13
នាវនតឹតមាគារ់នតីល
(មក ៤:១-២០; លក ៨:៤-១៥)
1 នារនៃដ៝ង់ឞ្រាសយេឆូ លោសឞើសជៃ ហាន់គុរាគើបតាមែងទាកងលៅក្វ៝ង់កាលីលេ ។ 2 តានៃគែសអ៝ក់ឞូនុយ្សហាន់វាច់អាពាង់ នទ្រីពាង់ហាវគុរាគើបតាកាលើទូមល៝ម់ទូក ជេសរីនតីឞើសកាលើទូករី ផូងប៝នលានគុរ៝ៈមែងទាក។ 3 ជេសរីឞ្រាសយេឆូ នតីលាសអ៝ន់មាខាន់ពាង់អ៝ក់មានាវងើយនតឹត ពាង់លាសកើតនអា៖ “អ្យាត់ហ៝ៈ! គែសទូហ្វេឞូនុយ្សឞូក្លោហាន់ឆូយគារ់នតីលតាមីរ។ 4 នោកពាង់ឆូយនៃអាបាៈតុបរ៝ៈត្រ៝ង ជេសរីឆ្យុមច៝កលែៈផ្យៅ។ 5 គារ់អាបាៈតុបតានែសក្លេរ គារ់អីនៃគើញហ៝នព្រូយ៝រលាសនែសនហើ។ 6 យើនមាត៝ត់ទោសនារតើមអីនៃនទ្រ៝ប្រុង យ៝រមារែសពាង់ហ៝នមោជ្រូ។ 7 គារ់អាបាៈជឹតតុបតានែសល៝ក ជេសរីល៝កហ៝នត៝ល់លែៈផ្យៅ។ 8 ល៝ង់គារ់អីអាបាៈជឹតតុបតានែសអ្វែស ពាង់ហ៝នព្រូអ្វែសជេងងាន់ នហ៝មាត៝ត់គែសព្លៃទូគារ់គែស ១០០ អាបាៈទូគារ់គែស ៦០ អាបាៈជឹតទូគារ់គែស ៣០។ 9 ឞូម៝សតាង់នាវគ៝ប់ងើយអ្យា អ៝ន់ពាង់ងក្ល៝ន់អេងតាឆាក់!”
10 ជេសរីផូងអ៝សម៝នហាន់អោបឞ្រាសយេឆូ ៖ “មើមទឹងមៃងើយដាសផូងប៝នលានងើយនតឹតកើតនៃ?” 11 ឞ្រាសយេឆូ អើសមាខាន់ពាង់៖ “អាល៝រនើសនាវខ្លៃកោរាញឞ្រាសម៝ត់អ្វាញ់ឞូនុយ្សហោមនទ៝ប់មពោន អាបៃអ្យាកោរាញឞ្រាសអ៝ន់មាខាន់អៃមៃគឹតវ៝ត់នទើអីនៃ។ ល៝ង់ខាន់ពាង់កោរាញឞ្រាសមោអ៝ន់។* ១៣:១១៖ មថ ១១:២៥; ១កោ ២:១០ 12 ឞូម៝សអីលែៈគែស កោរាញឞ្រាសកើយនត៝បអ៝ន់មាពាង់ជឹត ជេសរីឞូនុយ្សអីនៃគែសអ៝ក់រាមែសលែរ តីសមាឞូម៝សអីមោគែស កោរាញឞ្រាសឆ៝ៈរាហ្វាត់លើយទឹងលែៈនទើអីពាង់លែៈគែស ឞ៝លលាសដេៈកាដោយ* ១៣:១២៖ មោលាស «ឞូនុយ្សអីគឹតវ៝ត់ទើននាវ គ៝ប់នតី កោរាញឞ្រាសមរាកើយនត៝បតៃអ៝ន់លើមាវ៝ត់រាលាវ ជេសរីឞូនុយ្សអីនៃគែសអ៝ក់រាមែសលែរ។ យើនមាឞូនុយ្សអីមោទើននាវ គ៝ប់ នតី ម៝សនាវអីលែៈពាង់គឹតវ៝ត់តាឆាក់ពាង់ កោរាញឞ្រាសឆ៝ៈលើយលែៈផ្យៅ»។។* ១៣:១២៖ មថ ២៥:២៩ 13 កើតនទ្រីទឹងគ៝ប់ងើយមាខាន់ពាង់ងើយនតឹត កើតនទ្រីឞ៝លលាសខាន់ពាង់អ្វាញ់នទើគ៝ប់ជានក៝ៈមោវ៝ត់នទើខ្លៃនាវអីនៃ ខាន់ពាង់តាង់នាវគ៝ប់ងើយក៝ៈមោអ្យាត់មោវ៝ត់ដ៝ង់។ 14 នាវអីអ្យាជេងតឹមទីដាសនាវអេឆាយ អីឞូនុយ្សនតើយ្សនាវងើយកោរាញឞ្រាសកាល់អែនើសលែៈលាសមាខាន់ពាង់៖
