1 Korapara ke ruhanentagita, kumitmifi fri'nazane. 2 Tamagranena maka mopafi vahe'mo'za nehazankna huta havi kante nevzane, kumi'tmimo avite'negeta, Sata kerera amage anteta, kankamumpi nemniza hihamu'ane kva avamutamimofo amage' anteta, Sata eri'zana enerita Anumzamofonte zamagu'a onte'za zamefi hunemi'za vahe'ene nemanizane. 3 Zamagri amu'nompina korapara tagranena anazanke huta maka havi tvesi'zante amage ante'none, tagu'afine amega tavufafine tave'manesiaza hutere nehuta, tagra ana kefozampi fore huta amage' nentonkeno, Anumzamofo asi vazi'zamo tagrite ene maka vahete ene e'ne. 4 Hu'neanagi Anumzamofo asuragi'zamo vite'ne, na'ankure tusi'a avesi'zanu Agra agu'areti tagrira avesi rante'ne. 5 Kasege'a ruha'nentagita fri vahe kna huta mani'nonkeno, asunku'zanteti tahokeno, tagrira fri'zampitira, 6 Kraisimpi tazeri otino magopi mona kuma'are tantegeta, Agrane kini tra'are mani'none, 7 ana nehuno henkama fore hania knarera, agtere'nea zana Agri'a mrerisa asunku'zanu tagrira Kraisi Jisasimpi tza huno agampu hurantesie. 8 Na'ankure tamentinti nehzagu asuntgiramanteno tamaza huno tamavre'ne. Tamagra'a knare'za hu'nanaza zante anara osu'neanki Anumzamo museza (gift) tami'ne. 9 Eri'za eri'nea mizana omnene, e'igu mago vahe'mo'a, agra'a agi erisaga osugahie. 10 Na'ankure tagrira, Agra'a tro hurante'ne, Krais Jisasimpi knare eri'za erisnunku, Anumzamo korapa ana kana retro hunte'neankita, knare eri'za enerita ana kantera vugahune.

11 E'i zanku tamagra tamagesa antahiho, korapara tamagra megi'a vahere huta mani'nazane (Gentiles), tamagima ante'nazana, zamufa tga osu vahere nehu'za, zamufama tga nehaza vahe'mo'za, (Jiu) e'i zamazanu zamufa azeri'ne'za tga nehaze. 12 Tamagra tamagesa antahi ani hiho, tamagra e'i ana knarera Kraisina afe'are mani'nazane, Israeli vahe krerafane omani'nazane, huvempa huno huhagerafi zamante'nea agu'afina omani'nazane, so'e mani'zama eri kankamu tamia omanegeno, tamagri Anumzana mopafina omani'neane. 13 Hu'neanagi, menina Krais Jisasimpi afete'ma kotetma tamagra mani'nazafintira, Kraisi koramo tamavreno tva'oma'are nermante. 14 Na'ankure Agra'a tarimpa fru huno mni'zana (peace) neramino, Jiu vahe ene megi'a vahe'mota ha' orente arente nehunana tazeri magopi neranteno, amu'nontifima atane'zama me'neana, eritreno tazeri mago hu'ne. 15 Agra'a avufareti ha' orente arente nehu'nazana eri fnane nehuno, Jiu vahe kasege ramine, osi kasege ramimo megi'a vahe (Gentiles) tazeri fegi atre'nea kasege ramina eri netreno, Agra'a Jiu vahene megi'a vahemota tazerino magoke vahe tro huneranteno, ke ha'ma nehuna zana tazeri fru huno mago tarimpa hurante'ne. 16 Rugeka zafare Kraisi'a frino ha' frama tamagra'rmagra hu'zana eritreno, tamazeri mago higetma, Anumzamofona magoke avufagna hu'naze. 17 Agra eno rimpa fruzana afete'ma mani'naza vahera mono ke huzmasmi'ne, hagi tva'onte mani'naza vahera arimpa fru huzmante'ne. 18 Na'ankure Agripinti tarega vahe'mota, magoke Avamu e'nerita, Nerfantera vugahune.

19 E'i zanku tamagra menina megi'a vahe'mota, emani vahe knara osu'naze. Hianagi tamagra Anumzamofo naga'ene noma'afi nemanize. 20 Aposol naga'ene kasnampa naga'mo'za, tra' zafagna hu'naze. Krais Jisasi'a Agra nomofo renagentete tra havegna hu'ne. 21 Agripi ana miko nomofonte, vazinte zafamo ome vazinte eme vazinte hiankna huno hagera ra huno, Ramofo otage mono noma'a efore nehie. 22 Tamagra ana nonkna hutma mani'nazageno, Anumzamo'ene Avamu'amo'a ana nompina mani'ne.