នាវកោរាញឞ្រាសងើយនាវតឹមរាង្លាប់មហែ តីតុស 2

នាវនតុមនតីទី

1 ល៝ង់អីមៃនៃ អ៝ន់មៃនតុមនតីតឹមទីដាសនាវនតុមនតីទី។* 2 នតុមនតីមពោលឞូរាញអ៝ន់គុរេសគឹតញជីងនាវអ្វែសនាវអ្យើស គុងាវអ្វែស ទុបនូយ្សលើយអ៝ន់ជានតឹងនាវកើញ គែសនាវញឆីងន៝ប់ គែសនាវរ៝ង់មាឞូនឹង នទ្រែលមាឞ្លាវអ៝ត់នូយ្សនឹងតានាវជេរ។* 3 អ៝ន់មៃនតុមនតីមាផូងឞូអូររាញកើតនៃដ៝ង់ អ៝ន់ខាន់ពាង់គុងាវក្រាវឆាចតឹមទីមាឞូនុយ្សអីយើកមឞាសមាកោរាញឞ្រាស។ លើយអោសអ៝ន់ខាន់ពាង់ងើយកែកឞូ មោលាសហៃមាញេតនទ្រាញ់។ អ៝ន់ខាន់ពាង់នតុមនតីផូងឞូអូរអីហោមក៝នឆែមានាវអីអ្វែសហ៝ៈ‌* 4 គៃមានហាវនូយ្សនហ៝ម់ខាន់ពាង់អ៝ន់រ៝ង់មាក៝នរ៝ង់មាឆាយខាន់ពាង់នើម‌ 5 អ៝ន់ឞ្លាវម៝ត់ញជ្រាង់ឆាក់អ៝ន់គុទីកែស ជេសរីគុងាវអ៝ន់តឹមទី ឞ្លាវជានការតាញីសជៃ គែសនូយ្សនហ៝ម់អ្វែស ឞ្លាវយើកមាឆាយ។ ជានកើតនៃគៃមាលើយអោសអ៝ន់ឞូមឺចនាវកោរាញឞ្រាស។

6 ផូងឞូនទាម់ដាៈខាន់ពាង់កើតនៃដ៝ង់ អ៝ន់ខាន់ពាង់ឞ្លាវម៝ត់ញជ្រាង់ឆាក់អ៝ន់គុទីកែស។* 7 ល៝ង់អីមៃនៃ អ៝ន់គុរេសអ្វែសទឹងលែៈនតីលនទើ លែវនាវអ្វែសអ៝ន់មាឞូ។ នោកមៃនតុមនតីឞូ ឆាក់មៃនើមគុអ៝ន់តឹមទីដ៝ង់ នតុមនតីមានូយ្សនហ៝ម់ឆ៝ង់‌* 8 មឞើសងើយទី មោអោសហោមឞ្លាវឞូជឺច។ លាសជានកើតនៃឞូនុយ្សអីតឹមរាទ៝ង់មាឞ៝ន់មរាដីតព្រេងរ៝ ងើយនទើអ្យើសមាឞ៝ន់មោហោមអោសឞ្លាវ។*

9 នតីផូងឞូនុយ្សអីជានទឹកឞូ អ៝ន់ខាន់ពាង់អ្យាត់នាវកោរាញខាន់ពាង់នើមទឹងលែៈនតីលនទើជាន អ៝ន់អីកោរាញទីនូយ្សនហ៝ម់។ លើយអ៝ន់ខាន់ពាង់តឹមរាលាច់‌* 10 លើយអោសញឆ្យាន់ទ្រាប់នទើកោរាញខាន់ពាង់នើម អ៝ន់គុងាវអ្វែសឆ៝ង់ឆ្រាង់នឹងហ៝ៈទឹងលែៈនតីលនទើ។ លាសនទ្រីទឹងលែៈឞូនុយ្សអីឆៃខាន់ពាង់ជានកើតនៃ ឞូរានេអ្វែសទឹងលែៈនាវនតុមនតីអីតាៈឞើសកោរាញឞ្រាសអីនើមរាក្លាយ្សផូងឞ៝ន់។

11 អ៝ន់គុរេសកើតនៃ យ៝រលាសនាវអ្វែសកោរាញឞ្រាសលែៈមពើលជេសមាឞូនុយ្សឆៃ ពាង់អុចអ៝ន់នាវរាក្លាយ្សមាទឹងលែៈឞូនុយ្ស។* 12 ពាង់នតុមនតីដាៈឞ៝ន់មអារ់លើយទឹងលែៈនាវអីពាង់មោអុច នទ្រែលមាមអារ់លើយទឹងលែៈនាវផូងឞូនុយ្សអីមោយើកមាពាង់ នាវខាន់ពាង់កើញតានែសនតូអ្យា។ ជេសរីគុរេសតានែសនតូអ្យាអ៝ន់ឞ្លាវម៝ត់ញជ្រាង់ឆាក់អ៝ន់គុទីកែស គុរេសឆ៝ង់ ជានតឹងមានាវកោរាញឞ្រាសនើមអុចហ៝ៈ‌ 13 នហ៝មាឞ៝ន់ហោមរានើមគុក៝ប់នាវព្លឹវាច់ឞ្រាសយេឆូក្រីស តានាវច្រេកលើប។ ពាង់អីនើមរាក្លាយ្សឞ៝ន់ ពាង់អីឞ្រាសទុតក្វ៝ង់អីឞ្រាសឞ៝ន់យើកមឞាស។* 14 ឞ្រាសយេឆូ លែៈញជុនជេសឆាក់ពាង់នើមមាខឹត គៃមារាក្លាយ្សឞ៝ន់ក្លាយ្សឞើសនាវតីសអាប់នតីល នអ៝ប់មាជានក្ល៝សឞូនុយ្សទូផូងអ៝ន់មាពាង់នើម ជេងប៝នលានអីគើយ្សជាននទើអ្វែស។* 15 លែៈនាវអីនៃអ៝ន់មៃនតុមនតី នទ្រែលមាមឞើសងក៝ចគៃមានហាវនូយ្សនហ៝ម់ឞូ ជេសរីអ៝ន់មៃលាសឞូនុយ្សអីជានតីស។ លើយមៃដីតអោស អ៝ន់មៃជាននទើអីនៃមាលែៈនាវទើយ លើយអោសអ៝ន់គែសឞូមឺចមាមៃ។*

*2:1 ២:១៖ ២តម ១:១៣

*2:2 ២:២៖ កល ១៩:៣២; ១តម ៥:១

*2:3 ២:៣-៥៖ ១តម ៥:១៤; ១ពេ ៣:១-៦

*2:6 ២:៦៖ ១តម ២:៨; ១ពេ ៣:៧

*2:7 ២:៧៖ ១កោ ១១:១

*2:8 ២:៨៖ ២តម ២:១៥; ១ពេ ២:១២, ១៥

*2:9 ២:៩-១០៖ អេផ ៦:៥-៨; កោល ៣:២២-២៥; ១តម ៦:១-២; ១ពេ ២:១៨

*2:11 ២:១១៖ តត ៣:៤

*2:13 ២:១៣៖ មថ ២៤:៤៣-៤៤; រម ៥:៩-១០; ១កោ ១:៧-៨; ផល ៣:២០; ១តេ ១:១០; ៥:២-៤; ២ពេ ៣:១៣-១៤

*2:14 ២:១៤៖ ១តម ២:៥-៦; កោល ១:២១-២២; អេផ ២:១០; ២តម ៣:១៧

*2:15 ២:១៥៖ ១តម ៤:១២