1 ᤜᤧᤰᤁᤩᤠᤱ ᤂᤧᤴ ᤂᤥᤷᤕᤠᤜᤠ᤹ ᤁᤧᤃᤵᤐᤠ ᤂᤧᤴ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ᤀᤥ ᤌᤡᤰᤐᤠ ᤑᤧᤖᤧᤀᤠᤱ ᤀᤰᤂᤣ ᤔᤧᤳᤋᤠᤱ. “ᤑᤧᤖᤧ᤹. ᤀᤡᤱᤃᤠ᤹ ᤂᤧᤏᤧ᤹ ᤂᤧᤴ ᤁᤢᤀᤡᤱ ᤁᤢᤏᤠᤶ ᤁᤧᤛᤧ᤺ᤔᤠ ᤁᤧᤳᤏᤡᤔᤠᤸᤗᤧ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤂᤢᤶᤍᤡᤱᤅᤡᤴ ᤀᤥᤛᤣ᤺ᤴᤎᤠᤰᤏᤧ᤹ᤖᤥ॥ ᤂᤧᤴ ᤁᤧᤳᤏᤡᤔᤠᤴ ᤕᤖᤡᤰ ᤆᤫᤠ᤺ᤳᤋᤡᤸᤗᤧ ᤁᤢᤒᤣᤛᤠᤱ ᤁᤧᤏᤧᤒᤠ ᤕᤶᤒᤠ ᤕᤧᤰᤕᤰᤁᤡᤴᤗᤥ॥ 2 ᤂᤧᤴ ᤁᤧᤳᤏᤡᤔᤠᤴᤏᤢᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤜᤠᤱᤜᤠ᤹ᤖᤧ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤘᤠ᤹ᤒᤠ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤛᤡᤈᤱᤘᤠ᤺ᤸᤗᤧ ᤔᤕᤢᤛᤡᤒᤠ ᤜᤧᤰᤁᤣ ᤂᤢᤏᤧ᤹ ᤁᤢᤓᤧᤴ ᤕᤠ᤺ᤶᤒᤰᤁᤡᤸᤗᤧ ᤔᤕᤢᤛᤡᤀᤠᤱ ᤔᤧᤘᤠ᤹ᤖᤥ॥”

3 ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤣᤛᤣᤔᤠᤱᤅᤡᤸᤗᤧ ᤌᤢᤰᤋᤠᤱᤅᤠᤱ ᤔᤠᤱᤗᤠᤀᤡᤱᤒᤠᤸᤗᤧ ᤀᤣ᤺ᤰᤛᤠᤍᤧᤴᤏᤥ ᤐᤰᤂᤠᤱ ᤋᤣ᤹ᤖᤠᤱᤗᤥ॥ ᤜᤧᤰᤁᤩᤠᤱ ᤂᤧᤵᤔᤥ ᤏᤢᤛᤡ ᤁᤢᤎᤧᤃᤣ᤺ᤰ ᤁᤧᤒᤵᤐᤠ ᤏᤢ ᤌᤡᤒᤥ᤺ᤱ ᤁᤢᤍᤠᤱ ᤁᤧᤕᤢᤱᤒᤠ ᤜᤧ᤺ᤳ ᤁᤧᤗ᤹ᤒᤠ ᤌᤰᤛᤠ ᤛᤶᤍᤠᤱ ᤔᤧᤴᤇᤢᤔᤠ᤹ᤎᤡᤰ ᤕᤢᤅᤧᤒᤠ ᤏᤡ᤺ᤛᤢᤱ॥ ᤂᤧᤴ ᤌᤰᤛᤠ᤺ᤸᤗᤧ ᤁᤢᤎᤰ ᤁᤢᤗᤧᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤔᤡᤱᤜᤠ᤹ ᤛᤠᤵᤋᤧᤀᤠᤱ ᤐᤳᤇᤧ॥ 4 ᤜᤧᤰᤁᤩᤠᤱ ᤂᤧᤴ ᤔᤧᤴᤇᤢᤔᤠ᤹ᤀᤡᤱᤃ ᤐᤖᤠᤴᤗᤠ ᤏᤢ ᤜᤧ᤺ᤳ ᤁᤧᤗ᤹ᤒᤠ ᤆᤠᤱ ᤆᤠᤰᤛᤡᤱᤅᤠᤱ ᤛᤠᤶᤔᤩᤠᤱ. ᤔᤢᤎᤡᤱᤗᤢᤱ ᤏᤢ ᤋᤧᤰᤛᤣ᤺ᤰᤗᤢᤱᤜᤠ᤹ ᤘᤠ᤺ᤳᤇᤡᤱ ᤆᤥ᤺ᤰᤛᤡᤱᤅᤠᤱ ᤘᤕᤧᤖᤥ॥ ᤂᤧᤸᤗᤧ ᤁᤢᤜᤢᤰᤁᤥ ᤛᤡᤰᤁᤧᤗᤧ᤺ᤱᤒᤠ ᤏᤢ ᤕᤠᤶᤃᤧᤛᤡᤱᤒᤠ ᤐᤠ᤺ᤴᤜᤠ᤹ ᤜᤧᤰᤁᤩᤠᤱ ᤁᤢᤓᤧᤴ ᤕᤠ᤺ᤶᤒᤰᤜᤠ᤹ᤖᤧ ᤁᤧᤍᤡᤶᤒᤠ ᤛᤠᤶᤔᤩᤠᤱ ᤂᤥᤷᤕᤠ᤺ᤴ ᤐᤰᤂᤢᤀᤠᤱ ᤘᤕᤧᤖᤥ॥ 5 ᤜᤧᤰᤁᤩᤠᤱ ᤂᤧᤸᤗᤧ ᤁᤢᤍᤥ᤹ᤘᤠᤒᤥᤃ ᤁᤢᤒᤣ ᤁᤢᤛᤡᤱ ᤏᤡ᤺ᤵᤔᤧᤴᤍᤧᤵᤔᤏᤠᤒᤠ ᤔᤡᤱᤎᤡᤰ ᤛᤠᤵᤋᤧᤀᤠᤱ ᤐᤳᤇᤧᤖᤥ–

7 ᤁᤖ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤀᤰᤂᤣ ᤔᤧᤳᤋᤠᤱ. “ᤌᤣᤀᤠᤱ ᤁᤧᤏᤡᤱᤘᤠ᤹ ᤔᤠ᤺ᤒᤠᤒᤣ᥅ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤏᤢ ᤏᤢᤛᤡ ᤁᤢᤎᤧᤃᤣ᤺ᤰ ᤁᤧᤒᤵᤐᤠ ᤜᤧᤰᤁᤩᤠᤱ ᤌᤡᤒᤥ᤺ᤱ ᤁᤢᤍᤠᤱ ᤁᤧᤕᤢᤱᤒᤠ ᤌᤰᤛᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥᤒᤠ ᤛᤡᤒᤡ᤹ ᤐᤠ᤺ᤴᤏᤡᤴ ᤀᤡᤱᤃᤠ᤹ ᤔᤧᤳᤏᤧ᤹ᤖᤥ॥ 8 ᤂᤧᤴ ᤁᤧᤏᤡ᤺ᤛᤢᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤱᤃ ᤁᤢᤜᤡᤱᤘᤧᤳ ᤘᤕᤧ. ᤁᤖ ᤂᤧᤴ ᤀᤠᤸᤗᤥ ᤜᤥ᤺ᤵᤗᤥ॥ ᤂᤧᤱᤃ ᤕᤠᤶᤔᤥ ᤁᤢᤍᤪᤥ᤺ᤶ ᤔᤧ᤺ᤴᤏᤣᤒᤠ ᤗᤢᤶᤒᤠ᤺ᤳᤋᤥᤗᤠᤶ ᤌᤠᤱᤅᤠᤱ ᤔᤧᤴᤏᤢᤵᤔᤏᤠᤒᤠ ᤔᤧᤰᤔᤠᤀᤥ ᤐᤣ᤺ᤰᤗᤥ॥ ᤜᤧᤰᤁᤩᤠᤱ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤛ᤻ᤛᤧᤀᤠᤱᤎᤥ ᤜᤡᤱᤔᤴᤗᤧᤴ ᤛᤠᤵᤐᤴᤏᤥ ᤂᤢᤏᤡ᤹ ᤔᤡᤱ ᤔᤧᤶᤒᤵᤔᤏᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤁᤴ ᤁᤧᤛᤡ᤺ᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤕᤠᤶᤔᤥ ᤁᤢᤜᤡᤱᤘᤧᤳ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤠᤖᤥ॥

9 ᤜᤧᤰᤁᤩᤠᤱ ᤁᤴ ᤐᤠ᤺ᤴᤜᤠ᤹ ᤁᤢᤛᤡᤱ ᤏᤡ᤺ᤵᤔᤠ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤆᤠᤜᤠᤒᤠ ᤆᤥ᤺ᤰᤗᤥ॥ ᤂᤧᤴ ᤏᤢᤛᤡ ᤌᤧᤃᤣ᤺ᤰᤐᤠᤜᤠ᤹ᤃ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤕᤢᤱᤒᤠ ᤏᤢᤛᤡ ᤁᤥ᤺ᤰᤔᤠᤜᤠ᤹ᤖᤥ॥ 10 ᤂᤧᤴ ᤏᤢᤛᤡ ᤌᤧᤃᤣ᤺ᤰᤐᤠᤜᤠ᤹ᤃ ᤏᤢᤛᤡ ᤜᤠᤱᤛᤡᤀᤠᤱᤗᤥ॥ ᤅᤠᤛᤡ ᤜᤠᤱᤜᤠ᤹ᤃ ᤀᤠᤛᤣ᤺ᤴᤇᤠ ᤔᤧᤛᤩᤧ ᤔᤧᤒᤣᤖᤥ. ᤋᤢᤰᤛᤡᤃᤣ᤺ᤰᤐᤠᤸᤗᤧ ᤀᤠᤸᤗᤥ ᤜᤠᤱ ᤆᤥᤃᤢ᤹ ᤜᤧᤰᤁᤩᤠᤱ ᤏᤢᤛᤡᤃᤣ᤺ᤰᤐᤠᤱᤃ ᤋᤠᤔᤠᤀᤣ ᤘᤠ᤹ᤖᤥ॥ ᤁᤖ ᤂᤧᤴ ᤋᤠᤀᤠᤱ ᤛᤵᤑᤠᤖᤰ ᤜᤠᤱ ᤆᤥᤃᤢ᤹ᤖᤥ॥ 11 ᤂᤧᤴ ᤋᤃᤡ ᤁᤢᤜᤡᤱᤘᤧᤳ ᤁᤧᤘᤠ᤹ᤒᤠ ᤁᤖ ᤀᤠᤸᤗᤥ ᤁᤧᤜᤥ᤺ᤵᤐᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤕᤧᤳᤇᤡᤃᤣ᤺ᤰᤐᤠ ᤜᤠᤱᤗᤥ॥ ᤂᤧᤴ ᤘᤣ᤹ᤛ᤻ᤔᤠ ᤏᤢᤛᤡ ᤜᤠᤱᤜᤠ᤹ ᤜᤧᤰᤋᤱᤒᤠ ᤆᤥ᤺ᤰᤗᤥ. ᤜᤧᤰᤁᤩᤠᤱ ᤂᤧᤴᤏᤠᤱ ᤔᤧᤰᤗᤥ॥

12 ᤂᤧᤴ ᤁᤧᤏᤡ᤺ᤛᤢᤒᤠ ᤌᤡᤒᤥ᤺ᤱ ᤁᤢᤍᤠᤱᤜᤠ᤹ᤃ ᤌᤡᤒᤥ᤺ᤱ ᤜᤠᤱᤛᤡᤖᤥ॥ ᤂᤧᤱᤜᤠ᤹ᤖᤧᤃ ᤀᤠᤸᤗ ᤌᤠᤖᤡᤰ ᤜᤠᤱ ᤆᤥ᤺ᤰᤔᤠ ᤕᤢᤰ ᤔᤧᤱᤄᤥᤀᤣ ᤔᤧᤘᤠ᤹ᤖᤥ. ᤁᤖ ᤂᤧᤱᤜᤠ᤹ᤖᤧ ᤌᤰᤛᤠ᤺ᤴᤏᤢ ᤛᤥᤖᤡᤰ ᤛᤵᤑᤠᤖᤰ ᤜᤠᤱ ᤆᤥ᤺ᤰᤔᤠ ᤕᤢᤰ ᤔᤧᤄᤥ᤺ᤛᤢ᤹ᤖᤥ॥ 13 ᤂᤧᤱᤜᤠ᤹ᤖᤧᤃ ᤌᤡᤰ ᤜᤢᤵ ᤔᤧᤒᤥ᤺ᤱᤅᤠᤱ ᤂᤢᤏᤡ᤹ ᤔᤢᤰᤛᤠᤶ ᤏᤢ ᤕᤢᤰᤁᤡᤴ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤔᤧᤒᤡᤖᤢ᤹ᤖᤥ॥ 14 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤍᤰᤗᤧᤱᤘᤠᤀᤥ ᤌᤱ ᤔᤧᤈᤥᤃᤢ᤹. ᤁᤖ ᤔᤧᤸᤗᤢᤰᤛᤠ᤺ᤸᤗᤧ. ᤂᤢᤏᤧ᤹ ᤀᤢ᤺ᤳᤋᤢᤛᤡᤒᤠ ᤛᤣᤃᤢᤛᤡᤒᤠ ᤏᤛᤠ᤺ᤴᤛᤠᤒᤠᤜᤠ᤹ᤏᤢ ᤛᤥᤖᤡᤰ. ᤂᤧᤱᤜᤠ᤹ ᤏᤠ᤺ᤴᤍᤢᤛᤡ᤹ᤖᤥ. ᤌᤣᤀᤠᤱᤓᤧᤸᤗᤧ ᤔᤧᤸᤗᤢᤰᤛᤠ᤺ᤱᤃ ᤍᤠᤱᤒᤠᤜᤠ᤹ᤖᤧ ᤂᤢᤏᤡ᤹ ᤍᤠᤱᤒᤠ ᤏᤢ ᤜᤠᤱᤜᤠ᤹ᤖᤧ ᤂᤢᤏᤡ᤹ ᤜᤠᤱᤗᤥ॥”

