૧ મારા સંકટમાં મેં યહોવાહને પોકાર કર્યો

અને તેમણે મને ઉત્તર આપ્યો.

૨ હે યહોવાહ, જેઓ પોતાના હોઠોથી જૂઠું બોલે છે

અને તેમની જીભથી છેતરે છે, તેઓથી તમે મારા આત્માને બચાવો.

૩ હે કપટી જીભ, તને તો તે શું કરશે?

અને તારા તે શા હાલ કરશે?

૪ તને તીક્ષ્ણ બાણોથી વીંધવામા આવશે

અને ધગધગતા કોલસાથી તને દઝાડાશે.

૫ મને અફસોસ છે કે હું મેશેખમાં રહું છું;

અગાઉ હું કેદારના તંબુઓ મધ્યે રહેતો હતો.

૬ જે શાંતિ પર દ્વેષ રાખે છે

તેની સાથે રહીને હવે તો હું ધરાઈ ગયો છું.

૭ હું શાંતિ ચાહું છું,

પણ જ્યારે હું બોલું છું, ત્યારે તેઓ લડાઈ કરવા માગે છે.