1 Y c'are' xinc'axaj che c'o jun ch'abal re camas cof nich'o-pa chire' chupan re rachoch re Dios, y xubij chique re je vuku'✡ Ap 15.1. ángeles: Quixbiyin chuk'ajic pa rue' re ruch'ulef, ronojel re tijoj-pokonal✡ Ap 14.10. re ruyi'on-a re Dios chupan re vuku' copas re banon cha k'anapuak.

2 Y can jare' tak xba re nabey✡ Ap 8.7. ángel y xbo'rk'aja' can pa rue' re ruch'ulef re c'o-a chupan re copa re yi'on cha. Re nabey tijoj-pokonal xuban che xe'el-pa itzel tak ch'a'c✡ Ex 9.9; Dt 28.27; 1 S 5.6, 9. chiquij re vinak re quic'uan re ru-seña re nabey itzel chicop re nic'aj-quivach o chij quik'a'. Ja vinak re' re can xe'yi'o ruk'ij re ru-imagen re nabey itzel chicop.

3 Quire' chuka' re ruca'n ángel ruc'uan re copa xbo'rk'aja' can re c'o-a chupan, pa rue' re mar. Y re mar xchuver ancha'l nichuver re ruq'uiq'uel jun quiminak, y mare' ronojel re c'o quic'aslen re jec'o chire' pa mar, xe'com.✡ Ap 8.9.

4 Y re rox ángel xbo'rk'aja' can pa quive' re rakan tak ya' y pa quive' re alaxbal tak ya'✡ Ap 8.10. re c'o-a chupan re copa c'o pa ruk'a'. Y re ya' re' xe'oc quic'.✡ Ex 7.17, 20. 5 Y yen xinc'axaj che re ángel re yi'on poder pa ruk'a' pa quive' re ya', xch'o y xubij: Ajaf Dios, ja rat re yatc'o tak xtz'ucutaj-pa✡ Ap 1.4, 8; 4.8; 11.17. ronojel y ja rat re yatc'o vocame, rat re can yat choj✡ Sal 97.2. y can yat jun Lok'olaj Dios, can pa rubiyal c'a naban juzgar. 6 Roma can naya' ruq'uixel chique re xe'quimisan quichin re avajc'ual y re je asamajela' re xe'tzijon re xabij chique.✡ Mt 23.34. Y can ruc'amon re naban chique che tiquikumu' quic',✡ Is 49.26. roma jare' re nika chiquivach.

7 Y jare' tak yen Juan xinc'axaj che c'o jun re nich'o-pa riq'uin re altar, y nubij: Can quire' Ajaf Dios re c'o ronojel poder aviq'uin, can nik'alajin che can ja re katzij y re choj✡ Ap 14.10; 19.2. nacusaj chin naban juzgar.

8 Jare' tak xpa re rucaj✡ Ap 8.12. ángel xujamak'ij pa rue' re k'ij re c'o-a chupan re copa re c'o pa ruk'a'. Y re k'ij can xya-va poder pa ruk'a' che que'ruparoj re vinak riq'uin re ruk'ak'al. 9 Y can quire' xbanataj, roma conojel vinak can xe'c'at roma re k'ij camas ruk'ak'al xuban, pero man riq'uin re' re vinak cama-va xubij-ta cánma che xjalataj quic'aslen chach re Dios o xquiya-ta ruk'ij. Pa ruq'uixel che quire-ta xquiban, xa can xquiyok'✡ 2 Cr 28.22; Is 8.21; Jer 5.3; Dn 5.22. rube' re Dios re takayom-pa re tijoj-pokonal.

10 Re ro' ángel xbo'rk'aja' can re c'o-a chupan re copa re c'o pa ruk'a', pa rue' re ruch'acat re nabey moma' itzel chicop y pa rue' re ruch'ulef re anche' nuban-va gobernar, y xpa jun namalaj k'oko'm✡ Ex 10.21. pa rue'. Y roma re castigo re ye'tajin chuk'asasic re vinak re' can niquikach'ach'ala' cak'. 11 Pero man riq'uin re' re vinak cama-va xjalataj-ta quic'aslen chach re Dios chin che xquiya-ta can rubanic re etzelal. Pa ruq'uixel che quire-ta xquiban xa xquiyok' re Dios re c'o chila' chicaj, roma re k'axomal y re itzel tak ch'a'c re c'o chiquij.✡ Ap 16.2.

