25
Hay Miyatluh Hinapit Bildad
1 Ya himmapit hi Bildad an holag Shuah an inalinay,
2 “Hi Apo Dios ya na'ahhamad an nidugah di abalinana,
at Hiyay ita'ot ti Hiyay nangdon hi an amin hinan wad abuniyan.
3 Undan waday way abalinanan mangyap hinan wad abuniyan an tindaluna?
Ya undan way lugal hi adi benangan nan patalna?
4 Wada dan di ohah na'ahhamad di ugalinah nan hinagang Apo Dios?
Undan way mitungaw an tagun na'ahhamad di atona?
5 Ya hay pannignah nan bulan ya adi umday benangna,
ya umat goh hinan bittuan an adida mibilang hi na'ahhamad hi pannigna,
6 at inyal'allanah nan tagun un umat hi begeh unu aggit'it di pannignan dida!”