6
1 6:1 Arum 5:2; 1 Akor 15:10Bai siswi at'u huhendao kazi hamwenga na Mulungu, funamuvoya kukala yo nema muriyohokera kula kwa Mulungu be isikale ni ya bule. 2 6:2 Isa 49:8; Luk 4:19-21Kwani Mulungu anaamba,
“Nakusirikiza kwa wakathi mudzo,
Wakathi wa wokolwi nikidzakwaviza.”
Bai, lola! Wakathi mudzo ni vivi kare, lola wakathi wa wokolwi ni vivi kare. 3 K'ahudzaika kikwazo chochosi kwa mut'u yoyosi p'ore uhumiki wehu ukalaumiwa. 4 6:4 4:2Ela kahi za kila kit'u huhendacho fudzanyesa kukala fu ahumiki a Mulungu kwa kuvumirira zhomu mateso, thabu, na mashaka. 5 6:5-10 11:23-29Fapigwa, fuchangizwa jela, fukihenderwa fujo, fukihenda kazi kwa chadi, fukichesa matso, fukilala na ndzala. 6 6:6 8:24; Arum 12:9; 1 Akor 13:4-7; Agal 5:22-23; 1 T'imo 4:12Hunanyesa kukala hu ahumiki a Mulungu jeri kwa ueri huriwo nawo, kumanya kwehu, kuvumirira, moyo mudzo, Roho Mweri, na mahendzo ga jeri. 7 6:7 10:4-5; Arum 13:12; 1 Akor 2:4Kidza hunanyesa kukala hu ahumiki a Mulungu kwa uv̱oro wa jeri na kwa nguvu za Mulungu. Kiyera chehu hudzichogwirira kahi za mikono yehu ya kurya na ya kumots'o, ni uhachi. 8 Hu thayari kuheshimiwa hedu kuv̱udhywa; kulikwa hedu kunenwa vii. Hunaonewa funakenga ela hunanena ujeri. 9 6:9 4:10Fu here at'u masiomanyikana ela hunamanywat'o sana. Fu here at'u hufwao kare, ela lola here muonazho hunaishi. Na ingahokala hunaadhibiwa, k'ahulagwa bule. 10 6:10 Funa raha: 7:4; Arum 5:3; 12:12; Mathajiri na akiya: 8:9; Afil 2:17; 4:12-13; 1 Ath'es 1:6Funashononeka ela funa raha siku zosi. Fu akiya ela funaahendya at'u anji makale mathajiri. K'ahuna kit'u ela huna kila kit'u.
11 Ndugu zangu Akorintho, hudzanena nanwi lwazu-lwazu, na hunamuhendza. 12 Na chamba kuna ut'u wowosi umuzizao be ut'u uwo u kwenu ninwi, k'au kwehu siswi bule. 13 6:13 1 Akor 4:14Ninanena nanwi here anangu. Siswi hunamuhendza, bai ninwi nanwi huhendzeni dza zho humuhendzazho.
Kiza na mulangaza k'avigwirana
14 6:14-16 1 Akor 6:9-13; 10:21; Aefe 5:5-11Musigwirane ngwa na at'u masiokuluhira. Kwani kuna uhusiano wani kahi za uhachi na uthiriri? Hedu kuna usena wani kahi za mulangaza na kiza? 15 Kuna mapatano gani kahi za Masihi na Beliari?* 6:15 Beliari ni dzina ringine ra Shethani. Hedu mut'u akuluhiraye, ana fungu rani na mut'u asiyekuluhira? 16 6:16 Alaw 26:12; Jere 32:38; Izik 37:27; 1 Akor 3:16Vidze, Hekalu ra Mulungu, rina uhusiano wani na vizuka? Kwani siswi hu Hekalu ra Mulungu ariye moyo. Mana Mulungu wanena akiamba,
“Nindahenda makalo gangu kahi za at'u angu.
Nindakala Mulungu wao
nao mandakala at'u angu.”
17 6:17 Isa 52:11; Izik 20:34; Ugun 18:4Kwa vizho, “Bwana anaamba,
Mbolani kahi zao, mudzithenge nao.
Musigut'e kit'u kikolo bule,
nami nindamukaribisha.
18 6:18 2 Samw 7:8, 14; Isa 43:6; Amo 4:13; Ugun 11:17Nindakala Babiyenu
nanwi mundakala anangu a kilume na a kiche.
Vizho ndo Bwana mwenye nguvu zosi aambazho.”
6:1 6:1 Arum 5:2; 1 Akor 15:10
6:2 6:2 Isa 49:8; Luk 4:19-21
6:4 6:4 4:2
6:5 6:5-10 11:23-29
6:6 6:6 8:24; Arum 12:9; 1 Akor 13:4-7; Agal 5:22-23; 1 T'imo 4:12
6:7 6:7 10:4-5; Arum 13:12; 1 Akor 2:4
6:9 6:9 4:10
6:10 6:10 Funa raha: 7:4; Arum 5:3; 12:12; Mathajiri na akiya: 8:9; Afil 2:17; 4:12-13; 1 Ath'es 1:6
6:13 6:13 1 Akor 4:14
6:14 6:14-16 1 Akor 6:9-13; 10:21; Aefe 5:5-11
*6:15 6:15 Beliari ni dzina ringine ra Shethani.
6:16 6:16 Alaw 26:12; Jere 32:38; Izik 37:27; 1 Akor 3:16
6:17 6:17 Isa 52:11; Izik 20:34; Ugun 18:4
6:18 6:18 2 Samw 7:8, 14; Isa 43:6; Amo 4:13; Ugun 11:17