15
Mey da ray maslaŋ hay maasala ŋga Gazlavay ma da sərdamata banay ta ndəhay
1 Fa dəɓa ha, yah, *Jaŋ, ya hətey cek maaya mekele ma rəzley ndaw a wuzwa vaw da gazlavay da vaɗ. Ara maslaŋ hay ŋga Gazlavay maasala ma da sərdamata banay mekele mekele ta ndəhay haa dey maasala. Banay hay a ŋgene, ara mecey-mevel ŋga Gazlavay madagway-dakw a ray ndəhay da bəla. 15.1 4.5; 15.7; 16.1; 17.1; 21.9 2 Cay, ta’, ya hətey cek mekele saya anda dəhwa ma weɗey pəlŋgeɗ pəlŋgeɗ anda baŋgəra, ta awaw da hwaɗ a, dey a hətey gurgwar a wurza. Ndəhay malacatakaya da mey dəhwa ha, ata ta ganjaval masa Gazlavay ma vəldatara da har. Ara ndəhay ma fənmara cek ŋga ley ta gədaŋ, ma namar ray ŋgada cek maləmkaya anda aŋga heyey ba, ma təɓmara amba a hətam lamba aŋga heyey fa daŋgay ata ba səlak. 15.2 4.6; 5.8; 13.15, 18; 14.2 3 Fa zlam walay masa *Mawiz, ndaw ma ka sləra ŋga Gazlavay ma zla zleezle. Ŋgene he, ara walay ŋga *Bəz-təɓaŋ ŋga Gazlavay may * 15.3 Walay keɗe ara walay ŋga bay-gula. Anda Mawiz ta ndəhay Israyel hay ma zlamara walay da mey Bəlay Magaza maja Gazlavay ma ləhdata dasi har ŋga sewje hay ŋga Ejip heyey na, ndəhay malacatakaya da mey dəhwa keɗe fa zlam walay maja Bəz-təɓaŋ ma ləhdata may.. Ndəhay a, a zlam walay, a ləvam:
Bay Gazlavay, kah Gazlavay ta gədaŋ
ma fənta cek hay tabiya.
Sləra akah masa kah ma ka keɗe na,
aa kwakwaɗ ba, aa maaya ara mey ba.
Kah na, Bay ma wey da ray hwayak hay cəpa.
Cek hay masa kah ma kata na, ka kata ta cəveɗ e,
membərzley da hwaɗ a daa ba səlak. 15.3 16.5-6; 19.2; 22.12; Mew 32.4; Ps 145.17; walay: Mab 15.1; Ps 111.2; 139.14 15.3-4 4.11
4 Bay Gazlavay, ndaw ma zlurey ta kah ba na, wa?
Ndaw ma ləvey a həslka ray ba na, ndaw a dama?
Kah na, kah Gazlavay pal.
Ndəhay daa hwayak hay cəpa a samawa la fa mey akah
ŋga həslmaka ray ta meregedey,
maja ata ma hətmar sləra akah makakaya ta cəveɗ e. 15.4 14.7; Ps 86.9; 98.2-3; Iz 2.2-3; Jer 10.6-7
5 Menjey nekəɗey, yah, Jaŋ, ya hətar *Way-mekey-kwakwas ŋga Gazlavay da vaɗ mawurkaya. Slam-mekərcey ta ambal aa da hwaɗ a. *Akwatay ŋga *mejəwey-mey ŋga Gazlavay ta ndəhay aŋga hay aa daa slam-mekərcey a. 15.5 11.19; Mab 40.34; SNM 7.44 6 Cay, ya hətatar maslaŋ hay maasala ma da sərdamata banay ta ndəhay haa dey maasala heyey, fa bamawa daa way a. Ata ta zana fa vaw mabara, ma ley dey. Asaya, zəwet hay ŋga ɓərey magaza ma weɗey pəlŋgeɗ pəlŋgeɗ majəwtakaya fa dadak ata hay † 15.6 zəwet hay ŋga ɓərey magaza…fa dadak ata hay: A wuɗey ŋga ləvey ata ta gədaŋ ŋga Gazlavay ŋga key sləra.. 15.6 1.13; Dan 10.5 7 Cek hay məfaɗ ta dey heyey, pal da wuzlah ata ta’, a vəltar taasa hay ŋga ɓərey magaza pal pal a maslaŋ hay a maasala heyey. Taasa hay a marəhdatakaya ta mecey-mevel ŋga Gazlavay, Gazlavay ndaw masa ta dey ŋga sərmataw. 15.7 4.6; 14.10; 16.1 8 Daa ŋgene, kakas fa bawa, fa bawa haa a rəhda way a heyey. Kakas a, a bawa daa meweɗey ŋga Gazlavay ta daa gədaŋ aŋga. Ndaw a gwa ŋga mbəzey aa way a ba səlak, si banay hay maasala masa maslaŋ hay maasala ma handamərwa heyey ma ndəvam la cəpa ɗagay. 15.8 Mab 40.34-35; Iz 6.4; Ez 44.4
15:1 15.1 4.5; 15.7; 16.1; 17.1; 21.9
15:2 15.2 4.6; 5.8; 13.15, 18; 14.2
*15:3 15.3 Walay keɗe ara walay ŋga bay-gula. Anda Mawiz ta ndəhay Israyel hay ma zlamara walay da mey Bəlay Magaza maja Gazlavay ma ləhdata dasi har ŋga sewje hay ŋga Ejip heyey na, ndəhay malacatakaya da mey dəhwa keɗe fa zlam walay maja Bəz-təɓaŋ ma ləhdata may.
15:3 15.3 16.5-6; 19.2; 22.12; Mew 32.4; Ps 145.17; walay: Mab 15.1; Ps 111.2; 139.14
15:3 15.3-4 4.11
15:4 15.4 14.7; Ps 86.9; 98.2-3; Iz 2.2-3; Jer 10.6-7
15:5 15.5 11.19; Mab 40.34; SNM 7.44
†15:6 15.6 zəwet hay ŋga ɓərey magaza…fa dadak ata hay: A wuɗey ŋga ləvey ata ta gədaŋ ŋga Gazlavay ŋga key sləra.
15:6 15.6 1.13; Dan 10.5
15:7 15.7 4.6; 14.10; 16.1
15:8 15.8 Mab 40.34-35; Iz 6.4; Ez 44.4