12 Re ruvakak ángel xbo'rk'aja' can pa rue' re moma' rakan-ya' Eufrates✡ Ap 9.14. re c'o-a chupan re copa c'o pa ruk'a'. Y re ya' re' xchakij-ka✡ Jer 50.38; 51.36. chin c'o modo ye'kax re reyes re je'pitinak c'a quila pan oriente.✡ Is 41.2, 25.

13 Y yen xintz'at che pa ruchi' re itzel chicop re nibex dragón✡ Ap 12.3. cha, y pa ruchi' re nabey itzel chicop, y pa ruchi' re ache re nibin che nutzijoj re nubij re Dios cha, pero xa man katzij-ta,✡ 1 Jn 4.1. ja'jun rana re ye'el-pa pa quichi'. Y re je oxe' ranas re', xa je oxe' itzel tak espíritu. 14 Re oxe' itzel tak espíritu, riq'uin c'a re itzel je'pitinak-va,✡ Stg 3.15. y can ye'quibanala' milagros chin ye'k'olotaj✡ 2 Ts 2.9; 1 Ti 4.1. re vinak pa quik'a'. Je'elinak-pa chin che ye'quimol conojel reyes re jec'o chach re ruch'ulef y chibil re qui-soldados. Ye'quimol-apo chin re k'ij tak xtiquiban ayoval✡ Ap 20.8. riq'uin re Dios re c'o ronojel poder pa ruk'a'. 15-16 Y re je oxe' itzel tak espíritu re ancha'l que'tzu'un ranas, can xe'quimol conojel re reyes re jec'o chach re ruch'ulef y chibil re qui-soldados. Xe'quimol pa jun lugar re nibex Armagedón cha, quire' nibex cha re lugar re' pa ch'abal hebreo. Y re Jesucristo xch'o, y xubij: Tic'axaj-na-pa'. Yen tak xquineka, xquimpa ancha'l nuban jun elek'om,✡ Mt 24.43; 2 P 3.10. y man xtinya-ta-na rutzijol.✡ 1 Ts 5.2. Otz-quibanoj re can quichajin quic'aslen y je ch'ajch'oj, roma manak mac re ye'ch'anaban-ta quichin chiquivach re vinak.

17 Y re ruvuk ángel xutoxij-pa chupan re cak'ik' re c'o-a chupan re copa c'o pa ruk'a', y xinc'axaj che c'o Jun nich'o-pa anche' c'o-va re lok'olaj ch'acat chin re Dios chire' pa rachoch, chila' chicaj. Y jun pa ruchi' nubij-pa: Can jac'a xc'achoj.✡ Ap 21.6.

18 Y can xe quire' xubij re ch'abal re', xe'pa tempestades, relámpagos y ruidos. Y xuban jun namalaj sananel re man jun bey banatajnak✡ Dn 12.1. jenipa' que'c'ue-va-pa vinak chach re ruch'ulef. 19 Y re namalaj tenemit oxe' partes xuban cha. Y re nic'aj chic chavon tak tenemit re jec'o chach re ruch'ulef, can xe'tzak. Re Dios can jare' xunataj re namalaj tenemit Babilonia,✡ Ap 14.8. y tiene que nuban ruq'uixel chique re vinak aj-chire'. Mare' re Dios xuban chique che tiquikumu'✡ Is 51.17; Jer 25.15, 16. re ruyoval reja'. 20 Y roma re namalaj sananel xuban, re lugar re jec'o pa tak mar re nibex islas chique xe'ba chuxe' ya'. Y re lomas man xe'tz'etetaj-ta chic.✡ Ap 6.14. 21 Chuka' chupan re tiempo re' xka-pa sakboch chila' chicaj. Y cada sakboch c'o la'k ja'jun quintal calal. Y roma re sakboch re'✡ Ap 11.19. can chin camic, re vinak camas niquiyok' re Dios. Re castigo re xuya' re Dios pa quive' re vinak re', camas c'ayef.