1 Ana knafi amage nentaza disaipol nagamo'za Jisasinte e'za amanage hu'naze. Aza mona kumapina ugagota vahera manigahie? 2 Hzageno Jisasi'a mago osi mofavre kehigeno egeno, amu'no zmifi azeri'otiteno, 3 amanage hu'ne. Nagra tamage hu'na neramasmue, Kagra ruzahe hunka osi mofavre'gna osnunka, mona kumapina ovutfa hugahane. 4  Aza'o agra avufa antermino ama osi mofavre'gna hanimo, mona kumapi rana manigahie. 5  Hagi aza'o ama anahukna huno osi mofavre Nagri nagifi avresimo'a, Nagri navregahie.

6  Hu'neanagi iza'o ama neone mofavre nagapinti Nagrite amentinti nehimofoma kumipi avarente'simofona, ne'zama refuzafuma nepaza ranhave eritma anankempi tafiteta, asgahutma hageri amu'nompi atresageno tima nakriniana knare hugahie. 7  Iza'o rumofoma kumipima avrenentea vahekura Nasuragie, na'ankure hakare zupa vahe'ma zmazeri kumipi netreazana me'ne. Hianangi iza'o rumofoma kumipi avrentesimo'a tusi'a hzankefi manigahie.

8  Kzamo'o, kagiamo'ma kavareno kumi kante'ma vanigenka, akafrinka matevu atro. Kagra'ma magoke kzane kaganema me'nesigenka manivava kasimuma erisanana knare hugahie. Hagi tare kzane kagane me'nenige'za tevava tevefi mate'vu katregahie. 9  Kavurgamo'ma kumipi kavrentesigenka, tagatinka matevu netrenka, manivava kasimuma magoke kavurgane erisanana knare hugantegahie. Hagi tarega kvurgama menesigeno'a, tevava tevefi matevugatregahie.

10  Tamagra kva hiho, amana ne'onse mofavre nagara zmage fenka otreho. Na'ankure nagrama nermasmuana monafina zamagri ankeromo'za, mika zupa monafinka mni'nea Nenfa avugosa negaze. 11  [Vahe'mofo mofavre'ma e'neana fanane hu'naza vahe hakreno zmarenaku e'ne.] * Ama'i isa (11) korapa avontafepina omnene hagi ruga'a tafepi me'ne.

12  Na'ane kagesa nentahine? Magomo'ma 100ti'a sipsipi ante'nesnifinti, mago'ma fanane hanigeno'a, 99'a agonarega zmatreneno mago'ma fananema hu'nemofonkura ome hakreno ovregahio? A'o. 13  Agra hakreno erifore hanuno'a, tamage neramasmue, 99ni'a fananema osu'naza sipisipi afuzga agtereno mago'ma fananema hu'nemofona tusi'a muse huntegahie. 14  Anahu kna huno, monafinka Negafa avesi'zamo'a, ama ne'onse nagapintira magore huno frino fnane osnie nehie.

15  Mono negafu'ma kumi'ma hugantesigenka, vutna tanagragu umani'neta ana havizama hu'nesia zana ome azeri fatgo hunto. Agrama keka'ama antahisiana, negfuna avare kamatane. 16  Hagi keka'ama ontahisnigenka, magoro tareo znavrenka vunetma, nentahisageno mika hazenkea erifatgo huno eriama hugahie. 17  Hanigeno agrama antahi oramisiana, mono kevumofo asami'o. Hanankeno mono kevumofo ke ontahisiana, atregeno agra mono ontahi vahero, havige huno takesi zgo eri vahekna vahe manino.

18  Nagra tamage hu'na neramasmue, inankna zama mopare'ma anakisnaza zana, anazanke huno monarera anakigahie. Hagi inankna zama mopare'ma vakane atresnaza zana, anahu'kna huno monarera vakane atregahie.

19  Ete mago'ene Nagra tamage hu'na neramasmue, taremotna ama moparera mni'netna, mago tnarimpa hutetna, mago'a zanku antahigesna'ana, monafinka mni'nea Nenfa'a amne hugahie. 20  Na'ankure ama mopare'ma taremo'o tagufamo'za, Nagri nagire emeritru hanafina, Nagra zamagri amu'nozmifi manigahue.

21 Anante Pita'a, Jisasinte eno anage hu'ne, Ramoke, kumi hunantesia nenafuna, nama'a zupa kumi'a atrentegahue, 7ni'a zupa atrentegahufi? 22 Jisasi'a Pitankura anage hu'ne, 7ni'a zupo'ompge, Nagra tamage negsamue, 490'a zupa atrentegahane. 23  Ama ana agafare mona kumamo'a amanahu hu'ne, mago kinimo'ma kazokzo eri'za vahe'a eri'za refako huno zmia kna hu'ne. 24  Anama huno zganeno hakeno negege'za, 10 tauseni zgo'a nofi hu'nea ne' agrite avare'za e'naze. 25  Na'ankure ana ne'mo'a nofima hu'neana ovaknegeno, ramo hamponage ana ne'ku huno, a'mofavre'ane mika tuzampaza ante'neazana zgore ome atrenka, nofima hu'neama'a etenka vaknento higeno, 26  anante kazokzo eriza ne'mo'a mopafi agri avuga mseno keke hunteno, kagra agazone hunaminege'na, mika nofi'ma hunoana ete'na nagra vaknaneno hu'ne. 27  Ramo'a ana kazokzo eri'za nera asuragianteno avrenetreno nofima hu'nea zana atrentene.

28  Atreno atiramino fegi vuteno'a, kazokzo eri'za ne'mo, magoka kazokzo eriza eneri'a ne'mo agripinti 100ti'a silva zgo nofi hu'nea ne' omege'ne. Anante ananke nofite avazu nehuno anage hu'ne, Nagripinti nofima hu'nana zana etenka vakano hu'ne. 29  Anante ana kazokzo eri'za ne'mo mopafi unemaseno keke hunteno, agazone hu'nantenege'na nagra eme vaknaneno. 30  Hianagi, ana kea ontahino ruvahe hiazamo kina nompi avreno ome retufe vazigeno mni'neno, nofi'ma hu'nea zana vaknegahie. 31  Magoka kazokzo eri'zama eneriza nagamo'za fore'ma hiazana kete'za, tusiza hu'za zmasunku hute'za vazazamo'za mika zama fore hiazana ra zmimofo ome asmi'naze. 32  Anante rankva ne'amo ugota kazokzo eri'za ne' kehuno, Kagra havi kavukva'ene kazokzo eriza nere! Na'ankure kagrama keke hunantakena maka nofima hu'nana zana atregante'noe. 33  Nagrama hugante'noaza hunka kazokzo eri'za negfuna kasunkura huontegahampi? 34  Nehuno tusi asi vazigeno, agri rankva'amo kina nonte kva nehaza vahete, azeri haviza nehnageno mni'neno nofi'ma hu'neaza vaknenogu avreno ome zmi'ne. 35  Ana hu'negu, mago mago'mokama negfuma kagu'areti kumi'ama apase ontesanana, monare Nenfa'a tmagrira anazanke hurmantegahie.