15
Abhakhabhɨzya saba nu wugoji saba
1 Pe ɨnhalola ɨshɨlolesyo ɨshamwabho kʉmwanya ɨshɨpɨtɨ, khabhɨlɨ sha kuswijizya: páamɨle abhakhabhɨzya saba bhe bhalɨ nu wugoji saba ʉwa kʉmpeleela. Ku wugoji saba wʉnʉʉwo, ʉmʉlakha wa Mʉlʉngʉ wʉkʉkwɨla.
2 Ɨnhalola akhantʉ ngatɨ wʉsʉmbɨ ʉwa shɨlolelo, asangaanile nʉ mwoto. Ɨnhabhalola abhantʉ bhaala bhe bhashitolile ɨshɨkhanʉ shiila ni shifwani shaakwe nɨ mbaazyo ɨyɨ taawa lyakwe.* 15:2 Bhaazya Wukuwi wa Yookhani 13:15-18. Abhantʉ bhanaabho bhɨ́mɨlɨɨye pambalɨ pa sʉmbɨ ʉwa shɨlolelo, bháamɨle nɨ vɨnanda vwe ʉMʉlʉngʉ ábhapiiye. 3 Bhakhɨmbaga ʉlwɨmbo lwa Moose,† 15:3 Bhaazya Kufuma 15:1-18; Nkʉmbʉshɨzyo 32:1-44. umubhombi wa Mʉlʉngʉ nʉ lwɨmbo ʉlwɨ Nyaana yɨ Ngoole ya Mwene, bhakhatɨnjɨ,
“ɄMwene ʉMʉlʉngʉ ʉwa makha gonti,
ɨmbombo zyakho mpɨtɨ,
khabhɨlɨ zya kuswijizya nhaani!
Ɨwe Mwene ʉwɨ nsɨ yonti,
amadala gaakho ga wugolosu,
khabhɨlɨ ga nalyoli!
4 We Mwene, abhantʉ bhonti bhatakwanzɨwa kʉkwogopa?
Khabhɨlɨ bhonti bhatakwanzɨwa kʉlɨpaala ɨtaawa lyakho?
Ɨwe wʉmwene we Mufinjile!
Ɨnsɨ zyonti zɨkhayɨnza na kukupuuta
kʉnongwa ye ɨmbombo zyakho ɨzya wugolosu
zyalolekha apazelu.”
5 We gaashɨla ganaago, ɨnhalola iNyumba iMfinjile, kwe kʉtɨ isheegwi ɨsha wukeeti,‡ 15:5 Bhaazya Mbombo zya Bhasundikwa 7:44. Khabhɨlɨ bhaazya iNyumba iMfinjile mu Wilulanyo ʉwa mazwi amajeni. yiguliilwe kʉmwanya. 6 Pe bhakhafuma mʉmwo abhakhabhɨzya bhaala saba bhe bháamɨle nu wugoji saba. Bhákwatile amenda aga kitaani zye zɨkʉlama nɨ lambɨ ilyi zahaabu mu vifubha vwabho. 7 Pe ʉmo mʉ bhaala ɨvɨpelwa vini akhaabhapa abhakhabhɨzya bhanaabho saba imbakuuli ɨmpɨtɨ saba izyi zahaabu zye zyizuuye ʉmʉlakha wa Mʉlʉngʉ, ʉweene we mwumi wiila na wiila. 8 INyumba iMfinjile yikhiizula ilyosi lye lyáfumiliine nu wumwamu na makha ga Mʉlʉngʉ. Atálɨɨpo we ákholile kwinjila mu Nyumba iMfinjile kufishila we wakwɨla uwugoji saba ʉwa bhakhabhɨzya bhaala saba.