«ខាន់អៃមៃតាង់ងាន់ តីសមាមោវ៝ត់។
ខាន់អៃមៃអ្វាញ់ងាន់ តីសមាមោអោសឆៃមោអោសវ៝ត់
15 យ៝រលាសនូយ្សនហ៝ម់ផូងប៝នលានអ្យាទាង់ក៝ងាន់
តោរខាន់ពាង់មឞ៝ល់។
ខាន់ពាង់ញេបលើយមាត់
មោអ៝ន់ឆៃ
តោរមោអ៝ន់តាង់
នាវមឹនគឹតឞ្លាវមោអ៝ន់វ៝ត់ នទ្រីខាន់ពាង់មោព្លឹឆឹតមាគ៝ប់
ជេសរីគ៝ប់មោអុចជានឞាសខាន់ពាង់»។† ១៣:១៥៖ អេឆា ៦:៩-១០
16 យើនមាអ្វែសមអាកងាន់មាខាន់អៃមៃ យ៝រលាសត្រោមមាត់ខាន់អៃមៃលែៈឆៃ តោរខាន់អៃមៃលែៈតាង់។ 17 គ៝ប់លាសនហេលនានេៈងាន់មាខាន់អៃមៃ គែសអ៝ក់ឞូនុយ្សនតើយ្សនាវងើយកោរាញឞ្រាសកាល់អែនើស នទ្រែលមាអ៝ក់ឞូនុយ្សឆ៝ង់កាល់អែនើសអុចឆៃងាន់ទឹងលែៈនាវអីខាន់អៃមៃឆៃអាបៃអ្យា តីសមាមោអោសឆៃ ខាន់ពាង់អុចតាង់ងាន់នាវអីខាន់អៃមៃតាង់អ្យា តីសមាមោអោសតាង់”។* ១៣:១៧៖ ហេឞ ១១:១៣; ១ពេ ១:១០-១២
18 “លាសនទ្រីអ៝ន់ខាន់អៃមៃអ្យាត់ហ៝ម់ ម៝សនាវខ្លៃងើយនតឹតមាឞូនុយ្សឆូយគារ់នតីលអីនៃ។ 19 លាសគែសឞូនុយ្សតាង់នាវងក៝ចមានាវកោរាញឞ្រាសអុចម៝ត់អ្វាញ់ឞូនុយ្ស តីសមាមោវ៝ត់អោស អីកោរាញមពោលឞ្រាសអ្យើសហាន់ឆ៝ៈនតុងទឹងលែៈនទើអីលែៈគែសលាប់តានូយ្សនហ៝ម់ពាង់ នាវអីនៃតឹមឞានមាគារ់តុបតាត្រ៝ង។ 20 ឞូនុយ្សអីតឹមឞានមាគារ់តុបតានែសលុ ពាង់តាង់នាវកោរាញឞ្រាស ជេសរីអ្យាត់រ៝រាម់មអាកងាន់។ 21 ហ៝នអ្វែសទូប្ល៝ត់ទើម នាវកោរាញឞ្រាសមោអោសហ៝នរែសតានូយ្សនហ៝ម់ពាង់នើម នទ្រីត៝ត់គែសនាវជេរអេងៗ មោលាសឞូជានជេរយ៝រមានាវកោរាញឞ្រាស ពាង់មអារ់រ៝នាវញឆីង។* ១៣:២១៖ ១តេ ៣:៥ 22 ឞូនុយ្សអីតឹមឞានមាគារ់នតីលតុបតានែសល៝ក ពាង់តាង់នាវងើយកោរាញឞ្រាស តីសមាតានូយ្សនហ៝ម់ពាង់ងក្ល៝ន់រាវៃហោងាន់មានាវរេសតានែសនតូអ្យា អុចរាវានកើញគែសទ្រាប់នទើ ជេសរីនាវអីនៃពូតបារ់នាវកោរាញឞ្រាសអីនៃមោអ៝ន់ត៝ត់ព្លៃ។* ១៣:២២៖ មថ ១៩:២៣-២៤; ១តម ៦:៩-១០ 23 ល៝ង់គារ់អីតុបតានែសអ្វែស តឹមឞានមាឞូនុយ្សតាង់នាវកោរាញឞ្រាស នហ៝មាវ៝ត់នាវខ្លៃ ជេសរីត៝ត់គែសព្លៃ គែសទូហ្វេឞូនុយ្សរីទូគារ់ជេងគែស ១០០ ទូគារ់ជេងគែស ៦០ ឞូនុយ្សអាបាៈរីជឹតទូគារ់ជេងគែស ៣០ ងាន់”។* ១៣:២៣៖ យហ ១៥:៥
នាវងើយនតឹតមាឞា
24 ឞ្រាសយេឆូ ងើយនតឹតទូនតីលនាវជឹតអ៝ន់មាឞូកើតនអា៖ “នាវកោរាញឞ្រាសម៝ត់អ្វាញ់ឞូនុយ្ស ជេងតឹមឞានមាទូហ្វេឞូនុយ្សហាន់ឆូយគារ់នតីលឞាអ្វែសតាមីរពាង់នើម។ 25 យើនមាត៝ត់ឞូលែៈឞិច គែសទូហ្វេឞូនុយ្សរាលាង់ដាសពាង់ ហាន់ឆូយគារ់នតីលឞាឞ្រាកតាមីរអីនៃដ៝ង់ ជេសរីទូរ៝សក្លាក់។ 26 ត៝ត់មាឞាលែៈហ៝នលែៈជេងលោសមឞោន ឞាឞ្រាកអីនៃហ៝នដ៝ង់។ 27 ជេសរីផូងទឹកអីតើមមីរអីនៃហាន់មឞើសអាកោរាញខាន់ពាង់៖ «អើកោរាញ នោកមៃឆូយគារ់នតីលតាមីរមៃនើស គារ់នតីលឞាអ្វែស។ លាសនទ្រីឞើសតាៈលោសឞាឞ្រាកអ្យា?» 28 កោរាញអីនៃលាស៖ «គែសឞូនុយ្សរាលាង់រ៝ហាន់ឆូយអីរី»។ ផូងទឹកអើសមាពាង់៖ «លាសនទ្រីមៃអុចអ៝ន់ហេនរោកលើយឞើស?» 29 កោរាញពាង់អើស៖ «មោខាច់អោស លាសខាន់មៃរោក ក្លាចលាសគែសរោកនអ៝ប់មាឞា។ 30 អុចរ៝ងអ៝ន់ពាង់ហ៝ននទ្រែលហ៝ៈ ត៝ត់ខៃរែករីតៃ គ៝ប់មរាមឞើសមាឞូនុយ្សរែក ដាៈខាន់ពាង់រែកល៝រឞាឞ្រាកចាប់រាគូមពូរលើយតាអុញ ជេសរីទឹងរែករាគូមឞាងាន់តោសព្រាប់តាជៃគ៝ប់នើម»”។* ១៣:៣០៖ នតម ១៤:១៤-១៥
នាវងើយនតឹតមាគារ់ឆីទូនតីលទុតជេៈ នទ្រែលមានទ្រូយ
(មក ៤:៣០-៣៤; លក ១៣:១៨-២១)
31 ឞ្រាសយេឆូ ងើយនតឹតអ៝ន់មាខាន់ពាង់ទូនតីលនាវជឹត៖ “នាវកោរាញឞ្រាសម៝ត់អ្វាញ់ឞូនុយ្សតឹមឞានមាគែសទូហ្វេឞូនុយ្សហាន់ឆូយគារ់ទូនតីលទុតជេៈតាមីរពាង់នើម។* ១៣:៣១៖ មថ ១៧:២០ 32 ឞ៝លលាសគារ់នតីលអីនៃជេៈរាលាវឞូងាន់ដាសមាទឹងលែៈគារ់នតីលអេងៗ ត៝ត់ពាង់លែៈហ៝ន ពាង់ក្វ៝ង់រាលាវតើមឆីអេងៗតាមីរ ជេងទូមល៝ម់តើមឆីក្វ៝ង់ងាន់ គែសឆ្យុមទ្រ៝ម់គុជានរាឆ្វាន់តាងគីងនថានពាង់”។* ១៣:៣២៖ អេឆេ ១៧:២២-២៣
