10
Yesu ni Nnango Wavangandolo na Nkúshunga Wambone
1 “Ninkumwaulila mwiu mwiu doni, aijá ákainjilila pannango walingongo lyavangandolo* Dingandolo díshishungigwa mumangongo; havashinama muvitundu vyakutununa; lingongo lyavashidenga kwilanga nkati mwake vashindalala vangandolo vavanu voe na ashindapagwa munu wakulaledya lingongo alyo muwakati washilo. ila áinjilila akwela lingongo, ajo nkwíva na nkúbyaa. 2 Napane áinjilila pannango nae ni nkúshunga wiu wavangandolo. 3 Aijá munu wapannango, anánshimulila nnango kutwala vangandolo kwigwa lidi lyake. Napane vangandolo vake vo, kula ngandolo nae anánshema na lina lyake kutwala kuvaumidya panda kuvalangalalela.† Nkati mulingongo vishindapagwa vipinga vyavanu vene. Napane kula nkúshunga-dingandolo ashindavanavo inamuna yake yakushamela dingandolo dyake na kila akashema dingandolo dyake dishindamanya shimanyikilo asho kutwala kuma kumwoda. (Nkúshunga-dingandolo wakwanavo ankuvilingananga na vakushunga-dingandolo vakwetu akuno mwaa wakwanavo andálangalela kutwala dingandolo kumwoda panyuma kanji vakuno alangaledya dingandolo mwene kwaloka panyuma.) 4 Nae panavaumya panda avalá vangandolo vake uti, mwene andálangalela kutwala vangandolo vake vo kumwoda mwaa lidi lyake vankumanya. 5 Vangandolo, mwiko havanamwoda munu nnangadavo, vanavo vanantukuta mwaa madi avanu valangadavo, havamanyite.” 6 Yesu andívakang'ela nkong'o awo kanji vanavo ashilá shashivaulila, mana ake havashimanya.
7 Napavedoni Yesu andítangola kavili aashidoni, “Ninkumwaulila mwiu mwiu doni, nangu ni Nnango Wavangandolo. 8 Vanu uti valitandyénge kwida‡ Apa Yesu ashivamba vanu váshilivikanga kuva vamasiya na váshilota vavalangalalele venentete kanji bila kuvatanana venentete avo. nangu nikanava, vanavo uti vàkwiva na vàkubyaa; vovo vo vangandolo havavaigwilidile. 9 Nangu ni nnango; munu woewoe akainjilila kwangu, andaambwalegwa. Nae andainjila, andauma na andakodya udani wambone. 10 Nkwíva aidila bai kwiva, kubyaa na kubamola; nangu jo ngwidilé pakulota vanavo vapate shingumi na shingumi shene vavenavo shoe namene.
11 “Nangu ni Nkúshunga Wambone. Nkúshunga Wambone, nae anájaula shingumi shake kwamwaa wavangandolo. 12 Munu washibalugwa, ákavele nkúshunga na ákavele mwene vangandolo, nae kumwona kwene livinji tu, andávaleka vangandolo kutukuta kuka kutwala livinji jo kuvainjilila, vanavo uti do, pwii. 13 Napane amu ni mwanatandela munu washibalugwa, nae hanavatanana vangandolo.
14 “Nangu ni Nkúshunga Wambone; vangandolo vangu ninkuvamanya na vo vangu vo, vankungumanya 15 kenga mo mwangumanyila nangu Atata, nanangu momo Atata ninkummanya. Nadoni ninkujaula shingumi shangu kwamwaa wavangandolo. 16 Ninkuvanavo vangandolo vanji vákavele vamulingongo ali; vovo vo ininguvaikila ndivatwale, vanavo lidi lyangu vandaigwa, vandapagwa shipinga shimo na nkúshunga jumo. 17 Ni ashi shitádya Atata angunagwaledye mwaa nangu ninkujaula shingumi shangu pakulota ngupate kavili. 18 Shingumi shangu sho, hapali wakungupoka; nangu ninkujaula nene nimwene. Ninkuvanavo madalaka akujaula na akupata kavili. Lilamulo ali ngupatilé kumwe Atata.”
19 Napavedoni kwamwaa wamalove alo kundyúmilila kavili kujavanikana pakati pavajuda. 20 Voe pakati pave vashishidoni, “Munu aju animwinjila majini; jojo aju, ankudulumbuka. Napane mwaa shani munkumwigwilila?” 21 Vanji kushidoni, “Mwenu! Malove ala hanava shinu amunu wamajini. Hainatoshe lijini ankuulula kuntadya munu ákalola kulola?”
