នាវកោរាញឞ្រាសងើយនាវតឹមរាង្លាប់មហែ មាថាយ 3

នាវយោហាន-បាប់តែម មឞើសងក៝ច

(មក ១:១-៨; លក ៣:១-១៨)

1 ជេសរីយោហាន-បាប់តែម ត៝ត់តាឞ្រីរាទាសតាឞ្រីយូដា ពាង់នតើមនតីផូងប៝នលានលាស៖ 2 “រាគ៝ល់ហ៝ម់នូយ្សនហ៝ម់អ្យើសខាន់អៃមៃ យ៝រលាសនាវកោរាញឞ្រាសម៝ត់អ្វាញ់លែៈឞើយត៝ត់”។* 3 ពាង់អីនៃឞូនុយ្សអីគែសញចីសតាឆ៝ម់បុតអេឆាយ អីឞូនុយ្សនតើយ្សនាវងើយកោរាញឞ្រាសកាល់អែនើសញចីសកើតនអា៖

«គែសទូហ្វេឞូនុយ្សនតែរតាឞ្រីរាទាសលាស៖

«នទ្រាប់ហ៝ម់នូយ្សនហ៝ម់អ៝ន់មាកោរាញឞ្រាស

តឹមឞានមាឞូនុយ្សក្វាយ្សត្រ៝ងញឆ៝ង់ត្រ៝ងអ៝ន់មាកាដាច់ហាន់»»†។

4 ល៝ង់យោហាន-បាប់តែម ពាង់ញឆ៝សអាវជ៝ងតាញមារាឆៅឆែសឆាមោ វាន់រាឆែឞុតជានមានតោ នទើឆោងឆាពាង់ក្រាសនទ្រាច ដាសទាកឆុត*។*

5 នោកនៃអ៝ក់ឞូនុយ្សតាប៝នក្វ៝ង់យេរូឆាលឹម អ៝ក់ឞូនុយ្សតាឞ្រីយូដា នទ្រែលមាអ៝ក់ឞូនុយ្សគុរ៝ៈទាករាលាយយោរដាន់ វាច់រានតាយោហាន-បាប់តែម រី។ 6 ខាន់ពាង់គឹតឆាក់ខាន់ពាង់នើមតីសមឞើសរ៝ ជេសរីយោហាន-បាប់តែម ជានបាប់តែមយុកខាន់ពាង់មាទាកតាទាករាលាយយោរដាន់ រី។ 7 ត៝ត់មាឆៃវាច់ផូងផារីឆី † នទ្រែលមាផូងឆាដោឆី ‡អ៝ក់ដ៝ង់ ហាន់អុចជានបាប់តែមយុកមាទាក§ ពាង់លាសខាន់ពាង់កើតនអា៖ “យេ! មពោលឞូនុយ្សអ្យើសឞូនុយ្សជាញតឹមឞានមាឞេសកូ ឞូម៝សមឞើសមាខាន់មៃទឹងគែសមាញច្វាត់ក្រាបឞើសនាវតេៈទោយ្សកោរាញឞ្រាសអីឞើយមាត៝ត់អ្យា?* 8 លាសខាន់មៃមោអុចកោរាញឞ្រាសតេៈទោយ្ស លាសនទ្រីគុឆ៝ង់ជានអ្វែសហ៝ម់ គៃមាគឹតឆៃនូយ្សនហ៝ម់ខាន់មៃលែៈរាគ៝ល់ងាន់រ៝។* 9 លើយហោមលាសអេងតាឆាក់ខាន់មៃនើម៖ «គ៝ប់លែៈឆៅអាឞ្រាហាម់ ងាន់ នទ្រីកោរាញឞ្រាសមោហោមអោសតេៈទោយ្ស»។ គ៝ប់លាសមាខាន់មៃ៖ ជេងឆៅអាឞ្រាហាម់ ទើមមោអោសគែសនាវខ្លៃ។ លុអ្យាកោរាញឞ្រាសឆ៝ៈញជេងឆៅអាឞ្រាហាម់ ជេងដ៝ង់។* 10 អាបៃអ្យាកោរាញឞ្រាសអុចតេៈទោយ្សមាលែៈឞូនុយ្សអីមោជានអ្វែស។ ពាង់តឹមឞានមាឞូនុយ្សនទ្រាប់លើយពេសថាវតេៈតារែសតើមឆី ពាង់មរាកាល់លើយតើមឆីមោគែសព្លៃអ្វែស ជេសរីឆូលើយមាអុញ។*

11 គ៝ប់ជានបាប់តែមអ៝ន់ខាន់មៃយុកមាទាកទើម គៃមាញហើខាន់មៃលែៈរាគ៝ល់នូយ្សនហ៝ម់អ្យើសជេស។ យើនមាគែសទូហ្វេកោរាញឞើយត៝ត់ជេស ពាង់គែសនាវទើយរាលាវគ៝ប់ងាន់។ តានាប់ពាង់គ៝ប់ជេងឞូនុយ្សជេៈលេៈទើម ឞ៝លលាសគ៝ប់ឆើមទ្រ៝ស*នតោជ៝តពាង់ ហោមអែមោហ៝ៈទីដ៝ង់ដាសនាវជានការអ៝ន់មាពាង់។ ពាង់បាប់តែមអ៝ន់ខាន់មៃមាឞ្រាសហ្វេងអ្វែសអីក្ល៝សអ្វែស នទ្រែលមាអុញ។* 12 ពាង់តឹមឞានមាឞូនុយ្សញអោតទោង គៃមារាឆែងគុមមព្រោសលែៈឞាអីគែសតានតុកពាង់ព្លេននៃ។ ឞារាង្លៃពាង់ឆ៝ៈតោសព្រាប់តាជៃឞាពាង់នើម អីញឆ្យាប់ពាង់ឆូលើយមាអុញមោអោសឞ្លាវញហ៝ត់។ កើតនទ្រីពាង់តឹមងខាសលើយឞូនុយ្សឆ៝ង់ដាសឞូនុយ្សតីស ជេសរីតេៈទោយ្សមាឞូនុយ្សតីស”។*

