3
1 Zo 1.12; 3.16; 16.3; Ro 8.16; 1 Zo 4.10Mbaia, nde ram mbui ndɨkndɨga mbui. Fhe Bakɨme, ana guigira nza vuzvugiap, guigira won ndavar nza nɨɨŋgi! Ana guigira won ndavar nza nɨɨŋgiap, kha kakaman nzan muunga, nde nan tari ma. Ne guigi guarara, nza Fhe Bakɨmen tari ma. Kha nuianan tɨvi zɨn vui gumgi, nza kaŋgi fhu. Mbe vhɨra, nza Ndia Fhe Bakɨme kaŋgi fhu. Mbe nza Ndia Fhe Bakɨme kaŋgia kake, mbe nza kaŋge. 2 Ro 8.18; 8.29; 1 Ko 15.49; 2 Ko 3.18; Fi 3.21; Kor 3.4; 2 Pi 1.4Nde nan kɨvntogi, nza ntige Fhe Bakɨmen tari ki. Nza zumgum ramgi kɨrɨ tɨvar muuŋrie? Nza tuituigiap ne kaŋgi fhuvara, ne ntigar kɨrar hɨrga. Nza khueŋ kaŋgi, Zisas Krais, ana zumgum guigira kɨrar hɨgɨrga, nza guigira ana ganɨp, nza guigira ana kaŋgip, nza ara farar muuŋgirga. 3 Ntigem ana rarga ki gumgi, mbe nduarira wari won kɨrɨ tɨvi garav, mbe zazera Fhe Bakɨme nɨman ŋgaravra wari ki. Mbe ŋgarav, Kraisra fara muuŋgiap wari kɨri.
4 Ro 4.15; 1 Zo 5.17Tɨvi mbatɨgi ga mbui guma, ana Fhe Bakɨme suaŋgi tɨvi daasui guma ma. Tɨvi mbatɨgi, nta Fhe Bakɨme suaŋgi tɨvi daasui tɨv ma. 5 Ais 53.5-6; 53.11; Zo 1.29; 2 Ko 5.21; 1 T 1.15; Hi 4.15; 1 Pi 2.22-24; 1 Zo 2.2Nde kaŋgi, Zisas ana tɨvi mbatɨgi vhɨzɨ zav zergi. Ana tɨva mbatɨga thueŋ anan ki fhuvara. 6 Ro 6.1-2; 6.14; 1 Zo 2.4; 3.9; 4.8; 3 Zo 1.11Krais phorga ki guma, ana tɨvi mbatɨgi ga mbui fhu. Guma tɨvi mbatɨgi ga mbui, mba guma, ana Krais gangi fhu, ana vhɨra, ana kaŋgi fhu.
7 Ro 2.13; 1 Zo 2.26; 2.29Nde nan tari, nde tuituigira wari ganɨv, kɨri. Nde muuŋv kɨrim, guma the zɨv, nde guigip, nde ndi pham tuavar mbararga. Nde mbarara, tɨvir vhuuiaŋ mbui guma, ana Fhe Bakɨme nɨman, ana guman tɨvar vhuuŋ ma. Ana Krais fara muuŋgi, ana guman tɨvar vhuuŋ ma. 8 Stt 3.15; Ru 10.18; Zo 8.44; 16.11; Hi 2.14Fhum fhara guarara Fhe Bakɨme kha nuian gu bigi ga muuŋgi, Satan hɨgap, tɨva mbatɨga ndi kha nuiana khɨngiap, zazera tɨvi mbatɨgi ga mbui. Maaŋ muuŋgiap guma tɨvi mbatɨgi ga mbui, ana Satan guma ma. Satan maaŋ mbuim, Fhe Bakɨmen Kam, anan ŋaara farfav, ana vharvhara zav zergi. 9 1 Pi 1.23; 1 Zo 5.18Maaŋ muuŋgiap, guma Fhe Bakɨmen kama gegi, ana tɨvi mbatɨgi ga mbui fhu. Fhe Bakɨmen tɨvi mba guman ki. Maaŋ muuŋgiap, mba guma tɨvi mbatɨgir muuŋgirga tuktɨgi fhu. Ana Fhe Bakɨmen kam ma. 10 1 Zo 2.29; 4.8The Fhe Bakɨmen kam, the Satanan kam? Nza maaŋ muuŋgip kaŋgi saŋv, nza khaŋ muuŋgip, gangip, kaŋgirga. Guma tɨvir vhuuiaŋ mbui fhu, ana Fhe Bakɨmen kam fhuvara. Guma wo phorgap guigira Zisas khothɨgi gumgi, ana guigira won ndavar mbe ndɨɨv, tɨvir vhuuin mbe mbui fhu, ana vhɨra Fhe Bakɨmen kam fhuvara.
