1 ኣንፆኪያን ዴዒያ ኣማኒያ ኣሳ ጊዶን ናባቱኔ ታማርሲያዋንቱ ዴዒኖ፤ ኡንቱንቱካ ባርናባሳ፥ ካሬꬃ ጊያ ሲሞና፥ ቄሬናፔ ዬዳ ሉቂዮሳ፥ ጋዲያ ሞዲያ ሄሮዲሳና * ሄሮዲሳ፡ ሄሮድ ኣንቲጳሳ ጌቴቲያ ዎጋ ሄሮዲሴ ናዓ። ሄዌኔካ ጋሊላ ጊያ ጋዲያ ሞዲያዋ። ሉቅ 3፡1 ፄሊቴ። ዲጬዳ ሚናሃኔ ሳዖላ። 2 ኡንቱንቱ ጎዳሲ ጎዪኒሺናኔ ፆሚሺን፥ ጌሻ ኣያናይ፥ «ታኒ ፄሴዳ ኦሱዋሲ ባርናባሳኔ ሳዖላ ታው ዱማዪቴ» ያጌዳ።

3 ኡንቱንቱ ፆሜዳዋፔኔ ዎሴዳዋፔ ጉዪያን፥ ባሬንቱ ኩሺያ ባርናባሳ ቦላኒኔ ሳዖላ ቦላን ዎꬂዴ፥ ኡንቱንታ ዬዴዲኖ።

4 ሄዋ ዲራው፥ ጌሻ ኣያናይ ኡንቱንታ ኪቲና፥ ሴሉቂያ ዎꬌዲኖ፤ ሄዋፔ ዎንጊሪያን ጌሊዴ፥ ቆጲሮሳ ሃꬃኒ ዶዴቴዳሳ ቤዲኖ። 5 ኡንቱንቱ ሲልማና ጋኪዴ፥ ኣዪሁዳ ዎሳ ጎሌቱዋን ፆሳ ቃላ ኦዴዲኖ፤ ኡንቱንታ ማዳናው ዮሃኒሲ † ዮሃኒሳ፡ ሃራ ሱንꬃይ ማርቆሳ። 12፡12፥25 ፄሊቴ። ኡንቱንቱና ዴዔ።

6 ኡንቱንቱ ቆጲሮሳ ሃꬃን ዶዴቴዳ ሳዓ ኡባ ጳፉ ጋካናው ዩዪዴ፥ ናቢያ ኢቲ ዎርዳንቻ፥ ኣዪሁዳ ኣሳ ባር-ዬሱሳ ጊያ ሻሬቹዋ ዴሜዲኖ። 7 ሄ ሻሬቹ ጋዲያ ሞዲያ ሳርጊዮሳ ጳዉሎሳ ጊያ ኣኬካንቻ ቢታኒያና ዴዔ። ሳርጊዮሳ ጳዉሎሳ ባርናባሳኔ ሳዖላ ባሬኮ ፄሲዴ፥ ፆሳ ቃላ ሲሳናው ኮዬዳ። 8 ሺን ሻሬቹዋ ኤሊማሲ (ጊሪኬ ቃላን ሄዌ ኣ ሱንꬃ) ጋዲያ ሞዲያዋ ኣማኑዋ ዲጋናው ኮዪዴ፥ ኡንቱንቱ ሃሳያ ጳልቄዳ።

9 ሺን ጳዉሎሳ ጊያ ሳዖሊ ባሬናን ጌሻ ኣያናይ ኩሚና፥ ሻሬቹዋ ጫዲ ፄሊዴ፥ 10 ኣ፥ «ላ ሃ ፃላሂያ ካፑዋ ናዓው፥ ጌኔቴꬃይ ኡባይኔ ኢታቴꬃይ ኡባይ ኩሜዳዎ፥ ፂሎቴꬃ ኡባ ሞርኬው፥ ጎዳ ኦጊያ ሱሪያ ጌላዪያዋ ኣጊኪ? 11 ቤዓ፤ ሃዒ ጎዳ ኩሺ ኔ ቦላ ዴዔ፤ ኔኒ ቆቃ ጊዳና፤ ኣማሬዳ ዎዲ ጋካናው፥ ኣዋ ፖዑዋ ቤዓካ» ያጌዳ።

