1 यहूदी ठिम तारे तखबै क्ह्रोंसेंन्बै ताँमैं धों तब आङिं, तारे तखबै क्ह्रोंसेंन्बै छ्याँबै सैमैंए छरि मत्‍त्रे ग। छतसि बर्ष ह्रोंसे परमेश्‍वरए मिंर पिंबै ख्रोमैंइ ख्रो पिंबै म्हिमैंए ताँन् पाप ख्रुमिंल् आखाँ। 2 ख्रोमैंइ म्हिमैंए पाप ख्रुमिंल् खाँस्याँ सालै ह्रोंसे म्हिमैंइ ख्रो पिंरिल् आत्हुमल, आङिं वा? तलेबिस्याँ तिखेर्न ख्रो पिंब्मैंए पाप त्होयास्याँ, चए लिउँइ चमैंए सैंर पाप आतमल। 3 दिलेया चु ख्रो पिंमा म्हिमैंइ सालै ह्रोंसे खेंमैंए पाप सैंर मैंम्, 4 तलेबिस्याँ र क्युए कोइ म्हिमैंए पाप त्होल् आखाँ।

5 छतसि येशू ख्रीष्‍ट चु ह्‍युलर युमा खीजी परमेश्‍वरने छ बिइ,

11 यहूदी ख्रो पिंबै खेगिमैंइ त्हिंइ ह्रोंसे ख्रो पिंमुँ। दिलेया छाबै ख्रोइ म्‍हिमैंए पाप खोंयोंइ त्होल् आखाँ।✡ 10:11 प्रस २९:३८ 12 दिलेया ख्रीष्‍टजी म्‍हिमैं पापउँइँले फ्रेमिंबर खोंयोंइ तरिबै ल्हागिर ख्रो घ्रि मत्‍त्रे पिंइ। धै खी परमेश्‍वरए क्‍योलोउँइ टिइमुँ। 13 झाइले पर मेश्‍वरजी ख्रीष्‍टए शत्तुरमैं खीए प्‍हले न्‍होंर आलन् समा ख्रीष्‍टजी पैंरिम्।✡ 10:12-13 भज ११०:१ 14 तलेबिस्याँ खीजी पबित्र लमिंबै म्‍हिमैंलाइ खोंयोंइ तरिबै ख्रो घ्रिउँइँलेन् पबित्र लमिंइमुँ।

15 पबित्र प्ल्हज्‍यै या ङ्योने चु ताँए ग्वाइ पिंइमुँ। ओंसों खीजी छ बिइमुँ,

19 छतसि ओ अलि-अङाँमैं, येशूए कोजी लमा “ताँन् भन्दा पबित्र क्‍ल्‍ह्‍योर” होंबै भों ङ्योइ योंइमुँ। 20 ङ्योए ल्हागिर छारा नेरो खोंयोंइ आखाँबै छ्ह योंबै घ्याँ खीजी थोंमिंइ। खीए ज्यु ख्रो पिंबइले ङ्यो पर्दउँइँले तसि “ताँन् भन्दा पबित्र क्ल्ह्‍योर” होंल् खाँम्। 21 परमेश्‍वरए म्‍हिमैंलाइ छेनाले छैं लबै ल्हागिर ङ्योए खेगि क्रथे घ्रि मुँ। 22 छतसि ङ्योए सैंर मैंबै आछ्याँबै ताँमैं येशूए कोजी नेरो पबित्र क्युइ ङ्योए ज्युलाइ ख्रुमिंइ, छतसि छ्याँबै सैंइ खीए फिर बिश्‍वास लसि खीए फिर सैं केंसि ङ्यो परमेश्‍वरए उँइँर ह्‍याले।✡ 10:22 लेबी ८:३०; इज ३६:२५ 23 ङ्योइ खीए फिर बिश्‍वास लसि थेंबै आशार सैं ङ्हिरि आलल्‍ले भोंसि तसि टिले, तलेबिस्याँ ङ्योने बाछा फैबै परमेश्‍वर भर लल् खाँब मुँ। 24 घ्रिइ घ्रिलाइ म्हाँया लदै छ्याँबै के लरिबै ल्हागिर ङ्योइ खैले चमैंए सैं भोंन् लमिंब च ताँ सैंर मैंले। 25 को-कोइल संगतिर आह्‍याबै बानि तम्, दिलेया प्रभु युबै त्हिंइ चेंदोन् मुँ बिब क्हेमैंइ सेबइले घ्रिइ घ्रिलाइ संगतिर ह्‍याल् त्हुम् बिदै ङ्यो ताँन् खागु तब आपिले।