33 ឞ្រាសយេឆូ ងើយនតឹតទូនតីលនាវជឹត៖ “នាវកោរាញឞ្រាសម៝ត់អ្វាញ់ឞូនុយ្សជេងតឹមឞានមានទ្រូយអីដេៈ ទូហ្វេឞូអូរឆ៝ៈព៝តលាយនទ្រែលរានីសឞាព្រាង់ អ៝ក់ ពាង់តេៈទាកមព្យាច់អ៝ន់តឹមលាប់ឞាល់គៃមាជាននុមពាង់។ ត៝ត់ជ៝ៈទូម៝ងឞារម៝ងឞើសកើយនៃ ឞ៝លលាសពាង់តេៈនទ្រូយដេៈកាដោយ ហោមទឹងលែៈនទើអីនៃលើមាក្វ៝ង់លើមាក្វ៝ង់”។ 34 ទឹងលែៈនាវអីនៃឞ្រាសយេឆូ ងើយអ៝ន់មាផូងប៝នលាន ពាង់ងើយនតឹតទាទេ ពាង់មោគែសអោសងើយនាវលាសពាង់មោងើយនតឹត។ 35 ពាង់ងើយកើតនៃ គៃមាតឹមទីដាសនាវមពោលឞូនុយ្សនតើយ្សនាវងើយកោរាញឞ្រាសកាល់អែនើសលែៈលាសកើតនអា៖
«គ៝ប់មរាងើយមាខាន់ពាង់មានាវងើយនតឹត
គ៝ប់មឞើសងក៝ចនាវនទ៝ប់មពោនឞើសនតើមឆាអើមអ៝ន់ខាន់ពាង់គឹត»† ១៣:៣៥៖ នម ៧៨:២។
ឞ្រាសយេឆូ មឞើសងក៝ចនាវខ្លៃមានាវនតឹតឞាឞ្រាក
36 ជេសរីឞ្រាសយេឆូ ឆឹតឞើសផូងប៝នលាននៃលាប់តាទូមល៝ម់ជៃ ផូងអ៝សម៝នហាន់អោបពាង់៖ “ទាន់មៃមឞើសអ៝ន់ហេន ម៝សនាវខ្លៃងើយនតឹតមាឞាឞ្រាកតាមីរអីនៃ?” 37 ឞ្រាសយេឆូ មឞើសមាខាន់ពាង់៖ “នើមអីឆូយគារ់នតីលឞាអ្វែស នតឹតតឹមឞានមាគ៝ប់អីក៝នឞូនុយ្សតាៈឞើសកោរាញឞ្រាស។ 38 មីរអីនៃនតឹតតឹមឞានមានែសនតូអ្យា។ គារ់នតីលឞាអ្វែសនតឹតតឹមឞានមាផូងឞូនុយ្សអីលែៈគុតានាវកោរាញឞ្រាសម៝ត់អ្វាញ់។ ឞាឞ្រាកអីនៃនតឹតតឹមឞានមាផូងឞូនុយ្សអីអ្យាត់នាវកោរាញមពោលឞ្រាសអ្យើស។* ១៣:៣៨៖ ១កោ ៣:៩ 39 ឞូនុយ្សរាលាង់ឆូយឞាឞ្រាកអីនៃនតឹតតឹមឞានមាកោរាញមពោលឞ្រាសអ្យើស។ ខៃរែកនតឹតតឹមឞានមានារងគ្លែៈទុតនែសនតូតៃ។ នើមនាក់រែកនតឹតតឹមឞានមាផូងតោងពារ់។ 40 ឞូរែកឞាឞ្រាកឆូលើយតាអុញ លាសនទ្រីតានារងគ្លែៈទុតនែសនតូតៃពាង់គែសតឹមឞានកើតនៃដ៝ង់៖ 41 គ៝ប់អីក៝នឞូនុយ្សតាៈឞើសកោរាញឞ្រាសមរាដាៈតោងពារ់គ៝ប់នើមហាន់ញុបទឹងលែៈផូងជានអ្យើស នទ្រែលមាទឹងលែៈផូងលែវឞូជានតីស ងលោសខាន់ពាង់ឞើសនាវគ៝ប់ម៝ត់អ្វាញ់* ១៣:៤១៖ មថ ២៤:៣១ 42 ងក្លាច់លើយខាន់ពាង់តានទ្រូងអុញ តានតុកនៃគែសនាវញហ្យាង់ញុម នទ្រែលមារាច្យាត់ឆេក។ 43 យើនមាឞូនុយ្សឆ៝ង់គែសនាវច្រាតអាងតឹមឞានមានារងាន់ គុនទ្រែលនាវកោរាញឞ្រាសឞឹខាន់ពាង់នើមម៝ត់អ្វាញ់។ ឞូម៝សតាង់នាវគ៝ប់ងើយអ្យា អ៝ន់ពាង់មឹនអេងតាឆាក់ពាង់នើម”។* ១៣:៤៣៖ ដាន ១២:៣