Nza guigira wari won ndavir harigi ntɨɨri nɨɨnga.
Zisas guigira won ndavar harigi ntɨɨri nɨɨnga tɨvar nza khɨvigi.
11 Zo 13.34; 15.12; 1 Zo 1.5; 4.7; 4.21Nde fhum fhara guarara kha kameŋ mbararagi. Mba kameŋ khaŋ nzuai. Nza guigira wari won ndavir harigi ntɨɨri nɨɨŋgiri. 12 Stt 4.8; Hi 11.4; Zu 1.11Nza Kein farar muuŋgip kɨ thari. Ana Satan guma ma, ana maaŋ muuŋgiap, nduara won ŋguga shogim, ana rimgi. Ana ram muuŋgi ne nzuav won ŋguga shogim, ana rimgi? Ana khueŋ nzuav ana shogim, ana rimgi. Ana ŋguk tɨv nzerigi, anan tɨv mbatɨgi. Ana ne nzuav ana shogim, ana rimgi.
13 Mt 5.11-12; Zo 15.18-19; 17.14; 2 T 3.12Nde na phorgap guigira Zisas khothɨgi gumgi, kha nuiana gumgi maaŋ muuŋgip panan nde kegɨrim, nde ne suaŋv ŋgava mbatɨgar muuŋ thari. 14 Zo 5.24; 1 Zo 2.9-11Nza khueŋ kaŋgi, nza won ndavir wo phorgap Zisas khothɨgi gumgi ga ndɨɨav, nza kaŋgi, nza vhɨzgi tuav thagi. Nza zazera mbara muuŋgip kɨrga bɨɨŋbɨɨŋ ndirga tuav, nza anan ki. Guma ndavar wo phorga guigira Zisas khothɨgi gumgi ga ndɨɨi fhu, ana rɨɨv, za rimgiap, za vhɨzi tuavar ki. 15 Mt 5.21-22; Ga 5.21; VB 21.8Guma wo phorgap ana Zisas khothɨgi guma, ana guigira won ndavar ana nɨɨŋgi fhu, ne khaŋ muuŋgi, ana mba guma shogim, ana rimgi. Nde khueŋ kaŋgi, harigi guma shogim, ana rimgi guma, ana zazera mbara muuŋgia ki bɨɨŋbɨɨŋ ndi tuavar ki fhuvara. 16 Zo 3.16; 13.1; 15.13; Ro 5.8; Ga 1.4; Ef 5.2; 5.25; 1 Te 2.8Zisas, ana nduara won tuma fekhɨngiap, nzan kurkura zav nza nzuav rimgi. Ana mba tɨva muuŋgiap, ana guigira won ndavar harigi gumgi ga ndɨɨi tɨvar nza khɨvigi. Nza maaŋ muuŋgiap mba tɨva kaŋgi. Nza vhɨra wari wo ntuua fusuv, nza phorgap guigira Zisas khothɨgi gumgi, nza mben kurkurarga. 17 Lo 15.7; Ru 3.11; 1 Zo 4.20Maaŋ muuŋgip, guma the kha nuiana bigi kɨv, ana wo phorgap guigira Zisas khothɨgi guma the ganɨrim, ana kha nuianan bigi sosuagirga, ana ana gangip, ana korar muuŋgirga fhu, mba guma Fhe Bakɨme guigira won ndavar gumgi ga nɨɨŋgi tɨv anan ki fhu. 18 Ro 12.9; Ze 2.15-16; 1 Pi 1.22Nde nan tari, nde thɨn kumanin wari won ndavir harigi gumgi ga ndɨɨi ne suaŋ thari. Fhuvara! Nza guigira wari won ndavir mben nɨɨŋv, guigira mben kurkurari.
Zisas khothɨgap ana zɨn vui gumgi, mbe Fhe Bakɨme nɨman thivgia havhargiri.
