110
Hi Apo Dios ya nan Alin Pento'na* Heten psalm ya niddum hinan kalahin di psalm an ma'alih Messianic an Psalms an mangituduh aat nan Alin Pento' Apo Dios an umali an ma'alih Messiah (hinan hapit di Hudyu) unu Kristu (hinan hapit di iGreece).
Hete ya psalm an intudo' David.
1 Inalin Apo Dios hinan Ap'apu di,
“Umbun'ah appit di agwan'u ta engganah unda ma'amin an ma'abak nan buhulmu.”† Mat. 22:44; Mk. 12:36; Lk. 20:42-43; Ac. 2:34-35; I Cor. 15:251; Heb. 1:13. Mid mapto' ya heten verse an hi Psa. 110:1 ya do'do"ol di nangipidwaanah nan New Testament ya un nan udum an verses an nitudo' hinan Old Testament ti numpenom.
2 Ya doldolon Apo Dios di pun'ap'apuwam an mete"ad Zion ta hakupom nan babluy di buhulmu.
3 Ya henen algaw an pi'gubatam ya mahlu nan tatagun bumadang ay He"a,
ya hiyay paddungnay pangilubungam hinan lubung di ap'apu,
ya mawaday nidugah an abalinam an umat hi buhu'an di algaw hinan helhelong.
4 Ya din inhapatan Apo Dios ya adina ahan lumonon ti inalinay,
“He"ay padih mid pogpogna ta anungom hi Melchizedek.”‡ Heb. 5:6; 7:17, 21.
5 Ya wagwadah Apo Dios ay He"a,
at abakonan amin nan a'alih nan algaw an gutud di bumungtana.
6 Ti Hiyay manumalyan amin hi tatagu ta mun'atoyda ta mapuulan di odolda,
ya abakona nongkay an amin di a'alih nan abablubabluy hitun luta.
7 Mu henen Ali ya uminum hinan danum an malpuh nan ginnaw hinan way dalan,
at bumi'ah ya mangab'abak.
*^ Heten psalm ya niddum hinan kalahin di psalm an ma'alih Messianic an Psalms an mangituduh aat nan Alin Pento' Apo Dios an umali an ma'alih Messiah (hinan hapit di Hudyu) unu Kristu (hinan hapit di iGreece).
†110:1 Mat. 22:44; Mk. 12:36; Lk. 20:42-43; Ac. 2:34-35; I Cor. 15:251; Heb. 1:13. Mid mapto' ya heten verse an hi Psa. 110:1 ya do'do"ol di nangipidwaanah nan New Testament ya un nan udum an verses an nitudo' hinan Old Testament ti numpenom.
‡110:4 Heb. 5:6; 7:17, 21.