ሄ ማንዒያንካ ሻኖቻይኔ ꬉማይ ኣ ኣይፊያ ጎዚና፥ ባሬ ኩሺያ ኦይቂዴ፥ ካሌꬂያ ኡራ ኮዪዴ ዩዬዳ። 12 ሄ ዎዴ ጋዲያ ሞዲያዌ ሄዋ ቤዔዳ ዎዴ፥ ጎዳይ ታማሪሲያዋን ማላሌቲዴ ኣማኔዳ።

13 ጳዉሎሲኔ ኣናና ዴዒያዋንቱ ጳፉፔ ዴንዲዴ፥ ጲኒፊሊያን ዴዒያ ጴርጌ ዎንጊሪያን ቤዲኖ፤ ዮሃኒሲ ኡንቱንቱፔ ሻኬቲ፥ ዬሩሳላሜ ሲሜዳ። 14 ሺን ኡንቱንቱ ጴርጌፔ ኣꬊዴ፥ ጲሲዲያን ዴዒያ ኣንፆኪያ ጋኬዲኖ፤ ሳምባታ ጋላሳን ኣዪሁዳ ዎሳ ጎሌ ጌሊዴ ኡቴዲኖ። 15 ሙሴ ሂጊኔ ናባቱዋ ማፃፋይ ‡ ሙሴ ሂጊያኔ ናባቱዋ ማፃፋ፡ ኣዪሁዳቱዋ ማፃፋ፥ ኤጫ ጫቁዋ ማፃፋ። ናባቤቴዳዋፔ ጉዪያን፥ ኣዪሁዳ ዎሳ ጎሌ ካፓቱ፥ «ኑ ኢሻቶ ኣሳ ሚኒሲያ ቃላይ ሂንቴንቶ ዴዖፔ፥ ኣሳው ሃሳዬሪኪቴ» ያጊዴ ኡንቱንቶ ኪቴዲኖ።

16 ጳዉሎሲ ዴንዲ ኤቂዴ፥ ባሬ ኩሺያን ፆርሲዴ፥ ሃዋዳን ያጌዳ፤ «ኢስራዔሊያ ኣሳቶ፥ ፆሳሲ ያዪያዋንቶ ሲሲቴ። 17 ሃ ኢስራዔሊያ ኣሳ ፆሳይ ኑ ኣዋቱዋ ዶሪዴ፥ ጊብፄ ጋዲያን ኢማꬃቴꬃን ኡንቱንቱ ዴዒሺን፥ ኡንቱንታ ጮሪሴዳ፤ ባሬ ዎልቃማ ዎልቃኒካ ጊብፄ ጋዲያፔ ኡንቱንታ ኬሴዳ። ኬስ 1፡7፤ 12፡51 18 ባዙዋን ኦይታሙ ላይꬃ ኬና ኑ ኣዋቱዋ ኢ ዳንዳዬዳ። ፓይ 14፡34፤ ዛር 1፡31 19 ካናኔ ጊያ ጋዲያን ኣዪሁዳ ጊዴና ላፑ ካዉቴꬃ ꬋዪሲዴ፥ ኡንቱንቱ ጋዲያ ባሬ ኣሳ ላቲሴዳ። ዛር 7፡1፤ ኢያ 14፡1 20 ሄዋፔ ጉዪያን፥ ናቢያ ሳሜላ ዎዲያ ጋካናሲ፥ ኦይዱ ፄታኔ ኢሻታሙ ላይꬃ ኬና ዳናቱዋ ኡንቱንቶ ኢሜዳ። ዳት 2፡16፤ 1ሳም 3፡20 21 ሄዋፔ ጉዪያን፥ ኡንቱንቱ ባሬንቶ ካቲያ ኢማና ማላ ዎሲና፥ ፆሳይ ቢኒያማ ዛሪያፔ ቂሳ ናዓ ሳዖላ ኦይታሙ ላይꬃው ካዉታና ማላ፥ ኡንቱንቶ ኢሜዳ። 1ሳም 8፡5፤ 10፡21 22 ፆሳይ ሳዖላ ሻሬዳዋፔ ጉዪያን፥ ኡንቱንቱ ቦላ ዳዊቴ ካዉታና ማላ፥ ኣ ዴንꬄዳ፤ ዳዊቴባ ማርካቲዴ፥ ‹ታኒ ኮዪያ ኡባባ ታ ዎዛናዳን ኦꬂያ ኢሴይ ናዓ ዳዊታ ዴማዲ› ያጌዳ። 1ሳም 13፡14፤ 16፡12፤ ማዝ 89፡20

