1 Can tich'obo' c'a jebel ri rubanic ri ajovabel ri c'o riq'uin ri Tata'ixel Dios, roma ri ajovabel ri' can janíla nim. Roma can xuben chike chi ruc'amon chi nibix ralc'ual ri Dios* Jn. 1:12. chike, y can queri' vi, can oj ralc'ual vi rija'. Y ri vinek ri c'a quicukuban na quic'u'x riq'uin re ruvach'ulef man quetaman ta c'a kavech, roma rije' man quetaman ta ruvech ri Dios. 2 Vach'alal ri yalan yixinvajo', vacami oj ralc'ual chic ri Dios. Pero man jani can ta tik'alajin ri achique kabanic xtekabana' chila' chicaj tok xtipe chic jun bey ri Jesucristo. Xaxe ketaman chi xkojoc achi'el rija',† Sal. 17:15. tok xtikatz'et‡ Job 19:26; Sal. 16:11; Mt. 5:8. achique rubanic. 3 Y roj ri can koyoben ri k'ij ri', kachapon ruch'ajch'ojirisaxic§ 2 Co. 7:1. ri kac'aslen. Roma ri Jesucristo can ch'ajch'oj vi.

4 Conojel ri yemacun, man niquinimaj ta ri ru-ley ri Dios. Roma ri mac, ja ri man nanimaj ta ri ru-ley ri Dios.* Ro. 4:15; 1 Jn. 5:17. 5 Y rix ivetaman chi ri Jesucristo xoc'ulun richin xucuy ri kamac.† Is. 53:4; Mt. 1:21; 2 Co. 5:21; He. 1:3. Rija' can man aj-mac ta vi. 6 Y vi roj jun kabanon riq'uin rija', kayo'on chic c'a can rubanic ri mac. Pero vi c'a yojmacun na,‡ 3 Jn. 11. can nik'alajin chi man ketaman ta ruvech rija'.§ 1 Jn. 2:4. 7 Rix ri can achi'el tak valc'ual, man c'a quixk'olotej. Vi xtikac'uaj jun c'aslen choj,* Ez. 18:5. oj choj chuka' achi'el ri Jesucristo. Roma rija' can choj vi. 8 Pero vi man xtikaya' ta can ri mac, xa can oj richin c'a ri itzel-vinek.† Mt. 13:38; Jn. 8:44; 16:11. Roma rija' can rubanon-vi-pe mac. Y xa roma c'a ri' tok xoc'ulun ri Ruc'ajol ri Dios, can chuchupic‡ Gn. 3:15. c'a ri rusamaj ri itzel-vinek.

9 Roj ri ralc'ual chic ri Dios, kayo'on chic c'a can rubanic ri mac,§ 1 Jn. 5:18. roma ri Dios xuya' ri ruc'aslen chike y xujel ri kach'obonic. Y roma ri c'aslen ri c'o kiq'uin roj can riq'uin ri Dios petenek-vi, nuben c'a chike chi man chic yojmacun ta. 10 Y can nik'alajin-vi ri achique ri ralc'ual ri Dios. Y nik'alajin chuka' achique ri ralc'ual ri itzel-vinek. Jac'a ri man chojmilej c'aslen ta quic'uan y man yecajo' ta ri kach'alal, jari' ri man e richin ta ri Dios.

11 Re tzij re' can ivac'axan-vi-pe. Re tzij re can ivac'axan-pe tok xinimaj ri Jesucristo, ja ri nubij chi tikajovala-ki'.* Jn. 13:34, 35; 15:12; Ef. 5:2; 1 Ts. 4:9. 12 Y man c'a tikaben achi'el xuben ri Caín ojer can. Rija' can richin vi ri itzel-vinek, y xucamisaj ri ruchak'.† Gn. 4:8. ¿Y achique c'a roma xucamisaj? Roma ri rubanobal ri ruchak' e choj vi. Y ri rubanobal rija' xa itzel.

13 Vach'alal, vi yixetzelex‡ Jn. 15:18, 19. coma ri vinek ri c'a quicukuban na quic'u'x riq'uin re ruvach'ulef, man c'a tibij: ¿Achique c'a roma yojetzelex? man quixcha'. 14 Roj can oj elenek chic pe chupan ri camic, richin chi xojk'ax chupan ri c'aslen.§ Jn. 5:24. Y ketaman jebel chi queri' roma can nikajovala-vi-ki' chikach'alal ki'. Jac'a ri man nicajovala' ta qui', can e caminaki' chuvech ri Dios. 15 Roma ri ye'etzelan* 1 Jn. 4:20. richin jun kach'alal e achi'el camisanela'.† Mt. 5:21; Ga. 5:21; Ap. 21:8. Y rix ivetaman, chi ri e camisanela' man c'o ta ri c'aslen ri man q'uisel ta ri pa tak cánima. 16 Ri Jesucristo man xupokonaj ta xuya-ri' pa camic koma roj.‡ Jn. 3:16; Ro. 5:8; Ef. 5:2, 25. Y riq'uin ri' xuc'ut chikavech chi nic'atzin nikac'ut riq'uin kabanobal chi yekajo' ri ch'aka' chic, y man nikapokonaj ta nikaya-ki' pa camic coma ri kach'alal, vi can nic'atzin. 17 Vi c'o c'a ronojel kiq'uin ri nic'atzin chike, y nikatz'et jun kach'alal ri manek ruvay,§ Dt. 15:7; Lc. 3:11. o manek rutziak, y can man nubij ta kánima chi nikato', can nik'alajin chi man nikajo' ta ri Dios. 18 Rix ri can achi'el tak valc'ual, man c'a kojajovan* Ro. 12:9. xaxe riq'uin ri kach'abel. Xa can quekato' ri ch'aka' chic. Y riq'uin ri' can xtik'alajin c'a chi can kitzij yojajovan.

19 Y roma ri yojajovan, niketamaj chi oj richin ri kitzij,† Jn. 18:37. y re' nucukuba-ka kac'u'x chuvech ri Dios. 20 Y vi nikana' pa tak kánima chi kabanon itzel y xa man que ta ri', ri Dios retaman.‡ 1 Co. 4:4; 11:28. Roma rija' can retaman ronojel. 21 Vach'alal ri yalan yixinvajo', vi nikana' pa tak kánima chi manek kamac chuvech ri Dios, can man jun c'a xibinri'il kiq'uin richin chi yojapon-apo chuvech.§ Job 22:26; He. 10:22. 22 Tok nikaben c'a orar, rija' nuya' chike ronojel ri nikac'utuj chire.* Sal. 34:15; Mt. 21:22; Mr. 11:24; Jn. 14:13. Roma yekaben ri yerubij, y chuka' yekaben ri yeka' chuvech. 23 Y ri nubij rija' ja ri tikanimaj† Jn. 6:29. ri rubi' ri Jesucristo ri Ruc'ajol, y tikajovala-ki'. Queri' nubij rija' chi tikabana'. 24 Y vi yekaben ri yerubij, jun kabanon riq'uin rija',‡ Jn. 17:21. y chuka' rija' can c'o pa tak kánima. Y ketaman chi can c'o pa tak kánima, roma c'o ri Lok'olej Espíritu§ Ro. 8:9. ri ruyo'on chike.