17
1 Maganaganay a koman so kelleban a inapoy a sitatalna
kan machipasken do asa a bahay a yanan dan maydidiman.
2 No masīrib a pachirawatan, itorayan nanchiw mangasnesnek a pōtot no āmo na,
as machipagtāwid anchi dyirad anak saw no āmo na.
3 Mapaneknekan kaporo no pirak kan balitok an payongben do apoy,
ki si ĀPO, soōten naw kapangtokto no tawo.
4 No mamarin so marahet, mangadngey so chirin dan marahet,
as no maybayataw, ikāso naw chirin dan maparaherahet.
5 No machimadēkey do mapobri, iroromen naw Namarin dya,
as no mamimyeng dyirad nadidigra, mahabas abanchi a madōsa.
6 Siraw apoko, akma saw gon-gona* 17:6Do Hebreo a chirin, ki “korona”. dyirad mangalkem,
as siraw inyapwan, ki dāyaw dan anak.
7 Madāyaw a kapaychirin, maitotop aba do abos arang
ad-adda paw mabayataw a kapaychirin do mabigbigbig a tawo.
8 Pasoksok, akmay bato a magmadyik do aktokto no manorohaw,
ta aran dino a kwanan na, magballīgi.
9 No mangpakawan† 17:9Do Hebreo a chirin, ki “No mangtalob so gatos.” Prob. 10:12 so nakagatos, mangāwis so adaw,
ki no maysawasawat, mapaysyay so masinged a maysīt.
10 Arwaro mananawo no makaāwat do kapaydabdab
kan asa gasot a kabāot so bokot no abos arang a tawo.
11 No marahet a tawo, nawri lang chichwasen naw kapagsōkir na,
ki matoboy anchiw maranggas a tobotoboyen a machikontra dya.
12 Maganaganay an bayaten mo mabinayi a oso‡ 17:12Pal. 13:2 a naakaw saw anak naw
kan mangbayat so abos arang do kabon sīrib na.
13 No mamahes so marahet do maganay,
nāw nanchi a opokan no marahet bahay naw.
14 Iyaw siknanan kapaydidiman, akmas nalasaw a tambak.
As dawa, pagsardengen mo sakbay a mangrogi.
15 No kapangwayawaya so nakagatos kan kaidarom no malinteg,
mayengay sa a ipsopsok ni ĀPO.
16 Aryoriw sīrbi na a gastosen no abos arang pagbāsa na
an chaskeh naw mananawo?
17 Iyaw sīt, pirmi a ipaboya naw adaw na,
as no kakteh, naiyanak a somidong do kalidyatan.
18 No kōrang so sīrib, machiabrasa a machion
a pangisigorādo so ōtang no karoba na.
19 No madaw a machidiman, chadaw naw gatos,
as no mapatnek so matohos a rowangan, mangāwis so karārayaw.
20 No nailabay do dyīdo a kapangtokto, maasinso aba.
As no mabayataw a tawo, masday do riribok.
21 No myan so anak a abos arang, maglak-am so mamayo,
as kan abaw kasoyot no āmang no abos arang.
22 No pōso a masoyosoyot, akmay maganay a āgas,
ki no maōpay a ispirito, romapit do tohatohang.§ 17:22Prob. 15:13
23 No marahet a tawo, mangrawat so pasoksok a sililīmed
tan dyīdohen naw no ayayaman no kinalinteg.
24 No myan so kapakaāwat, nāw na maimangmang kinasīrib,
ki no mata no abos arang, mayhat aba midibidi do mateng.* 17:24 Do Hebreo a chirin, ki “do pandan no tanaya”.
25 No abos arang a anak, pagmamayohen naw āmang na,
kan taywara a kaliday ipadidiw na di ānang na.† 17:25Do Hebreo a chirin, ki “iyaw nangiyanakaw sya”.
26 Iyaw kapagpamolta so malinteg, maganay aba.
Masaw kapagbāot so masingpet, kosto aba.
27 No mangpenpen siras chirin na, myan dyaw kapakatoneng,
as no mangigpet so inawan naw, myan dyaw kapakaāwat.
28 Aran abos arang a tawo, mabata a masīrib an dya maylilyak,
kan akmay makapangilāsin an penpenen naw rida na.