ងើយនតឹតនទើត៝ប់តាត្រោមនែស
44 “នាវកោរាញឞ្រាសម៝ត់អ្វាញ់នតឹតតឹមឞានមាឞូត៝ប់នទ៝ប់ទ្រាប់នទើខ្លៃតាមីរ។ គែសទូហ្វេឞូក្លោឆៃទ្រាប់នទើខ្លៃអីនៃ ពាង់ពោនរ៝ ពាង់រាម់មអាកហោងាន់ ជេសរីពាង់ឆឹតតាច់ទឹងលែៈនទើពាង់គែស គៃមាឆ៝ៈព្រាក់រាវាត់នែសមីរអីនៃ”។* ១៣:៤៤៖ មថ ១៩:២៩; ផល ៣:៧-៨
ងើយនតឹតមាពិចមល៝ម់(លុគ្ល៝)អីខ្លៃ
45 “នាវកោរាញឞ្រាសម៝ត់អ្វាញ់នតឹតតឹមឞានមាទូហ្វេឞូនុយ្សហាន់ជ៝យរាវាត់ពិចមល៝ម់(លុគ្ល៝)អីខ្លៃដ៝ង់។ 46 ត៝ត់ពាង់លែៈឆៃពិចទូមល៝ម់(លុគ្ល៝)ទុតខ្លៃ ពាង់ឆឹតតាច់ទឹងលែៈនទើពាង់គែស គៃមារាវាត់ពិច(លុគ្ល៝)ខ្លៃអីនៃ”។
ងើយនតឹតមាម៝ងអីឞូតេៈតាទាក
47 “នាវកោរាញឞ្រាសម៝ត់អ្វាញ់ឞូនុយ្សនតឹតតឹមឞានមាម៝ងអីឞូទ្រាង់តាទាកវាច់ទាកវារ់គែសកាអាប់នតីលងាន់។ 48 ត៝ត់មាលែៈគែសឞេងម៝ងរី ឞូអូយ្សហាវអាកើសអ្យា ជេសរីគុទោញកាអីអ្វែសៗតេៈតាត្រោមឆាស កាអីមោអ្វែសមអារ់លើយ។ 49 តានារងគ្លែៈទុតនែសនតូតៃតឹមឞានមាកើតនៃដ៝ង់។ ផូងតោងពារ់ហាន់តឹមងខាសផូងតីសលោសឞើសផូងឆ៝ង់។* ១៣:៤៩៖ មថ ២៥:៣២ 50 ជេសរីខាន់ពាង់ងក្លាច់ផូងតីសតានទ្រូងអុញ តានតុកនៃគែសនាវញហ្យាង់ញុម នទ្រែលមារាច្យាត់ឆេក”។ 51 ឞ្រាសយេឆូ អោបផូងអ៝សម៝នពាង់៖ “អាសខាន់អៃមៃគឹតវ៝ត់ដ៝ង់នាវទឹងលែៈអ្យា?” ខាន់ពាង់អើស៖ “វ៝ត់”។ 52 ឞ្រាសយេឆូ លាសតៃមាខាន់ពាង់៖ “ទឹងលែៈផូងនើមនតីនាវវៃឞ៝ន់ អីនតីតឹងនាវគ៝ប់នតីមានាវកោរាញឞ្រាសម៝ត់អ្វាញ់ឞូនុយ្ស ពាង់តឹមនតឹតតឹមឞានមាទូហ្វេឞូនុយ្សតើមជៃ ពាង់ងលោសទឹងលែៈទ្រាប់នទើខ្លៃពាង់នើមឞើសនតុកពាង់ព្រាប់ នអ៝ប់មានទើអើមនទើមហែ”។
ឞូនុយ្សតាប៝ននាឆារែត មោរ៝មឞ្រាសយេឆូ
(មក ៦:១-៦; លក ៤:១៦-៣០)
