ने केरता आंगेच रिवो काय विन्तान केरता टेम जुड़ी, एने पोशा एकठा एय जावो नाहते, ओहलो नाय एय काय तुमरे दिर ने कारेण सैतान तुमूह पारखी। 6 पुण मी जो केथु, तो पारवांगी हे नाह काय उकुम। 7 मारी ज्यी मोरजी हे काय जोहलो मी हे तोहलाच आखा माणहे रेणे जुवे, पुण एकेकाह बोगवानान उगे रेन खास खास वरदान जुड़ेल हे, कुणीह कोहली बातीन ते कुणीह कोहली बातीन।

8 एवी मी बिगेर वाराड़ा वाल्युह एने रांडायेल बायकुन बारामाय केथु, काय त्युन केरता एखालो रेणे हाजो हे, जोहलो मी हे। 9 पुण केदी त्यु दिर नाय खाय ते, वाराड़ केर लेय; काहाकाय वाराड़ केरनो कुवारो रेणे रेन हाजो हे।

10  ✡ 7:10 मत्ती 5:32; 19:9; मरकुस 10:11,12; लुका 16:18जान वाराड़ एय जायेल हे ताह मी नाह, पुण मालीक उकुम आपेह काय बायकु तीन एदम्याह रेन आंगे एणेन केरता लेख्यो नाय आपी। 11 एने केदी आंगे एय बी जाय ते बिगेर दिहरो वाराड़ किरेल रेय, नाहते तीन एदम्या हेऱ्यी पोशी मेल केर लेय, एने एदमी बी तान बायकुह सोड़नेन केरता लेख्यो नाय आपी।

12 दिहराह मालीक नाह पुण मीच केथु, केदी एगदा बायाख ने बायकु बुरहो निहे मेलतेय, एने ता हेऱ्यी रेणेन केरता राजी हे, ते तु तीह सोड़नेन केरता लेख्यो नाय आपी। 13 जी बायकुन एदमी अविश्वासी हे; एने ती हिऱ्यो रेणेन केरता राजी एय, ते ती एदम्याह सोड़नेन केरता लेख्यो नाय आपी। 14 काहाकाय ओहलो एदमी जो अविश्वासी हे, तो बायकुन कारेण बोगवानाह समर्पित एयीन चोखालो ठेराथे। एने ओहली बायकु जी अविश्वासी हे, ती एदम्यान कारेण बोगवानाह समर्पित एयीन चोखाली ठेराथे, नाहते तुमरा सोरा पोऱ्या एठा रेता, पुण एवी ते चोखाला हेते। 15 पुण केदी अविश्वासी एदमी आंगे एणेन केरता लेख्यान मांग केरी, ते ठिक हे ताह आप दिवो, ओहली हाल माय कुण बी बाहख बोणीख गाठ माय बांदायेल नाह सोता, बोगवान आपुह मेल केरनेन केरता हादिल हे। 16  † 7:16 तुमू नाह वोचाड़ सेकतेह, काय तुमू ज्यी वात निश्‍चित जाणतेह; नाहते तुमूह मालुम हे काय तुमू वोचाड़ सेकतेह।काहाकाय एय बायकु तु काय जाणेह, काय तु तार एदम्यान सुटकारो केराव लिहे? एने एय एदमी तु काय जाणेह, काय तु तारी बायकुन सुटकारो केराव लिहे?

17 जीहे केरीन मालीक एकेकाह जीवाय आपेल हे, एने जीहे केरीन बोगवान एकेकाह हादेल हे, तिहेस तो चाले मी आखी मोंडली माय इहीचकेरीन ठेरावथु। 18 जो खेतना किरेल हादाड़ेल एय, ते तो बिगेर खेतनान नाय बोणने जुवे, एने जो बिगेर खेतनान हादाड़ेल एय ते तो खेतान नाय केरी। 19 नाहते खेतना काह हे, एने नाहते बिगेर खेतना वालो, पुण बोगवानान उकुमाह मान्नुस आखो काय हे। 20 एकेक जाण जा हाल माय हादाड़ेल एय तास माय रेय। 21 केदी तु पावोरान हाल माय हादाड़ेल एय ते चिन्ता मा किरहे, पुण केदी तु सुट एय सिके ते ओहलोस काम केर।‡ 7:21 पुण केदी तुमूह आजाद एणेन मुको जुड़ी ते तान फायदो विसो; नाहते तुमूह आजाद एणेन मुको जुड़ी तीबी, तुमरा गुलामीन अवस्थान जादा फायदो विस लिवो। 22 काहाकाय जो पावोरान हाल माय मालक्या माय हादाड़ेल हे तो मसी माय आजाद हेते। 23 बोगवान तुमूह किमोत आपीन वेचातो लेन सोड़ेव लियेल हे, तानकेरता माणहान पावोर मा बुणो। 24 एय बाय बोणहा, जो कुण जी हाल माय हादाड़ील हे, तो बोगवानान ओंगाण तीच हाल माय जीवो।

