នាវកោរាញឞ្រាសងើយនាវតឹមរាង្លាប់មហែ កោរាញអ៝សម៝ន 12

ឞូងខឹតយាកើ ពេត្រោស ឞូក្រុងតាត្រោមនទ្រូង

1 នោកនៃ កាដាច់ហេរោត *នតើមជានជេរមាឞូនុយ្សអាបាៈតាផូងញឆីងមាឞ្រាសក្រីស ។ 2 ពាង់ដាៈឞូងខឹតលើយកោរាញអ៝សម៝នរាញាយាកើ អីនោយោហាន មាដាវ។* 3 ជេសរីពាង់ដាៈឞូញុបពេត្រោស ដ៝ង់ យ៝រមាពាង់ឆៃកោរាញឞ្រីយូដា រាម់ងាន់មានាវនៃ។ នោកនៃឞូហោមញេតបុននុមពាង់មោគែសនទ្រូយ។ 4 ជេសញុបរីឞូតេៈពាង់តាត្រោមនទ្រូង ជេសរីកាដាច់ដាៈផូងតាហែនព្វាន់មពោលគុញជ្រាង់ពេត្រោស រី ទូមពោលគែសព្វាន់នុយ្ស។ នាវមឹនកាដាច់អុចផាតទោយ្សពេត្រោស តានាប់ផូងប៝នលានជេសញេតបុននហ៝ត†រីតៃ។ 5 ពេត្រោស ឞូក្រុងតាត្រោមនទ្រូងរី។ ល៝ង់ផូងញឆីងមាឞ្រាសក្រីស រីលែវឞាល់មឞើសឆើមទាន់មាកោរាញឞ្រាសទុតនហ៝ម់ងាន់ ទាន់កើលមាពាង់។* 6 ទោលកាដាច់ហេរោត មឹនអុចលែវពេត្រោស មាផាតទោយ្ស មាង់នៃពេត្រោស ឞិចគែសរាឆែរាវាក់ឞាររាឆែក៝ត់តាតីពាង់រី ច្យៅមាពាង់រីគែសឞារហៃតាហែនឞិចនទ្រែលតារី តាឞោកមពោងនទ្រូងរីគែសតាហែនក៝ប់ញជ្រាង់ដ៝ង់។ 7 ទោលនៃទោមាគែសតោងពារ់កោរាញឞ្រាសវាច់តារី ច្រាតអាងលាមត្រោមនទ្រូងរីងាន់។ តោងពារ់ក្លែសរាលៃពេត្រោស ឞើសពុងទាក ពាង់លាស៖ “មៃទ៝ក់អ៝ន់ងាច់ហ៝ម់!” ល៝ង់រាឆែរាវាក់រីរាល៝ត់អេងព្រុយ្សឞើសតីពាង់។* 8 ជេសរីតោងពារ់លាសមាពាង់៖ “ក៝ត់រាឆែឞុត នទ្រែលមានត្រុបនតោជ៝តមៃនៃហ៝ម់!” ពេត្រោស ជានប៝យនាវពាង់ដាៈ។ តោងពារ់លាសជឹតមាពាង់៖ “ញឆ៝សហ៝ម់អាវក្វ៝ង់មៃនៃ ជេសរីហាន់តឹងគ៝ប់”។ 9 ជេសរីពេត្រោស លោសតឹងតោងពារ់នៃរ៝ ពាង់មោមឹនអោសនាវតោងពារ់ជានមាពាង់នៃជេងនាវងាន់ ពាង់នអោនលាសឆៃនាវតឹមឆៃទើម។ 10 តោងពារ់ នទ្រែលមាពេត្រោស ហាន់គ្លាត់នតុកឞូក៝ប់ញជ្រាង់ទូកើន នទ្រែលមានតុកឞូក៝ប់ញជ្រាង់ឞារកើន ជេសរីនហ៝តត៝ត់តាមពោងល៝យ្សអីលោសត៝ត់តាប៝ន។ មពោងអីនៃលែៈអើមពើកអេងរ៝តានាប់ខាន់ពាង់រី ជេសរីខាន់ពាង់លោសឞើសនៃ។ ទោលខាន់ពាង់ហាន់រ៝ៈត្រ៝ងង្វាយ ពេត្រោស មោហោមអោសឆៃតោងពារ់ ទោមារ៝សក្លាក់រ៝។ 11 ជេសរីពេត្រោស គឹតឆាក់ ពាង់លាស៖ “អាបៃអ្យាលែៈគ៝ប់គឹតជេសនាវអ្យាជេងនាវងាន់។ កោរាញឞ្រាសញជ្វាល់តោងពារ់ពាង់ហាន់រាក្លាយ្សគ៝ប់ឞើសតីកាដាច់ហេរោត នទ្រែលមាឞើសនាវអុចផូងកោរាញឞ្រីយូដា អុចលើសមាគ៝ប់”។