53 ជេសឞ្រាសយេឆូ ងើយនតឹតកើតនៃ ជេសរីពាង់ទូលោសឞើសនតុកនៃ 54 ហាន់តាប៝ននាឆារែត អីប៝នពាង់នើម ពាង់នតុមនតីឞូតាញីសរាបុនខាន់ពាង់នើម។ ទឹងលែៈឞូនុយ្សគែសនាវនទ្រ៝ត់ហីសរាហ៝ល់ងាន់ ជេសរីតឹមលាសនទ្រាង់ខាន់ពាង់នើម៖ “ហៃ! ឞើសតាៈគែសនាវមឹនគឹតឞ្លាវពាង់អីនៃ នទ្រែលមានាវទើយ ទើយជាននាវខ្លៃនៃហៃ?* ១៣:៥៤៖ មថ ២:២២-២៣; យហ ៧:១៥ 55 ពាង់អីនៃអីក៝នឞូនុយ្សនាក់ជានការតើមឆីទើម មេៈពាង់រាញាមារី អ៝សឞូក្លោពាង់រាញាយាកើ យោឆែប ឆីមោន នទ្រែលមាយូដាស * ១៣:៥៥៖ យហ ៦:៤២ 56 ទឹងលែៈអីអ៝សៗឞូអូរពាង់គុនទ្រែលឞ៝ន់តាប៝នអ្យាដ៝ង់។ លាសនទ្រីឞើសតាៈនាវគឹតនាវទើយពាង់អីនៃ?” 57 នទ្រីទឹងខាន់ពាង់ជីនូយ្សក៝ៈនូយ្សក៝ៈនហ៝ម់មោអុចអ្យាត់នាវពាង់។ ឞ្រាសយេឆូ លាសមាខាន់ពាង់៖ “ទីងាន់! មពោលឞូនុយ្សនតើយ្សនាវងើយកោរាញឞ្រាសកាល់អែនើស ឞូយើកតាទឹងលែៈនតុក យើនមាឞូមឺចខាន់ពាង់តាឞ្រីខាន់ពាង់នើម នទ្រែលមាតាជៃខាន់ពាង់នើមដ៝ង់”។ 58 តានតុកនៃឞ្រាសយេឆូ ជាននទើអ្វែសនទើខ្លៃមោអោសអ៝ក់ យ៝រលាសឞូមោអោសញឆីងមាពាង់។
*13:11 ១៣:១១៖ មថ ១១:២៥; ១កោ ២:១០
*13:12 ១៣:១២៖ មោលាស «ឞូនុយ្សអីគឹតវ៝ត់ទើននាវ គ៝ប់នតី កោរាញឞ្រាសមរាកើយនត៝បតៃអ៝ន់លើមាវ៝ត់រាលាវ ជេសរីឞូនុយ្សអីនៃគែសអ៝ក់រាមែសលែរ។ យើនមាឞូនុយ្សអីមោទើននាវ គ៝ប់ នតី ម៝សនាវអីលែៈពាង់គឹតវ៝ត់តាឆាក់ពាង់ កោរាញឞ្រាសឆ៝ៈលើយលែៈផ្យៅ»។
*13:12 ១៣:១២៖ មថ ២៥:២៩
†13:15 ១៣:១៥៖ អេឆា ៦:៩-១០
*13:17 ១៣:១៧៖ ហេឞ ១១:១៣; ១ពេ ១:១០-១២
*13:21 ១៣:២១៖ ១តេ ៣:៥
*13:22 ១៣:២២៖ មថ ១៩:២៣-២៤; ១តម ៦:៩-១០
*13:23 ១៣:២៣៖ យហ ១៥:៥
*13:30 ១៣:៣០៖ នតម ១៤:១៤-១៥
*13:31 ១៣:៣១៖ មថ ១៧:២០
*13:32 ១៣:៣២៖ អេឆេ ១៧:២២-២៣
†13:35 ១៣:៣៥៖ នម ៧៨:២
*13:38 ១៣:៣៨៖ ១កោ ៣:៩
*13:41 ១៣:៤១៖ មថ ២៤:៣១
*13:43 ១៣:៤៣៖ ដាន ១២:៣
*13:44 ១៣:៤៤៖ មថ ១៩:២៩; ផល ៣:៧-៨
*13:49 ១៣:៤៩៖ មថ ២៥:៣២
*13:54 ១៣:៥៤៖ មថ ២:២២-២៣; យហ ៧:១៥
*13:55 ១៣:៥៥៖ យហ ៦:៤២