26 तलेबिस्याँ क्ह्रोसंन्बै ताँ सेसेया ङ्योइ ह्रना-ह्नन् पाप लइ बिस्याँ पाप त्होमिंबै ल्हागिर तारे अरू ख्रो आरे। 27 बरु ङ्हिंन् ङ्हाँबै दण्ड पैंसि टिल् त्हुम्, धै परमेश्‍वरए बिरोध लब्‍मैंलाइ नास लवाबै मिए राबा मत्‍त्रे तब्मुँ।✡ 10:27 यशै २६:११ 28 मोशाइ प्ह्रिबै ठिम आम्हाँदिबै म्हिए बारेर म्‍हि ‍ङ्हिंदे सोंदेए ग्वाइ तइ बिस्याँ च म्हि ल्हयो आयोंल्‍ले सिल् त्हुम्।✡ 10:28 व्य १७:६; १९:१५ 29 छतसि क्हेमैं ह्रोंसन् मैंन्दि: परमेश्‍वरए च्‍हलाइ प्हलेइ प्लेसि ह्रोंसलाइ पबित्र लमिंबै परमेश्‍वरजी बाछा फैबै कोलाइ तो धोंइ आङ्हाँबै ह्रोंसलाइ दयाम्हाँया लबै पबित्र प्ल्हए आब्रु वाब छाबै म्हिइ झन् कति थेबै दण्ड योंलै।✡ 10:29 प्रस २४:८ 30 तलेबिस्याँ “बदला किंबै के ङल् ग, म्हिमैंइ खैबै के लइमुँ छाबन् नों ङइ पिंम्।” बिब परमेश्‍वरन् ग बिसि ङ्योइ सेइमुँ। खीजी धबै बिइमुँ,

32 च ह्‍याबै त्हिंइमैं मैंन्, परमेश्‍वरए चारबै ह्‍वे योंबै लिउँइ खैबै दुःख योंलेया क्हेमैं बिश्‍वासर भोंसि तइ टिल। 33 खोंयों म्हिमैंइ क्‍हेमैंए आब्रु वासि म्हि आच्हिल्‍ले पोंइ, खोंयों अरूमैंइ दुःख योंमा क्‍हेमैं या चमैंनेन् दुःख योंल् त्हुइ। 34 झेलर मुँब्‍मैंलाइ क्हेमैंइ ल्होमिंइ, ह्रोंसए सै न्होर अरूमैंइ लुडिवालेया क्‍हेमैं सैं तोंसिन् सैदिइ, तलेबिस्याँ क्‍हेमैंल च सै न्होर भन्दा थेब खोंयोंन् बिलै तरिबै स्वाबै सै न्होर मुँ बिसि क्‍हेमैंइ सेल। 35 छतसि क्‍हेमैंइ लबै बिश्‍वास आपिद्, क्हेमैंए ल्हागिर थेबै इनाम मुँ। 36 परमेश्‍वरजी बिब् धोंले के लब नेरो खीजी बाछा फैसि पिंम् बिबै सै योंबै ल्हागिर क्हेमैं बिश्‍वासर भोंसि तइ टिल् त्हुम्। 37 तलेबिस्याँ