12 ជេសមឹនកើតនៃ ពាង់ហាន់តាជៃមារី អីមេៈយោហាន អីឞូក្វាល់មារកោស ដ៝ង់។ ជៃអីនៃគែសអ៝ក់ឞូនុយ្សគុរាបុនមឞើសឆើមត៝ត់តានៃ។ 13 ពាង់ក្វាល់‡ឞើសទីសមពោងរី តានៃគែសទូហ្វេឞូអូរកើលជានការរាញារោដា ហាន់រានអ្យាត់តាឞោកមពោង។ 14 ត៝ត់ពាង់នាល់លាសឞ៝រ់ពេត្រោស ពាង់រាម់អីរ ត៝ត់មាច្វេលពើកមពោងមាពាង់ ញច្វាត់ព្លឹមឞើសមាឞូលាស៖ “ហើយខាន់អៃមៃ! ពេត្រោស តាឞើសទីសមពោង”។ 15 ឞូលាសមាពាង់៖ “អៃនទឹតទាសមាលាស”។ យើនមាឞូអូរនៃហោមជ៝ល់ក៝លាសមាខាន់ពាង់៖ “ពាង់ងាន់រ៝”។ ឞូលាស៖ “គឹតមាតោងពារ់§អីញជ្រាង់ពាង់ទើម”។ 16 យើនមាពេត្រោស ហោមក្វាល់ឞើសទីសមពោងរីនានាវ ជេសរីឞូពើកមពោង។ ត៝ត់មាឆៃពាង់រី ឞូនទ្រ៝ត់ហីសរាហ៝ល់ងាន់មោវ៝ត់អោស។ 17 ពេត្រោស ជានមាតីគៃមាអ៝ន់ខាន់ពាង់គុរាក្លាក់ ពាង់មឞើសងក៝ចមើមបាៈកោរាញឞ្រាសកើលមាពាង់ ទឹងគែសមាទើយលោសឞើសត្រោមនទ្រូងនៃនើស។ ជេសរីពាង់នតិញមាខាន់ពាង់៖ “ដាៈខាន់អៃមៃមឞើសងក៝ចនាវអ្យាអ៝ន់មាយាកើ * នទ្រែលមាផូងញឆីងទឹងលែៈអ៝ន់ខាន់ពាង់គឹតដ៝ង់”។ ជេសរីពាង់ហាន់នហ៝តតៃនតុកអេងជឹត។*

18 ត៝ត់ឞ្រីអាងអោយ តាហែនរីគែសនាវអុសអាសងាន់ យ៝រមាមោហោមឆៃពេត្រោស ។ 19 កាដាច់ដាៈឞូជ៝យពាង់ យើនមាជ៝យមោហោមឆៃអោស កាដាច់អោបជែកផូងតាហែននៃ ជេសរីដាៈឞូងខឹតលើយខាន់ពាង់អីនៃ។ ជេសឞើសនៃកាដាច់លោសឞើសឞ្រីយូដា ហាន់គុតាប៝នឆេឆារា ។

នាវខឹតកាដាច់ហេរោត

20 កាដាច់ហេរោត មោតឹមទីអោសមាឞូនុយ្សតាប៝នក្វ៝ង់តីរុស នទ្រែលមាឞូនុយ្សតាប៝នក្វ៝ង់ឆីដោន ពាង់ជីនូយ្សហោងាន់។ យើនមាផូងនៃគែសនាវមឹនទូនតោរនាវទើមគៃមាឞ្រោៈម៝ប់កាដាច់រី។ ខាន់ពាង់តឹមរាង្លាប់នទ្រែលឞ្លាសតុស ជេងឞូនុយ្សក្វ៝ង់ជានការមាកាដាច់ គៃមាគែសនាវដាប់មពាន់នទ្រែលកាដាច់ យ៝រលាសនទើឆោងឆាតាឞ្រីខាន់ពាង់នើសឆ៝ៈតាៈឞើសឞ្រីកាដាច់នៃ។ 21 ត៝ត់លែៈទីនារតឹមនាល ហេរោត ញឆ៝សងគូតអាវអ្វែសហាវគុតារានើលកាដាច់ពាង់រី ជេសរីងើយអ៝ន់មាផូងប៝នលានគុអ្យាត់។ 22 លែៈផូងប៝នលាននតែររានេទុតនតែសៗ៖ “អ្យាជេងនាវងើយឞ្រាស មោអោសទីនាវងើយឞូនុយ្ស!” 23 ទូនហ៝ម់តានៃ គែសទូហ្វេតោងពារ់កោរាញឞ្រាសហាន់លើសលើយកាដាច់នៃ យ៝រលាសពាង់ទើននាវយើកមឞាសអីនៃមាពាង់នើមអីទីមាអ៝ន់កោរាញឞ្រាសទើម។ ពាង់ខឹតយ៝រមារាហាយឆា។

24 ល៝ង់នាវកោរាញឞ្រាសលើមាហោឞូនុយ្សតាង់ ជេសរីឞូនុយ្សឆឹតញឆីងមាឞ្រាសយេឆូ លើមាអ៝ក់ដ៝ង់។ 25 បារនាបាស នទ្រែលមាឆោល រី ជេសខាន់ពាង់ញជុនព្រាក់តាផូងញឆីងមាឞ្រាសក្រីស តាប៝នយេរូឆាលឹម លែៈផ្យៅ ជេសរីលោសឞើសនៃព្លឹឆឹតតៃតាប៝នអ៝ន់តីយោក នហ៝មាលែវយោហាន អីឞូក្វាល់មារកោស ហាន់នទ្រែលខាន់ពាង់ដ៝ង់។*

*12:1 ១២:១៖ កាដាច់ហេរោត អ្យា ឞូក្វាល់ដ៝ង់ហេរោត-អាគ្រឹពា ពាង់អីឆៅកាដាច់ហេរោត ក្វ៝ង់(លក ១:៥) ជេសរីពាង់ជេងអីម៝នហេរោត-អ៝ន់តីពាស (លក ៣:១)ដ៝ង់។

*12:2 ១២:២៖ មថ ៤:២១-២២; ១០:២; ២០:២០-២៣

†12:4 ១២:៤៖ បុននុមពាង់មោគែសនទ្រូយនតើមនារអោយតៃជេសបុននហ៝តនហ៝មាត៝ត់ផាមនារ។ យើនមាគែសអ៝ក់ឞូងើយលែៈឞារបុនអីនៃឞូងើយ«បុននហ៝ត»។

*12:5 ១២:៥៖ មថ ១៨:១៩; លក ១៨:១-៨; យហ ១៥:៧

*12:7 ១២:៧៖ ការ ៥:១៩

‡12:13 ១២:១៣៖ តានាវងើយគ្រែក លាស៖ «គ៝សមពោង»។ នោកនៃឞូគ៝សមពោងល៝រអេល៝រមាលាប់ត្រោមជៃ។

§12:15 ១២:១៥៖ ផូងអីឆ្រាអែល នោកនៃគឹតលាសទូហ្វេទូហ្វេឞូនុយ្សគែសទូហ្វេតោងពារ់កោរាញឞ្រាសញជ្រាង់ខាន់ពាង់។

*12:17 ១២:១៧៖ យាកើ អីជេងកោរាញផូងញឆីងមាឞ្រាសក្រីសតាយេរូឆាលឹម ឞូគឹតលាសពាង់អីអ៝សឞ្រាសយេឆូ ។

*12:17 ១២:១៧៖ ការ ១៥:១៣

*12:25 ១២:២៥៖ ការ ១២:១២; ១៣:៥, ១៣; ១៥:៣៧-៣៩; កោល ៤:១០; ២តម ៤:១១