1 Bai ninwi mwamukuluhira Masihi naye anamwangiza nguvu. Mahendzo ga kwakwe ganamuhendya musikiret'o. H'aya zho mbai bai, munashirikiana na Roho, munahendzana, na munaonerana mbazi. 2  2:2 Joh 13:34; 1 Akor 1:10-11; Agal 6:10; Aefe 5:2; 1 Joh 4:12Kwa vizho bai, kalani kit'u kimwenga kahi za kuaza na kuhendzana kwenu. Kidza mukale na nia mwenga kahi za kila kit'u. Mukihenda vizho nindasikira raha sana. 3  2:3 Arum 12:10; Agal 5:26Mut'u asitengeze kit'u kwa kumupinga mwandziwe, hedu kwa kumala kuonewa. Kalani ap'ore kidza muaone angine kukala mana mana kumukira ninwi. 4  2:4 1 Akor 10:24Musifwahirwe ni kulola maut'u genu enye thu, ela lolani hatha ga andziyenu. 5  2:5 Joh 13:15; Arum 13:14; 15:5Gahalireni maut'u gosi here zho Masihi Jesu arizhogahalira.

6  2:6 Joh 1:1-2; 17:5; Aebu 1:3Ingahokala iye were ni Mulungu, k'akalire na lazima ya kuthuwa kukala here Mulungu. 7  2:7 Joh 1:14; Arum 8:3; 2 Akor 8:9; Aebu 2:14, 17Hat'u ha vizho, akigaricha gosi kwa kuhendza mwenye na akikala here mutumwa. Akizhalwa mudamu na akikala na hali ya mudamu. 8  2:8 Joh 10:17; Aebu 5:8; 12:2Iye wakala mup'ore na akimusikira Mulungu hatha akikubali kukotw'a musalabani akifwa kifwa cha aibu. 9  2:9 Mahe 2:33; Aefe 1:21; Aebu 1:4Kwa ut'u uu, Mulungu akimwanula dzulu zhomu na akimup'a dzina bomu kukira madzina mangine gosi. 10  2:10-11 Isa 45:23; Joh 5:23; Arum 10:9; Ugun 5:13Bai kwa dzina ra Jesu, zhumbe zhosi virizho mulunguni, na ts'i, na kuzimu vindamupigira mavindi, 11 vikubali na vinene lwazu-lwazu kukala Jesu Masihi nde Bwana. Nazho vindahenda vivi kwa ut'u wa kumup'a nguma Mulungu Baba.

12 Ahendzwi, ninwi mudzakala munamwogoha Mulungu wakathi wosi furihokala hamwenga. Bai hatha vivi nirizho siho, kidza zidhini kumwagoha Mulungu vizho. Hendani vizho kwa chadi na ishima nyinji, here at'u mariookolwa mav̱iryazho kuhenda, 13  2:13 1:6; Joh 15:5; Arum 7:18; 15:18; 1 Akor 12:6; 15:10; 2 Akor 3:5mana Mulungu anahenda kazi ndani mwenu. Anamuhendya mukale na hamu, na nguvu ya kuthuwa malagizoge.

14 Hendani maut'u gosini bila kunung'unika hedu kunenezana, 15  2:15-16 1:10; Kumbu 32:5; Dani 12:3; Math' 5:14; 10:16; 1 Akor 1:31; 2 Akor 1:14; Agal 2:1-2; Aefe 5:8; 1 Ath'es 2:19ili musilaumiwe hedu kuonekana na kaila ni mut'u yoyosi. Kalani at'u aeri, enye maisha gasigo kaila here ana a Mulungu, mario kahi za urumwengu wa kiza udziwodzala at'u madzionongeka na mahendzao kuhenda mai. Kalani mulangaza mung'ale haha urumwenguni, 16 kuno mukiambiriza uv̱oro urehao uzima. Mukihenda vizho, nindakala na chausa cha kudzionyera haho Masihi andihouya kaheri. Kwani yo kazi niriyohenda kwa nguvu na chadi indakala si ya kihuhu bule.

17  2:17 Arum 15:16; 2 T'imo 4:6; 1 Joh 3:16Ninwi mwamukuluhira Jesu na munamuhumikira. Kumuhumikira kuku ni sadaka yenu kwakwe. Nami vivi hatha nikalagwa kidza ndahenda raha hamwenga nanwi nyosi, mana nindakala nidzakamilisha iyo sadaka yenu. 18  2:18 3:1; 4:4Kwa vizho ninwi nanwi kalani na raha na mufwahirwe hamwenga nami.

19  2:19 1:1Bwana Jesu ahendzaho, ninakuluhira kukala sindatoa nindamuhuma T'imoth'i kwenu. Namala wakathi akiuya kuku adze anip'e moyo kwa kunambiriza uv̱oro wa kuko. 20  2:20 Mahe 16:2Sina mut'u mungine ajaliye maut'u genu kwa moyo mumwenga here T'imoth'i. 21  2:21 2 T'imo 4:10Angine osi manathuwa gao enye, si go ahendzago Jesu Masihi bule. 22 Hatha ninwi enye munamanya zho arizho T'imoth'i adzanyesa kukala ana mana. Iye na mimi hudzahenda kazi ya Uv̱oro Udzo hamwenga here mut'u na babaye. 23 Kwa vizho bai, nina th'amaa kukala nindamuhuma kuko kwenu haho nindihokala nidzamanya ro rindironipata kuku. 24 Kidza Bwana adzanihenda nikuluhire kukala mimi mwenye sindatoa bule nindakudza. 25  2:25 4:18Ela vivi kare nidzaona vinav̱irya nimuhume Epafurodito auye kuko kwenu. Iye ni ndugu kahi za Masihi fuhendaye kazi hosini, na ni shikari mwandzangu. Kidza ni muhumwa wenu, muriyemuhuma kunitsundza kwa maut'u gosi nimalago. 26 Vikara ninamuhuma kwenu kaheri kwa kukala ana p'ola nanwi nyosi, kidza wabudzyika sana arihomanya kukala mwasikira wakala mukongo. 27 Naye were ni mukongo jeri, hatha vichache zhenye afwe, ela Mulungu akimuonera mbazi akimuhoza. Kidza Mulungu k'amuonerere mbazi iye h'akeye, ela wanionera mbazi hatha mimi nami, kwani kala wafwa vingakala here ro ra ch'ongo kubolwa riro. 28 Kwa vizho nasikira kumuhuma kwenu, ili mumonaho kaheri, musikire raha na wo wasiwasi unihaukire. 29  2:29 1 Akor 16:16, 18Bai mukaribisheni na raha yosi, kwa kukala iye anamukuluhira Bwana dza vizho ninwi. Ishimuni at'u osi mario dza iye, 30 kwa kukala wamala kufwa kwa kazi ya Masihi. Maishage gakala hatharini ili anigere wavizi uriwo ninwi enye k'amukadimire kunigera.