1 Ma sing Leeme Silok, ni ne Moroa at ne Jakop, do ni naba ronga ram dola una ekip tangarang mi lumumuat, la naba lok see ram! 2 Ma sing box i do loklok tooro ru naba laa boro xeneng at loogu laplavang teren, la loklok tooro bok tu naba vot boro Saion at lakaana ren. 3 Ma sing box i do ni naba siam ka ampana letaba ram, la ni naba momo rino bok mi levelaplavang taram. 4 Ma sing box i do ni naba raba box u mi lempanga ung kongkat tin, la ni naba lox asoxos levendoxoma gagas taram. 5 Do Leeme Silok na lox epovo na levesingising la una sak tup mi limixin munepen minu, manabap kup mi lomomo, la manaba lok katling i mi leemi asu ri ne Moroa. Ma sing Leeme Silok naba lox asoxos axap levesingising taram.

6 Na nia aklen i do Leeme Silok im taba lolos ti loorong soksoxolik teren kusu ti sak tup mi limixin munepen min. Neni i paase porang levelinga ro at loxot melemelengan teren keneng at lebelen laxalibet at ne Moroa. At lolos axa ren neni im taba i mi lolos avolo aleng ti sev asi limixin munepen. 7 Leventaba di nunu saga at leveng karis esep atnedi, la leventaba di nunu saga laxanos atdi. Ketla nedik ta nunu saga at lolos at Leeme Silok, ni ne Moroa atdik. 8 Limixin kerepmo dinaba vas kais la dina subu, ketla nedik tanaba xatu upana la manaba tu tuxuruxun.

9 O Leeme Silok, una raba lolos ti loorong kusu na sak tup mi limixin munepen min. La una ronga atnema do mana toro ke ram.