15 ᤜᤧᤰᤁᤩᤠᤱ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤠᤱ. “ᤂᤧᤏᤧ᤹ ᤁᤧᤏᤡ᤺ᤛᤢᤒᤠ ᤂᤧᤴ ᤁᤢᤀᤡᤱ ᤁᤢᤏᤠᤶ ᤁᤧᤛᤧ᤺ᤔᤠ ᤁᤧᤳᤏᤡᤔᤠᤴ ᤕᤢᤱᤒᤠ ᤆᤫᤠ᤺ᤳᤜᤠ᤹ᤃ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹. ᤗᤠᤈᤣ᤹ᤜᤠ᤹ ᤏᤢ ᤐᤠ᤺ᤴᤍᤠᤱᤛᤡᤖᤥ॥ 16 ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤏᤡ᤺ᤛᤢᤒᤠ ᤂᤧᤴ ᤜᤧ᤺ᤳ ᤁᤧᤗ᤹ᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤏᤢ ᤌᤡᤒᤥ᤺ᤱ ᤋᤠᤱᤜᤠ᤹ᤖᤧ ᤂᤧᤴ ᤁᤧᤳᤏᤡᤔᤠᤴ ᤔᤧᤈᤡ᤺ᤳᤋᤢᤀᤠᤱ ᤂᤧᤸᤗᤧ ᤁᤳᤋᤢᤒᤠ ᤁᤠᤰ ᤐᤠ᤺ᤴᤜᤠ᤹ ᤔᤧᤏᤠᤵᤋᤢᤀᤠᤱ ᤂᤧᤴ ᤗᤧᤰᤆᤠᤒᤧᤎᤡ᤺ᤰ ᤔᤧᤈᤥᤃᤢ᤹ᤖᤥ॥ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤏᤧᤰᤛᤠ᤺ᤴ ᤔᤧᤈᤀᤠᤱ ᤁᤧᤏᤶᤒᤠᤴ ᤔᤡ ᤔᤧᤎᤡᤰᤂᤢ᤹ᤖᤥ॥ 17 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤠ᤺ᤴᤜᤠ᤹ ᤔᤧᤱᤃᤧᤳᤋᤣ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡ᤺ᤳᤋᤢᤒᤠ ᤁᤢᤏᤡᤱᤘᤠ᤹ ᤜᤧᤰᤁᤣᤀᤣ ᤂᤧᤴ ᤌᤡᤒᤥ᤺ᤱ ᤜᤠᤱᤜᤠ᤹ ᤆᤥ᤺ᤰ ᤐᤠᤱᤄᤢᤛᤡ᤹. ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤃ ᤌᤡᤰᤜᤢᤵ ᤔᤧᤒᤥ᤺ᤱᤅᤠᤱ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤂᤢᤏᤡ᤹ ᤜᤠᤱ ᤆᤥ᤺ᤰᤔᤠ ᤕᤢᤰᤁᤡᤴ ᤔᤧᤒᤡᤖᤢ᤹ᤖᤥ॥ 18 ᤂᤧᤏᤧ᤹ ᤁᤧᤏᤡ᤺ᤛᤢᤔᤠ ᤂᤧᤴ ᤔᤧᤴᤇᤢᤔᤠ᤹ᤀᤡᤱᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤜᤠᤱᤜᤠ᤹ ᤛᤶᤍᤠᤱ ᤕᤢᤰ ᤁᤧᤈᤥ᤺ᤰᤔᤠ ᤐᤕᤶ ᤕᤶᤒᤠ ᤕᤧᤰᤕᤰᤁᤡᤴᤗᤥ॥”