51
Hay Nuntutuyuan David hi Baholna* Heten psalm ya niddum hinan kalahin di psalm an ma'alih Mangal'alu' hi A'aliwan di Bahol an Psalms ti waday muntutuyuh baholnan Apo Dios.
Hete ya psalm an intudo' David, ya hay intud'ana ya nan ap'apun di muntudtuduh kanta. Ya manu ay intudo'na ti inhingal nan propetan hi Nathan hiya an dimmalat nan nangilugtapanan Bathsheba.
(II Sam. 11:1—12:14)
1 Hom'ona' ni', Apo Dios, ta aliwam di bahol'u
an dumalat nan mid pogpogna an pamhodmu ya nan ama'ulaymu!
2 At paddungnay ulaham an amin di bahol'u ta mihamad di ugali' mahkay.
 
3 Ya i'innila' an numbahola',
an ten nun'o'onan hi nomnom'u.
4 Ya numbahola' ahan ay He"a,† Mabalin goh nan translation an He"a ya anggay di numbahola' an mid di udum. Gulat ta nepto' an translation at hay pohdonan ibaga ti numbahol goh hi David ay da Bathsheba ya nan ahawanan hi Uriah! Gapu ta agguy inunud David nan Uldin Apo Dios at paddungnay hi Apo Dios ya anggay di numbaholana ti Hiyay ad Uldin ta adi umilugtap ya adi goh pumatoy.
ya inat'uy adim pohdon,
at umannung an humalyaona' ta ibaagmu an nibahhawa'.‡ Rom. 3:4.
5 Ti nipalpuh din nitungawa' ya nababaholana'
an nete"a tuwalih din nihabiya' hi putun ina.
6 Mu hay pa'appohpohdom ya nan maphod an pangat di tagu,
at ituduwana' ni' hinan aatmun nahamad ta luma'enga'.
 
7 Ya ulaham ni' di bahol'u ta pumhod tun ugali'§ Hay nangusalan nan papadih din penghana ta lenehanda nan nalugit ya nan hapang an hyssop (Ex. 12:22; Lev. 14:3, 6, 49, 51-52; Num. 19:6, 18), ya hiyah ne goh di imbagan David hitu ta maleneh hiya.
an paddungnay ma"appaha'a' ya un nan dalallu.
8 Ya pawadaom ni' di amlong'u an ta"on hi unna' minolta,
9 ya aliwam ni' nan numbahola' ay He"a,
ya butiwom an amin nan nun'appuhin ina'inat'u.
 
10 Ya idatana' ni' hi baluh nomnom, Apo Dios,
ta nan nahamad ya nepto' di ipanomnommun ha"in.
11 Ya adia' ni' du'gon ay He"a
unu pakakon nan Na'abuniyanan an Lennawan niyodol ay ha"in.
12 Ya pa'amlongona' an umat hidin nangabuluta' ay He"a,
at badangana' ta nan pohdom di hiyay gun'u aton.
13 Ta ituduwa' nan nun'abaholan hinan pohdom hi atonda ta He"ay unudonda.
 
14 At elwanga' ni' ta adia' patayon, Apo Dios an Dios'un namaliw ay ha"in,* Mabalin goh nan translation an At aliwam ni' din namataya' hinan tagun mid baholna. Gulat ta nepto' an translation ya ninomnom David nin hi Uriah an ahawan Bathsheba an impapatoyna (II Sam. 11:6-27).
at ikanta' nan mangipa'innilah nan maphod an ina'inatmun ha"in.
15 Ya badangana' an humapit ta way ato' an mangul'ulgud hinan a'al'alyam, O Apu.
16 Ya bo'on nan me'nong an midat di pohdom
ti gulat un hiyah ne pohdom at indat'u,
ya adim goh abuluton nan Onong an Moghob.
17 At hay abulutom, O Apo Dios, hi e'nong'un He"a ya tun malpuh nomnom'uh puntutuyua'
ya nan nihamad an pangipa'ampaa' hi odol'u.
 
18 Ya igohgoham ni', O Apo Dios, nan babluy ad Zion ta pumhod
ta mibangngad an mipaphod nan nun'apa"in allup ad Jerusalem.
19 Ya malpah ay ya e'nongmi mahkay ay He"a nan nepto' an e'nongmin moghob hinan pun'onngam.

*^ Heten psalm ya niddum hinan kalahin di psalm an ma'alih Mangal'alu' hi A'aliwan di Bahol an Psalms ti waday muntutuyuh baholnan Apo Dios.

†51:4 Mabalin goh nan translation an He"a ya anggay di numbahola' an mid di udum. Gulat ta nepto' an translation at hay pohdonan ibaga ti numbahol goh hi David ay da Bathsheba ya nan ahawanan hi Uriah! Gapu ta agguy inunud David nan Uldin Apo Dios at paddungnay hi Apo Dios ya anggay di numbaholana ti Hiyay ad Uldin ta adi umilugtap ya adi goh pumatoy.

‡51:4 Rom. 3:4.

§51:7 Hay nangusalan nan papadih din penghana ta lenehanda nan nalugit ya nan hapang an hyssop (Ex. 12:22; Lev. 14:3, 6, 49, 51-52; Num. 19:6, 18), ya hiyah ne goh di imbagan David hitu ta maleneh hiya.

*51:14 Mabalin goh nan translation an At aliwam ni' din namataya' hinan tagun mid baholna. Gulat ta nepto' an translation ya ninomnom David nin hi Uriah an ahawan Bathsheba an impapatoyna (II Sam. 11:6-27).

© 2018 WBT