23 «ፆሳይ፥ ‹ታኒ ዳዊታ ዛሪያፔ ኢስራዔሊያ ኣሳ ኣሺያዋ ኣሃና› ቃላ ጌሌዳዋዳንካ፥ ዬሱሳ ኣሄዳ። 24 ዬሱሲ ያናፔ ካሴ ኢስራዔሊያ ኣሳይ ኡባይ ባሬንቱ ናጋራፔ ሲሚዴ ፃማቄታና ማላ፥ ዮሃኒሲ ቃላ ኦዴዳ። ማር 1፡4፤ ሉቅ 3፡3 25 ቃሲ ዮሃኒሲ ባሬ ኦሱዋ ዉርሳና ሃኒዴ ኣሳ፥ ‹ታና ኦና ጊዴ ቆፒቴ? ታኒ ሂንቴ ናጊያዋ ጊዲኬ፤ ሺን ቤዒቴ፥ ኣ ጌዲያ ጫማ ቃሹዋካ ጌዲያፔ ቢላናው ታው ቤሴናዌ ታፔ ጉዬና ዬ› ያጌዳ።

26 «ታናዳን ኣማኒያዋንቶ፥ ኣብራሃሜ ዜሬꬃቶ፥ ቃሲ ሃዋን ኣዪሁዳ ጊዴናዋንቶ ፆሳሲ ያዪያዋንቶ፥ ሃ ኣቶቴꬃ ቃላይ ኑሲ ኪቴቴዳ። 27 ኣዪሲ ጎፔ፥ ዬሩሳላሜን ዴዒያ ኣሳይኔ ኡንቱንቱ ካፓቱ ዬሱሳኔ ሳምባታ ጋላሳ ኡባን ናባቤቲያ ናባቱዋ ቃላ ኣኬኪቤና ዲራው፥ ኣ ቦላ ፒርዲዴ፥ ናባቱዋ ቃላ ፖሌዲኖ። 28 ዬሱሳ ዎꬊሳናው ኢቲ ጋሱካ ኡንቱንቶ ቤቴናን ኢፂና፥ ጲላፆሲ ኣ ዎꬋና ማላ ዎሴዲኖ።

29 «ኡንቱንቱ ዬሱሳባይ ፆሳ ማፃፋን ፃፌቴዳዋ ኡባ ፖሌዳ ዎዴ፥ ማስቃሊያፔ ኣ ዎꬂዴ ሞጌዲኖ። 30 ሺን ፆሳይ ሃይቁዋፔ ዬሱሳ ዴንꬄዳ። 31 ሄዋፔ ጉዪያን ኢ ባሬናና ጋሊላፔ ዬሩሳላሜ ዬዳ ኣሳቶ ጮራ ጋላሳ ቤቴዳ ኡንቱንቱ ሃዒ ኣባ ኣሳሲ ማርካቲኖ።

32 «ፆሳይ ኑ ኣዋቱዋሲ ኢማና ጌዳ ዎንጋላ ሚሺራቹዋ ኑኒ ሂንቴንቶ ኦዴቶ። 33 ዳዊቴ ማዚሙሪያ ማፃፋን ላዔꬆ ሼምፑዋን፥

38-39 «ሄዋ ዲራው፥ ታናዳን ኣማኒያዋንቶ፥ ናጋራ ኣቶ ጌቴቴዳዌ ሂንቴንቶ ዬሱሳ ባጋና ኦዴቴዳዌኔ፥ ሙሴ ሂጊያን ፂላናው ሂንቴንቶ ዳንዳዬቴና ኡባባፔ ኣኒ ኣማኒያ ኡባይ ፂላናዌ ሂንቴንቶ ኤሬቶ። 40 ሄዋ ዲራው፥ ናባቱ ጌዳዌ ሂንቴ ቦላ ጋኬና ማላ ናጌቲቴ፤