ឞ្រាសយេឆូ ទើននាវបាប់តែមយុកមាទាក

(មក ១:៩-១១; លក ៣:២១-២២; យហ ១:៣២-៣៤)

13 នោកនៃឞ្រាសយេឆូ ហាន់តាៈឞើសឞ្រីកាលីលេ ហាន់ម៝ប់យោហាន-បាប់តែម តាទាករាលាយយោរដាន់ គៃមាអ៝ន់យោហាន-បាប់តែម ជានបាប់តែមយុកពាង់មាទាក។* 14 យើនមាត៝ត់តានៃយោហាន រាលាច់លាសមាពាង់៖ “មើមហាន់តាគ៝ប់ ដាៈគ៝ប់ច្រាវជានបាប់តែមយុកមៃមាទាក? ទីលាសមៃឆើមជានអ៝ន់គ៝ប់”។* 15 ឞ្រាសយេឆូ លាស៖ “អាបៃអ្យាអ៝ន់មៃជានប៝ត់ទោ គៃមាជានតឹមទីទាទេដាសនាវកោរាញឞ្រាសលែៈដាៈ”។ ជេសរីយោហាន-បាប់តែម អុចជាន។ 16 ជេសឞ្រាសយេឆូ ទើនបាប់តែមយុកមាទាក នោកពាង់លោសឞើសទាកនៃ ទោមាឆៃត្រោកពើកឞ៝ង់លាហឺរមាពាង់ ជេសរីពាង់ឆៃឞ្រាសហ្វេងអ្វែសកោរាញឞ្រាសតឹមឞានមាព្លុកជុរទ្រ៝ម់តាពាង់រី។* 17 ទោលនៃគែសតាង់នតែសឞ៝រ់តាៈឞើសកាលើត្រោកលាស៖ “អ្យាក៝នគ៝ប់រ៝ង់ គ៝ប់រាម់រាហើនមាពាង់ហោងាន់ងេន”។*

*3:2 ៣:២៖ មថ ៤:១៧

†3:3 ៣:៣៖ អេឆា ៤០:៣

*3:4 ៣:៤៖ នទើញឆ៝ស យោហាន តឹមឞានមាឞូនុយ្សនតើយ្សនាវងើយកោរាញឞ្រាសកាល់អែនើស។ ក្រាសនទ្រាច នទ្រែលមាទាកឆុតអីនទើឞូជ៝យឆៃតាឞ្រីរាទាស។

*3:4 ៣:៤៖ ២កក ១:៨

†3:7 ៣:៧៖ ផូង ផារីឆី ខាន់ពាង់ជេងផូង អីឆ្រាអែល ដ៝ង់ ខាន់ពាង់នតីនាវវៃផូង អីឆ្រាអែល អ៝ក់ងាន់ នអ៝ប់មានតីនាវវៃអីចែខាន់ពាង់នើមឞើសកាល់អែនើសអ៝ក់ជឹត។

‡3:7 ៣:៧៖ ផូង ឆាដោឆី ខាន់ពាង់ជេងផូង អីឆ្រាអែល ដ៝ង់ ខាន់ពាង់នតីនាវវៃផូង អីឆ្រាអែល អ៝ក់ងាន់ យើនមាខាន់ពាង់ញអោតទើមព្រាម់អឹឆ៝ម់បុតឞើសឆ៝ម់បុតនាវនតើមត៝ត់មាឆ៝ម់បុតនាវវៃរាខិចអី មោឆេ ញចីស។

§3:7 ៣:៧៖ មោលាស «ហាន់មេតអ្វាញ់នាវពាង់ជានបាប់តែមយុកមាទាកអីនៃ»។

*3:7 ៣:៧៖ មថ ១២:៣៤; ២៣:៣៣

*3:8 ៣:៨៖ លក ៣:១០-១៤

*3:9 ៣:៩៖ យហ ៨:៣៣-៣៩; រម ២:២៨-២៩; ៤:១២

*3:10 ៣:១០៖ មថ ៧:១៩; លក ១៣:៦-៩

*3:11 ៣:១១៖ មោលាស «ញអោត»។

*3:11 ៣:១១៖ ការ ១:៥

*3:12 ៣:១២៖ មថ ១៣:៣០

*3:13 ៣:១៣៖ មថ ២:២២-២៣

*3:14 ៣:១៤៖ យហ ១៣:៦

*3:16 ៣:១៦៖ អេឆា ១១:២

*3:17 ៣:១៧៖ មថ ១៧:៥; នម ២:៧; អេឆា ៤២:១