1 Kumatungo nanso Herode akija ulukumo lang'wa Yesu. 2 Akaila eitumi akwe, “Uyu yuyu Yohana uhimbukile kupuma kuashi. Kululo ingulu izi ikole kitalakwe.” 3 Kunsoko u Herode amuambile Yohana akamtunga akamuguma kukitungo nsoko ang'wa Herodia, musungu wang'wa Filipo nuluna wakwe. 4 Kunsoko Yohana, amuie sunga tai nuanso kumuhola atule musungu wake. 5 Herode auze mubulaga akogopa antu kunsoko aumuine Yohana kina munyakidagu. 6 Ingi gwa uluhiku lakutugwa Herode nailapika umunanso wa Herodia aiwiginsile muantu akamuloilya i Herode. 7 Akapumya ilago akamuila ukumupa kihi nukulilompa kung'wakwe. 8 Naiwasigigwa nunyinya, akalunga kulompa itwe lang'wa Yohana mbatizaji.” 9 Umtemi akatula nimasiko makulu na malompi ang'wa munanso, nsoko ilago lakwe la aantu naiakoli palung'wi pandya, akaila leki itulike uu. 10 Akaaligity u Yohana aletwe kupuma kukitungo 11 itwe lakwe likaletwa mukiseme umunanso akatwala kung'wa nyinya. 12 Sunga amanyisigwa akwe akaza akauhola umuimba akautulila naamala akenda akamuila u Yesu. 13 U Yesu naiwija nanso akalongola kuna antu kutili. Ni lundo la antu nailija likamutyata na migulu kukisali naukoli. 14 Sunga u Yesu akaza akauona ulundo ukulu. Akahumila kinyauwai akakomya indwala naiyiaja. 15 Naapika impindi iamanyisigwa akaza akalunga, iyi mbuga, uluhiku iahila. Asambailye aantu ende musali yao ende agule indya kunsoko ao. 16 U Yesu akaaila, “agila anga nsula akuhega api indya alye” 17 Akamuila ingi kukite mikate itaano ni nsamaki ibiili du. 18 U Yesu akalunga, “Mileti kitalane.” 19 Sunga u Yesu akaupa ilago umilundo pihi mumala. Akahola mikate itaano ni nsamaki ibiili akagoza kigulu, akakembeta, akaige imikate akaapa iamanyisigwa. Iamanyisigwa akaugalanya umilundo. 20 Akalya ihi akikuta sunga ikahoela indya yihi ikizulya imbugulu ikumi na ibiili. 21 Ao naialia asigiiwe kuhugela magana nzogu ataano iasungu nia ng'enya ikutile mialo nilanso. 22 Itungo akaapi ilago iamanyisigwa ingile mibini, matungo nanso akilaga nimilundo. 23 Naiilaga numilundo, akalongola mulugulu kulompa akaziwing'wene. Ai matungo ampindi akaziukoli wing'wene. 24 Ingi gwa ibini alikoli pakati aluzi likazikenkwa ni maingo kunsoko ung'wega aiukulu. 25 Matungo nautiku wa kupitilya kane u Yesu akaahugeela, akaze igenda mumazi. 26 Iamanyisigwa akwe naamuona ugenda mumazi. Ikogopa ikalunga, uyu mintunga ikazogolya kunsoko awoa. 27 U Yesu akaaila tuli nu moyo leki kogopi ingi nene.” 28 Petro akasusha akalunga, Mukulu ang'wi wewe mpi lago ngendi mumazi nze kitalako. 29 U Yesu akalunga, “Nzuu” Kululo u Petro akahega mibini akagenda mumazi akalongola kuna Yesu aukoli. 30 U Petro naiwaona imaingo, akogopa, akatula nyeheela mumazi, akitanga akalunga, Mukulu ngune!” 31 Itungo u Yesu akagoola umukono akamuhumbula u Petro akamuula, iwe nukite uhuili unino, niki nazawogopile? 32 Kululo u Yesu nu Petro naingila mibini ung'wega ukahila. 33 Iamanyisigwa naiakoli mibini ikamukulya u Yesu akilanga, “Tai uewe wi ng'wana wang'wi Tunda.” 34 Naikondya kuputa uluzi. Akapika mihi na Genesareti. 35 Iantu naiakondya kumumanya u Yesu akatwala inkani muisali, ikaaleta ihi nailwae. 36 Akaminena ahume kuomba inguo akue, ihi naiambile inguo ikagunwa.