1 Farisi vahepinti mago nera agi'a Nikodimasi, Jiu vahe'mokizmi mono kanisol ne' mani'ne. 2 E'i ana ne'mo'a kenage hanimpi Jisasinte eno amanage huno antahige'ne. Hurami ne'moka antahi'none, Kagra hurami ne' Anumzamofontegati e'nane. Mago'mo'a Kagra hanaza huno amanahu avame zana osugahie, Anumzamo agrane mani'nesimo hugahie. 3 Jisasi kenona'a amanage huno asmi'ne, tamagerafa hu'na ama kea negasmue. Runema ksefa osnimo'a, Anumzamofo kumapina uofregahie, 4 Nikodimasi'a kenona'a huno, inankna huno ra vahe'mo'a ete osi mofavregna huno fore hugahie? Ete ra vahe'mo'a anta'amofo arimpafi ufrenkeno eteno ksentegahifi? 5 Higeno Jisasi'a ana kemofo nona'a amanage huno asmi'ne, Tamagerafa hu'na kagrira negasmue. Aza'o tinteti'ene Avamuteti'ene ksefa osnimo'a, Anumzamofo kumapina uofregahie, 6  Mopafi vahe'mo ksente'nesiana vahere. Hanki Ruotge Avamu'mo eri fore hu'nesiazana avamure. 7  Amama ksamisua zankura Nagriku hie hunka kmanogura osunka, kagra etenka ksefa mofavre hampro, 8  Zahomo'a inantega vunaku hirega nevigenka agerutfama'a nentahine. Hagi inantegati eteno, inantega nevio antahinka kenka nosane. E'ina hu'za mika vahe'mo'za Avamupina ksefara nehaze. 9 Nikodimasi'a ana zanku, amanahu zamo'a inankna hugahie? huno higeno, 10 Jisasi'a ana kemofo nona'a amanage huno hu'ne, Israeli vahe'mokizmi rempi huzami ne' mani'nenka, ama nanekea antahi amara nosano? 11  Tmagerfa hu'na negasmue. Kema nehunana, antahita keta hu'nona zanku huama nehunkenka, ana nanekegura kagra antahi noramine. 12  Mopafi zanku'ma negasmi'sugenka kagrama kmentintima osnunka, ina kna hunka monafi zanku'ma kasami'suana kamentintina hugahane? 13  Mago'mo'a monafinka mrerino ovu'ne. Hagi Agra monafinkati'ma erami'neana, Vahe'mofo Mofavremo erami'ne. 14  Mosese hagage kokampi osifa'vema erintesga hu'nea kna hu'za, Vahe'mofo Mofavrea azeri antesga hugahaze.* Nam-Ham 21:9

15  Hanigeno aza'o, Agripi amentinti hanimo'a, manivava asimu erigahie.

16  Anumzamo tusiza huno mopafi vaheku avesi nezmanteno, magoke ante'nea Ne'mofavre'a zami'ne. Agrite zamentinti hanamo'za fananne osu'za manivava hugahaze. 17  Na'ankure Anumzamo Mofavre'a huntegeno ama mopafima e'neana, mopafi vahe refko hinogu huntegeno ome'ne. Hagi Agripinkati vahe'mo'za zamagu'vazizana erisaze huno huntegeno erami'ne. 18  Aza'o Agripitema amentintima himofona refko huno nanekea hunonte, iza'o Agrite'ma amentintima nosimofona, trate ko avrenteno keaga hunte'ne. Na'ankure Anumzamofona magoke Mofavre'amofo agirera, agra amentinti osigu ana nehie. 19  Nanekema huzmante'siana, ama kemofo agafare huzmantegahie. Msamo'a ama mopafima efregeno'a, vahe'mo'za hni avu'ava'zanku avesinente'za msamofona avesi onte'naze. Na'ankure havi zamu'zmake'za hu'naze. 20  Aza'o hvizama nehia vahe'mo'a, tvi'mofona zamesra hunente'za, msarera nomaze. Na'ankure haviza nehazazamo eama huzanku nomaze. 21  Hu'neanagi aza'o tamage avu'ava'ma nehimo'a tvitera egahie. Na'ankure hakaremo'za nege'za Anumzamofo avenesiaza nehie hu'za hugahaze.

22 Ananteti Jisasi'a amage nentaza disaipol naga'ane, Judia kaziga vu'za vahe'ene mago'a kna umani'ne'za mono tina fre zamante'naze. 23 E'i ana knafi Joni'a, Salim kumamofo tava'onte Ainoni kumate mono tina frezmante'ne. Na'ankure anantega rama'a tina me'nege'za vahe'mo'za ete'vute hu'za mono tina fre'naze. 24 Na'ankure Jonina kina huonte'naza knafine.

25 Ana nehzage'za Jonima amage nentaza disaipol naga'ane, mago Jiu ne' ene, Juda vahe'mokizmi avu'avapi ti fre'za avu sese nehaza zanku keaga hu'naze. 26 Nehu'za Joninte e'za amanage hu'za asmi'naze. Hurami (Rabbai) ne'moke, Jodan timofo kantu kaziga kagrane mani'neama, Agri agi hu'ama hu'nana ne'mo'a, mono ti fre nezmantege'za mika vahe'mo'za Agrite nevaze. 27 Joni'a anage hu'ne, mago vahe'mo'a, mago zana e'origahie, ana hugahianagi monafinkati mago'zama amisigeno'a amne erigahie. 28 Tamagra tmi antahi'nage'na amanahu kea hu'noe, Nagra Kraisi'na omni'noe hu'na hu'noe. Hianagi Agrira azeri henka atreno, nagrira pusante hunantege'na e'noe. 29 Mago vemo'ma a'ma erinaku nehigeno rone'amo oti'neno antahi nemino, aravema huku hia vahe'mofo ageruku muse nehie, e'ina higu nagrira muse zamo'a avite'ne. 30 Agri agimo mreri anagamu atresigeno, nagri nagimo uramisie.

31 Agra anagamiti e'nemo'a maka'zana agtere'ne, aza'o ama mopafinti'ma e'nesimo'a, ama mopafi vahekino, ama mopafi zankuke kea hugahie. Agra aza'o monafinkati'ma e'nemo'a, Agra maka'zamofona zamagtere'ne. 32 Agrama antahino keno hu'nea zante Agra naneke'a huama nehie, hianagi mago'mo'e huno agi agenke'a antahi anira osu'naze. 33 Iza'o, Agri agi agenke'a erimo'a, tamage huno Anumzamofo nanekegura nehie. 34 Na'ankure Agrira Anumzamo huntege'no e'neankino, Anumzamofo keaga nehie. Na'ankure Agra refko osuga'are Avamura aviteno ami'ne. 35 Nefa'a, Nemofona avesinteno mika'zana kva hugahie huno, Agri azampi ante'ne. 36 Aza'o Nemofonte amentinti hanimo'a manivava asimu erigahie. Hagi iza'o Nemofo kema rutagresimo'a asimura e'origahie. Hanki Anumzamofo tusi'a rimpahe knazamo agrite megahie.