47
Egvu, e deru nụ onye ishi egvu tẹ Ụnwu Kora gụa
1 Unu kụa ẹka; unubẹ ndiphe!
Unu gude ẹhu-ọtso-ẹna
chiaru Nchileke
mgbe-egvu!
mgbe-egvu!
2 Ishi iya abụru lẹ Ojejoje, bụ
Ọkaribe-Kakọta-Nụ dụ biribiri;
bụru iya bụ eze lẹ mgboko mgburumgburu.
3 O wotawaru iphe bụ
mbakeshi ye ayi l'ẹka.
4 Ọ bụ yẹbedua fọtaru ayi alị, ayi bu;
mbụ alị ono, Jékọpu, bụ
onye Nchileke yeru obu
egudeje eku onwiya ono.
5 Nchileke ejewa l'aba-eze iya.
Eechiwaru iya mkpu
ẹhu-ọtso-ẹna;
l'egburu iya ụpyoku.
6 Unu gụa egvu gude kele
Nchileke ekele!
Unu gụaru iya egvu ekele!
Unu gụa egvu gude
kele eze ayi!
Unu gụaru iya egvu ekele!
7 Kẹ l'ọ bụ Nchileke bụ eze
lẹ mgboko gbaa mgburumgburu.
Unu raa ẹ́vù gude jaa ya ajaja!
8 Ọ bụ Nchileke bụ eze iphe bụ mbakeshi.
Ọ nọ l'aba-eze iya, dụ nsọ.
9 Ndu nweru ẹnya lẹ mgboko
dzukobekwaru l'ọ bụ
ndibe Nchileke kẹ Ébirihamu;
kẹle ndu eze, achị
mgboko-a
mgboko-a
bụkwa Nchileke nwe ẹphe.
Ọ kwa Nchileke;
bẹ kangokotaru nụ.