42 ጳዉሎሲኔ ባርናባሲ ኣዪሁዳ ዎሳ ጎሊያፔ ኬሲሺን፥ ኣሳይ ኡንቱንታ ላዔንꬁዋ ሳምባታንካ ሄዋ ጉጂዴ ኦዳና ማላ ዎሴዲኖ። 43 ሺቁ ላሌቴዳዋፔ ጉዪያን፥ ጮራ ኣዪሁዳቱኔ ኣዪሁዳቱዋ ኣማኑዋን ጌሊዴ ፆሳው ያዪያ ጮራቱ፥ ጳዉሎሳኔ ባርናባሳ ካሌዲኖ፤ ዬሱሲ ኪቴዳዋንቱ ፆሳ ኣꬎ ኬካቴꬃን ሚኒ ዴዓና ማላ፥ ኡንቱንቶ ኦዲዴ ሚኒሴዲኖ።

44 ላዔንꬁዋ ሳምባታን ኣማሬዳ ኣሳቱዋፔ ኣቲን፥ ካታማ ኣሳይ ኡባይ ፆሳ ቃላ ሲሳናው ሺቄዳ። 45 ሺን ኣዪሁዳቱ ጮራ ኣሳ ቤዔዳ ዎዴ፥ ጳዉሎሳ ቃናቴዲኖ፤ ኣ ሃሳያ ጳልቂዴ፥ ኣ ቦሬዲኖ።

46 ጳዉሎሲኔ ባርናባሲ ፃሊዴ፥ «ፆሳ ቃላይ ካሴቲዴ ሂንቴንቶ ኦዴታናው ኮሼ፤ ሺን ቃላ ሂንቴ ኢፄዳ ዲራዉኔ ሜꬊና ዴዑዋ ኣካናው ሂንቴንቶ ቤሴና ጊዴ፥ ሂንቴ ሂንቴንቱ ሁጲያን ፒርዴዳ ዲራው፥ ቤዒቴ፥ ኑኒ ኣዪሁዳ ጊዴናዋንቱኮ ሲሜቶ። 47 ኣዪሲ ጎፔ፥ ጎዳይ ኑና፥ ኢሳ 42፡6፤ 49፡6

48 ኣዪሁዳ ጊዴናዋንቱ ሄዋ ሲሴዳ ዎዴ፥ ናሼቲዴ ፆሳ ቃላ ቦንቼዲኖ፤ ቃሲ ሜꬊና ዴዑዋሲ ዶሬቴዳ ኡባይ ኣማኔዲኖ።

49 ጎዳ ቃላይ ሄ ጋዲያ ኡባ ጋኬዳ። 50 ሺን ኣዪሁዳቱ ፆሳው ጎዪኒያ ቦንቼቴዳ ማጫዋንታኔ ካታማን ዴዒያ ዎልቃማ ኣሳቱዋ ጳዉሎሳ ቦላኒኔ ባርናባሳ ቦላ ዴንꬄꬂና፥ ኣሳቱ ኡንቱንታ ዬዴርሱዋ ዶሚዴ፥ ባሬንቱ ጋዲያፔ ኬሴዲኖ። 51 ሺን ዬሱሲ ኪቴዳዋንቱ ኡንቱንታ ኢፂያዋንቱሲ ማላታ ጊዳና ማላ፥ ባሬንቱ ጌዲያፔ ባና ሾጪዴ፥ § ባሬንቱ ጌዲያፔ ባና ሾጪዴ፡ ሃዌ ኣሳይ ኣኬናን ኢፆዋ ቤሲያ ኦጊያ። ኢቆኒዮኔ ካታማ ቤዲኖ። 52 ቃሲ ኣንፆኪያን ዴዒያ ካሊያዋንቱኒካ ጌሻ ኣያናይኔ ናሼቻይ ኩሜዳ።