25 कुवाऱ्युन बारा माय मालीकान काल्लोस उकुम माहु नाह जुड़नो, पुण बोरहावालो एणेन केरता जोहलो किव मालीक मार पोर किरेल हे, ताच ने होस अनुमती आपथु। 26 मारी सोमेज माय ज्यो हाजो हे काय आज काल वेलान कारेण माणुह जोहली हालेत माय हे तोहलोस रेय। 27 केदी तारी बायकु एय ते ती हिऱ्यो रेन आंगे एणेन केरता लेख्यो आपणेन कोसीत मा किरहे, एने केदी तारी बायकु निहे एय ते बायकु मा हुदही। 28 पुण केदी तु वाराड़ बी किरहे तीबी पाप नाह सोतो, एने केदी कुवारली सोरीन वाराड़ एय ते पाप नाह सोतो, पुण ओहलाह माणहाह वाराड़ान कारेण सेरीरान दुख एय एने मी वोचाड़ने होदथु। 29 एय बाय बोणहा मी ज्यो केथु, काय टेम कोम किरेल हे, तानकेरता काय जान बायकु हे ता ओहला रेय काय सुमजो तान बायकु निहे एय; 30 एने रेड़नारे ओहला रेय, सुमजो रेड़तेस नाह, एने खुसी केरनारे ओहला रेय सुमजो खुसीस नाह केरती, एने वेचातो लेणारे ओहला रेय सुमजो ता फाय काईच निहे एय। 31 एने ज्या दुनियान वोस्तुह वापेरनारे ओहला रेय काय ती वोस्तु माय खोवाय नाय जाय; काहाकाय ज्यी दुनियान रिती एने वेवारो खेतेम एण्यो हे।

32 मी ज्यो होदथु काय तुमूह चिन्ता माय नाय जिवी, काहाकाय बिगेर वाराड़ावालो एदमी मालीकान वातुन चिन्ता माय रिथे, काय मालीकाह किहीक खुस मेलु। 33 पुण वाराड़ावालो माणुह दुनियान वातुन चिन्ता माय रिथे, काय मारी बायकुह किहीक खुस मेलु। 34 वाराड़ावाली एने बिगेर वाराड़ावाली माय बी मालमात हे, बिगेर वाराड़ावाली मालीकान चिन्ता माय रिथे, काय ती सेरीर एने जीव दुयू माय चोखाली रेय, पुण वाराड़ावाली दुनियान चिन्ता माय रिथे, काय मार एदम्याह किहीक खुस मेलु। 35 मी ज्यी वातु तुमरास फायदान केरता केथु, नाह काय तुमूह फासाड़नेन केरता, पुण ज्यानकेरता काय जोहलो होबाथे, तोहलोस केराय जाय काय तुमू एक मोन एन मालीकान सेवा चाकरी माय लागीन रिवो।

36 जी जोड़ीन मांगणी ईयेल हे एने ता वाराड़ नाह केरनेन होमच्‍यो किरेल हेते, पुण ता एदम्याह लागेह काय तान वेवारो ती कुवारलीन बारामाय ठिक नाय मीले, एने इही ताह लागेह ते ताह वाराड़ केर लेणे जुवे जीहे तो हुदेह, ता माय काय पाप नाय मीले।§ 7:36 काल्लो बी वाराड़ ईयेल जोड़ो; ताह हाजो लागेह तोहलो, नाहते एदमी तान वाराड़ नाह ईयेल सोरी, केदी ताह लागेह काय तो ता हेऱ्या लायकीन नाह ओहलो वेवारो केरने बाज रिनो एय, एने तीन वोय वाराड़ केरनेन बाराबोर एय, ते तो तान मोरजीन गेत तीन वाराड़ केराव देणे जुवे। 37 पुण जो ज्या मामलाह आपणा मोना माय ठेरायेल हे, ता कुणीन बी मोजबुरीन ताबाम बांदायेल नाय मीले, पुण तान मोरजी पोर ताबो मिलेह एने जी कुवारली हिऱ्यो वाराड़ केरनेन मोन बाणाव लियेल हे, तो एदमी उंजु बी हाजो किरेह।* 7:37 वाराड़ नाह केरनो; नाहते तान सोरीन वाराड़ एणे नाय देय।
सोरी हेऱ्यो वाराड़ केरी; नाहते तीन वाराड़ एणे देय। 38 जो वाराड़ किरेह तो हाजो किरेह, जो वाराड़ नाह किरेत तो उंजु बी हाजो किरेह।† 7:38 वाराड़ किरेह; नाते तीन सोरीह वाराड़ केरने देय।
वाराड़ नाह किरेत; नाहते तीन वाराड़ नाह एणे दित।

39 जाह वोर एगदी बायकुन एदमी जीवतालो रिथे, ताह वोर ती ता हेऱ्यी बांदायेल हे; पुण केदी तीन एदमी मोर जाय ते ती कुणी हेऱ्यी बी वाराड़ केर सिकेह, पुण मालीक पोर बुरहो केरनार रेणे जुवे। 40 पुण केदी ती वाराड़ नाय केरी, ते मार विचारा माय उंजु बी हाजो हे; एने मी सोमेजथु काय बोगवानान जीव मार माय बी हे।