1 Nagra kina vahe omani'nofi? Nagra Jisasi aposol eri'za vahera omni'nofi? Jisasina Rantimofona onke'nofi? Tamagra Ramofonte eri'za eri'noa rga'a omni'nazafi? 2 Hianagi mago'a vahe'mo'zama antahizana aposol vahera omni'ne nehazanagi, tamage tamagritera aposol vahe mani'noe. Na'ankure Ramofonte aposel eri'za eri'noa zamofo nena rga'a tamagra mani'naze.

3 Nagra refkoma hunantaza vahekura amanage hu'na kenona hunezmantoe. 4 Mizantigna huta kave ene tinema erisunazamo'a, e'i knarera osu'nefi? 5 Aposol naga'ene Jisasi agnahe'zane Pita'enema hu'nazaza huta zmentintine a'nea eri'neta, zmavareta vanoma hanunana, e'i knarera osu'nefi? 6 Hanki, Banabasi ene nagrane tagra'ake zgo eri'za erita kegva hanuke'za, mago'amo'za anara osugahazafi? 7 Ha'ma nehia vahera, agra'a erizama'arera, agra'a miza senentefi? I'o ru vahe'mo'za mizana nemie. Iza'o vaini hozama kri'nemo'a, rga'a krepia tagino nonefi? Iza'o sipisipi afuzga kegva nehimo'a, ami rima'a tatino nonefi? Ozo agra tatino nene.

8 Nagra, vahe antahi'za avaririna kea nehufi? Anumzamofo kasegemo ene hu'neaza nehue. 9 Na'ankure Mosese kasegefina krente'ne, tamagra bulimaka'o afu'mo'ma witi akru'ma nehresifina, agitera ana'okinenkeno anampintira ne'zana zogino neneno witia hareno hu'neana bulimakaonku hu'nefi? A'o. (Diu-Kas 25:4) Anumzamo'a bulimakao afukuke ama kea hu'nefi? A'o. 10 Ama tamage tagriku hu'nefi? Izo, tagriku huno krente'ne, hoza erisimo ne'zama nesigu amuhara nehanigeno, witi akru hre'nimo enena anampinti'ma ne'zama refko huno erisigu amuhara hugaha'e. Mono eri'za vahera, monoma zmasamisia vahe'mo'za, miza sezmanteho. 11 Tagrama Avamumofo avimzama tamagripima negrita, amega tavufgare zama tmagripinti erisunazamo razana me'nefi? Amne osi'azana erigahie. 12 Hanki mago'amo'za kema eme huama hza vahe'ma zmaza nehanuta, tagri enena tagesga huta mizana ontamigosazafi? Tagra hugazanagi nosune. Na'ankure Kraisi knare musenkemofo kama renkni rezanku anaknaza e'nerue. 13 Ra mono nompima eri'zama e'neriza vahe'mo'za, kre sramna vunaku ra mono nompi eri'za neaza ne'zampinti, ne'za zmia e'nerize. Higeno kre sramnavu itare eri'za e'neriza vahe'mo'za, ne'za zmia kre sramna vu itareti e'nerizanki tamagra ontahi'nazo? 14 E'inahu kna kante, Ramo'a huno, Iza'zo mono ke hanaza vahe'mo'za, zamaza hu'zana, mono kema hanage'za antahisaza vahepinti erigahaze. (Luk 10:7-9)

15 Hu'neanagi nagra hugazanagi nosue. Nagra ama avoma kreneramuana, mago'za hunantehogura nosue. Na'ankure nagrama agi omne vahekna hu'na frisugeno'a, knare hugahie. 16 Na'ankure nagra knare musenke hanuazankura nagia e'origahue. Mono kema hu'zana Anumzamo huo huno hunante'nea eri'zanki'na ana eri'zama e'orisuna nagra havizantfa hugahie. 17 Nagra navesite knare musenkemofonte miza e'ori eri'za erisu'na, mizama'a me'neanki'na erigahue. Hianagi navesite'ma e'norinuna, Anumzamo antahinamino, kegva huo hunante'nea eri'zanki'na e'nerue. 18 Nagra na'a mizani'a erigahue? Nagrama knare musenkema tmasamua zankura miza seho hunormantoe, ana hu'negu knare musenkerera mizana eriga'zanagi e'norue.

19 Na'ankure mago vahetera kina vahekna osu'noe, nagra hakare vahe'mofo kazokzo eri'za vahe mani'ne'na, rama'a vahera zmavregahue. 20 Jiu vahe'ma zmavarenakura zamagrikna hu'na mani'ne'na nezmavroe, nagra'a kasegemofo agorga omni'noanagi, kasegemofo agorga mni namokizmia, kasegemofo agorga mani vahe kna hu'ne'na nezmavroe. 21 Kasegema e'ori namokizmi zmavrenakura, kasege e'ori vahe kna hu'na mni'ne'na nezmavaroe. Nagra Anumzamofo kasegema avariri zantera mni'noanagi, nagra Kraisi kasegemofo agorga'a mni'nena, kasegemofo agorga'a omni'namokizmi nezmavroe. 22 Hanavezimi omne'nemokizmirera, hanaveni'a omne vahe kna hu'na mani'ne'na nezmavroe. Nagra maka vahetera zamagrama mani'naza avutigati hu'na mani'ne'na nezmavre'na, mago'amokizmia zmagu'vazino zmaho'ma kenigu mika'zana nehue. 23 Ama ana miko'zama nehuana, knare musenkegu hu'na nehue. E'ina hanige'na anampintira nagra'a asomura erigahue.

24 Zmagare zokago vahe'mo'za zmagama razafina, hakare vahe'mo'za zmaga nerazanangi, magoke'mo zamagatereno mizana e'nerianki ontahi'nazo? E'ina hukna kante tamaganeretma mizana erigahaze. 25 Mika'mo'za zokagopima ufrenaku'ma hazamo'za, zmufamofo zmesizana maka'zampina kegva nehu'za, zamagra zmesi'zana novaririze. Mizama eri'zana osiagnafi meno haviza nehie. Hianagi tagrama erisuna mizamo'a mevava hugahie.

26 E'ina hu'negu nagrama nagama neroana, uhnatigahue hu'na hu'nore uhnatinaku nagare'na nevue. E'inahu kanteke nagrama nazama atroana, amne zahopina notroanki, ahegahue hu'na huazana nehoe. 27 Vahe'mokizmi mono ke zmasamite'na, ru nagrani'a miza e'orizanku, nagrani'a navufga hanaveti'na amasagugeno, nagri navesi'za nevaririe.