Yesu na Tatamunu ni shinu shimo
22 Napanelo pa Yelusalemu shindípagwa Shikukulu Shakwapula.§ Shikukulu ashi shishitandeka mwitalee 25, mwedi watisa mushivalangidi shave, mumwedi ulilódya kuva kenga wakumi na mbili mushivalangidi shamaduvano, vakumbukila kwapula kwambili kwaing'ande yake Nnungu ling'oto lyavashalaliya baada yakutaa ushapu. Wakati wene wo uvele washipwepwe.** Mushilambo asho, wakati washipwepwe ushiva kutunduvangila mwedi wakumi na mbili mpaka mwedi wantatu. 23 Napanelo Yesu àvele mwing'ande ya Nnungu ashindapita awanawananga mulukoma lwashitala shimwe Shalomoni. 24 Vayuda vaníntang'anedya kutwala kumudya, “Ulota kutuleka mudiwashiwashi mpaka duvani? Ikava kenga wako ni Klistu, twaulila ngala.” 25 Yesu kuvajang'ula, “Nangu nimwaulila kanji mwenu hamunakulupila shinu. Vitendo vyangutenda nangu palina limwe Atata ni vyovyo vinguumidya nangu ushuda. 26 Mwenu po hamunakulupila shinu mwaa hamunava shinu mmangandolo vangu. 27 Vangandolo vangu nangu, vankwigwa lidi lyangu; nangu ndivamanya vanavo na vanavo vankungwoda. 28 Avalá vangwóda nangu, ninkuvapa shingumi shíkamalilika, vovo vo mwiko havajaika na hapali wakungupoka mmakono mwangu. 29 Atata ángupele vanavo ankuvapunda vanu uti†† Nkati mumavalangangidi anji akala vaandike doni, Ashilá shangupele Atata ni shakukulupilika kupunda vinji. na hapali munu wakuulula kumpoka vanu avo mmakono mwake. 30 Nangu namu Atata tunkuva shinu shimo.”
31 Bai vayuda vandílakatanga kavili majanga pakulota vamwamange. 32 Yesu kushidoni, “Nditenda vinu vyoe vyambone vyakwalakela kumwe Atata pamevo penu. Napanelo pakati pavinu avyo, shakwashi shamulota mungwamangile majanga?” 33 Vayuda kushidoni, “Wetu hatunalota shinu kukwamanga majanga kwamwaa washinu shoeshoe shambone shautandile, ni kwamwaa wakukupulu. Wako umunu, napane unkulivika kuva Nnungu.” 34 Yesu kushidoni, “Da mu Lilamulo lyenu havaandike doni, ‘Nangu nditangola doni, Mwenu po, mmannungu?’‡‡ Lola Dimu 82:6. 35 Ikava kenga avalá vapatíle ntenga wake Nnungu, andivashema kuva vannungu, napane Maandiko hapali wakuulula kuputanga, 36 kushi aijá walyapulidile Atata jo kuntumidya mushilambo? Mwaa shani munkutangola doni, ‘Unkukupulu, pangulivalanga doni, Nangu ni Mwana wa Nnungu?’ 37 Ikava kenga nangu hangunatandedya shinu vinu vimwe Atata bai hamunangukulupile 38 kanji ikava ninkutandedya, ata mukanangukulupila nangu, bai kulupila kwavinu vyangutenda vyo pakulota mumanye na muke mushu mumanya kenga Atata ankupagwa nkati mwangu na nangu nkati mumwe Atata.” 39 Bai vayuda vandílingangila kavili kunkamula kanji nae andívativaniva.
40 Yesu andyúma kavili kuka mwangu unji wa Yudani kulyutu alilá lyashivabatishidya Nshuwau vanu, nae kutwala kwikala koko. 41 Napanelo vanu voe vashindamwidila na vashindatangola shivenevene vaashidoni, “Nshuwau hatandile shimanyikilo kanji uti vyashimmalanganga munu aju, vìu.” 42 Bai mulyutu alyo vanu voe vanínkulupila Yesu.
*10:1 Dingandolo díshishungigwa mumangongo; havashinama muvitundu vyakutununa; lingongo lyavashidenga kwilanga nkati mwake vashindalala vangandolo vavanu voe na ashindapagwa munu wakulaledya lingongo alyo muwakati washilo.
†10:3 Nkati mulingongo vishindapagwa vipinga vyavanu vene. Napane kula nkúshunga-dingandolo ashindavanavo inamuna yake yakushamela dingandolo dyake na kila akashema dingandolo dyake dishindamanya shimanyikilo asho kutwala kuma kumwoda. (Nkúshunga-dingandolo wakwanavo ankuvilingananga na vakushunga-dingandolo vakwetu akuno mwaa wakwanavo andálangalela kutwala dingandolo kumwoda panyuma kanji vakuno alangaledya dingandolo mwene kwaloka panyuma.)
‡10:8 Apa Yesu ashivamba vanu váshilivikanga kuva vamasiya na váshilota vavalangalalele venentete kanji bila kuvatanana venentete avo.
§10:22 Shikukulu ashi shishitandeka mwitalee 25, mwedi watisa mushivalangidi shave, mumwedi ulilódya kuva kenga wakumi na mbili mushivalangidi shamaduvano, vakumbukila kwapula kwambili kwaing'ande yake Nnungu ling'oto lyavashalaliya baada yakutaa ushapu.
**10:22 Mushilambo asho, wakati washipwepwe ushiva kutunduvangila mwedi wakumi na mbili mpaka mwedi wantatu.
††10:29 Nkati mumavalangangidi anji akala vaandike doni, Ashilá shangupele Atata ni shakukulupilika kupunda vinji.
‡‡10:34 Lola Dimu 82:6.