1 Y c'are' yen Juan xintz'at che chicaj c'o jun puerta jakal y xinc'axaj jun ch'abal. Y ja quire' re nabey ch'abal re xinc'axaj, y ja ancha'l nik'ajan jun trompeta.✡ Ap 1.10. Y xubij-pa chua: Cajote-pa, y xtinc'ut chavach re xque'banataj re chakavach-apo.✡ Ap 1.1, 19.

2 Y can jare' tak yen xina' che can ja chic re ru-poder re Espíritu Santo✡ Ez 3.12; Ap 1.10; 17.3; 21.10. xbano chua che xintz'at che c'o Jun tz'uyul chach re lok'olaj ch'acat.✡ Is 6.1; Jer 17.12; Ez 10.1; Dn 7.9. 3 Y re tz'uyul chach re lok'olaj ch'acat re c'o chicaj, ja re Dios. Reja' can ancha'l re aboj re nibex jaspe y cornalina chique, quire' re titzu'un y camas nirepek'oj. Re lok'olaj ch'acat re' sutin rij roma jun arco iris.✡ Ez 1.28. Y re ru-color re arco iris re' rax, ancha'l re aboj re nibex esmeralda cha. 4 Re Jun re tz'uyul chach re lok'olaj ch'acat sutin rij riq'uin veinticuatro ch'acat más.✡ Ap 11.16. Y chach re veinticuatro ch'acat re' je'tz'uyul-va re je veinticuatro✡ Ap 5.6, 8, 14. rejeta'k tak achi'a' re je'quicusalon sak tak tziak✡ Ap 3.4. y chuka' c'o qui-coronas re banon cha k'anapuak. 5 Jac'a re pa nic'aj anche' c'o-va re Jun re tz'uyul chach re lok'olaj ch'acat, ye'el-pa relámpagos,✡ Ez 1.13. tempestades y ruidos. Y re chach-apo tzejal vuku' antorchas.✡ Ex 37.23; 2 Cr 4.20; Zac 4.2. Y re antorchas re', jare' re vuku' espíritu chin re Dios. 6 Y chuka' chire' chach-apo re Jun re tz'uyul chach re lok'olaj ch'acat, c'o jun ancha'l mar✡ 1 R 7.23; Ap 15.2. y re mar can ancha'l vidrio titzu'un.

Pa nic'aj c'o-va re Jun re tz'uyul chach re lok'olaj ch'acat, y reja' sutin-apo rij coma je caje'.✡ Ez 1.5. Re je caje' re' camas q'uiy quinak'avach c'o, c'o quinak'avach chiquivach y c'o quinak'avach chiquij. 7 Re nabey chique re je caje' re' can ancha'l rubanic jun león. Re ruca'n ancha'l jun alaj vacx. Re rox ancha'l titzu'un jun vinak. Y jac'a re rucaj, can ancha'l jun águila re ruric'on ruxic' binak chicaj.✡ Ez 10.14. 8 Y cada jun chique reje' c'o vaki' quixic',✡ Is 6.2. y re chiquij can y re chuxe' tak quixic' can nojnak riq'uin re quinak'avach. Y can nojel tiempo niquiya' ruk'ij re Dios. Che pak'ij che chak'a' niquibij:

9 Y quire' niquiban re je caje' re camas q'uiy quinak'avach c'o, chin niquiya' ruk'ij re tz'uyul chach re lok'olaj ch'acat. Y can ye'tioxin cha re Dios re c'o nojel tiempo y niquibij che reja' camas nem. 10 Y tak quire' niquiban, re je veinticuatro rejeta'k tak achi'a' ye'xuque' chach re tz'uyul chach re lok'olaj ch'acat. Can niquiya' ruk'ij re nojel tiempo c'o. Y re rejeta'k tak achi'a' niquilesala' c'a-a re qui-coronas y ye'quiya-apo chach re tz'uyul chach re lok'olaj ch'acat, y chuka' niquibij: