120
Hay Mikantah Punti'idan ad Jerusalem* Heten psalm ya niddum hinan kalahin di psalm an ma'alih Kantan di Munti'id ti hidin nunti'idan nan Hudyun immuy ad Jerusalem an mi'gotad ya hiyah te kalahin di kantan nundedehhandan nangikantah nan dalan.
Hiyah te kantan ingkantan nan Hudyuh din nunti'idandan numbiyahen immuy ad Jerusalem.
1 Hidin aligligata' ya nunluwalua' ta numpahpahmo'a' ay Apo Dios,
ya dengngolnay luwalu'.
2 Ya inali' di,
“Apo Dios, baliwana' hinan aton nan ahilalayah ya bumalbalin tatagu!”
3 Da'yun ahilalayah, hay aton Apo Dios ay da'yu,
ya hay umatan nin nan pummoltanan da'yu?
4 Ti immannung ahan an nidugah di pummoltanan da'yu an paddungnay panaon da'yu,
ya paddungnay ipulu' da'yu.
5 Ya gun ma'ud'udman nan punligligata' an mi'babluy hinan mun'abungot an tatagu
an umat hi pi'babluyan hinan iMeshek† Bahaom nan footnote di Gen. 10:2. ya iKedar.‡ Ohan hakup ad Arabia.
6 Mu himmigaa' an mi'babluy ay dida
ti adida pohdon di maphod an pun'u'unnudan.
7 Ya wa ay ta ul'ulgudo' di aat di pun'u'unnudan
mu hay gubat at goh di pohdonda.