19-20 Zo 18.37; 1 Zo 1.8Nde khueŋ kaŋgiri, nza guigira wari won ndavir wari phorgap guigira Zisas khothɨgi gumgi ga ndɨɨi, nza guigira buna guareŋ zɨn vui. Nza maaŋ muunga, nzan ndavi tɨva mbatɨga thueŋ muuŋgi ne suaŋv nza suanga, nza ne suaŋv ndɨkndɨgi vhɨrver muunga fhu. Nza Fhe Bakɨme nɨman rɨvɨrga fhu. Nza kaŋgi, Fhe Bakɨme za mba bigi kaŋgi. Ana ndɨkndɨk, nza ndavi vherir ki ndɨkndɨgi, ana za nta kambarigi. 21 Hi 4.16; 10.22; 1 Zo 2.28; 4.17Nde nan kɨvntogi, nzan ndavi vheri bigɨn mbatɨga thueŋ muuŋgi ne nzuav nza nzuai fhu. Nza Fhe Bakɨme nɨman, nza thivgia havhargi. 22 Sng 34.15; Jer 29.12; Mt 7.8; 21.22; Zo 9.31; 14.13Nza maaŋ muuŋgip bigɨn the suaŋv ana phorgɨ suanga, ana mba bigɨnan nzan nɨɨnga. Ana khaŋ muuŋgiap, nza ana nzuai tɨvi, nza nta zɨn vuav, nza ana vuzvugi tɨvi, nza nta mbui. 23 Zo 6.29; 13.34; 15.12; 15.17; 17.3; 1 Te 4.9; 1 Pi 4.8; 1 Zo 2.8-10Ana nzuai tɨvi khare. Nza ana Kam Zisas Krais khothɨgɨp, ana suaŋgi tɨvi, nza za nta zɨn ŋgɨp, nza guigira wari won ndavir warir nɨɨnga. 24 Zo 14.23; 15.10; 17.21; Ro 8.9; 1 Zo 4.12-13Maaŋ muuŋgip, guma the Fhe Bakɨme suaŋgi tɨvi zɨn vui, mba guma, ana Fhe Bakɨme phorga havhargi. Fhe Bakɨme vhɨra mba guma phorga ki. Fhe Bakɨme won Ŋina Ŋaar nza nɨɨŋgi. Nza maaŋ muuŋgiap kaŋgi, Fhe Bakɨme ana nza phorga ki.
3:1 Zo 1.12; 3.16; 16.3; Ro 8.16; 1 Zo 4.10
3:2 Ro 8.18; 8.29; 1 Ko 15.49; 2 Ko 3.18; Fi 3.21; Kor 3.4; 2 Pi 1.4
3:4 Ro 4.15; 1 Zo 5.17
3:5 Ais 53.5-6; 53.11; Zo 1.29; 2 Ko 5.21; 1 T 1.15; Hi 4.15; 1 Pi 2.22-24; 1 Zo 2.2
3:6 Ro 6.1-2; 6.14; 1 Zo 2.4; 3.9; 4.8; 3 Zo 1.11
3:7 Ro 2.13; 1 Zo 2.26; 2.29
3:8 Stt 3.15; Ru 10.18; Zo 8.44; 16.11; Hi 2.14
3:9 1 Pi 1.23; 1 Zo 5.18
3:10 1 Zo 2.29; 4.8
3:11 Zo 13.34; 15.12; 1 Zo 1.5; 4.7; 4.21
3:12 Stt 4.8; Hi 11.4; Zu 1.11
3:13 Mt 5.11-12; Zo 15.18-19; 17.14; 2 T 3.12
3:14 Zo 5.24; 1 Zo 2.9-11
3:15 Mt 5.21-22; Ga 5.21; VB 21.8
3:16 Zo 3.16; 13.1; 15.13; Ro 5.8; Ga 1.4; Ef 5.2; 5.25; 1 Te 2.8
3:17 Lo 15.7; Ru 3.11; 1 Zo 4.20
3:18 Ro 12.9; Ze 2.15-16; 1 Pi 1.22
3:19-20 Zo 18.37; 1 Zo 1.8
3:21 Hi 4.16; 10.22; 1 Zo 2.28; 4.17
3:22 Sng 34.15; Jer 29.12; Mt 7.8; 21.22; Zo 9.31; 14.13
3:23 Zo 6.29; 13.34; 15.12; 15.17; 17.3; 1 Te 4.9; 1 Pi 4.8; 1 Zo 2.8-10
3:24 Zo 14.23; 15.10; 17.21; Ro 8.9; 1 Zo 4.12-13