1 Te king tuni bidi Usia isali kibu bede, eno Genuai Bidi aga tuni bidi saide dualalubo suali. Agai tuni bidi sia ugwanu mu elaluali. Tama tuni bidigo ugwa agai gudali da, moni bobobage mu elama, aga be mu usu nai suali. [2 Kin 15:7; 2 Sto 26:23] 2 Tama geninama ensel sibigo aga bagua sai elaluali. Te tigidali deli deli ensel dabego bogo a naga olama, me badu nogi deli naga elaluali. Tama deli deligo augwa bogo me sigo augwa gesabidi halua siyu, ela pai suali. Tama gasa bogo me sigo augwa tigi mesega siyu yai yali. Tama gasa bogo me sigo da, augwali bola peyu yali. Te ensel sibi da, te isi ula tiwai. * Te tobage mobo bidi enselgo bogo dabe te a naga me badu deli elalubo, augwali te gasa me badu ensel bogo nigai bidi dabe tiwai me elalubeo. Te tobage ensel dabe augwali nogi e tiwai “Serafim” te Hibru pogo nogi da, tama augwaligo po me te buku Baibel Aisaia pedai delide naga elalubao. 3 Tama augwa digi augwa hasi ma i weyu, te po wali, “Genuai Bidi aga tedali gasagi yai mu dao. Aga tedali gasagi yai mu dao. Aga tedali gasagi yai mu dao. Genuai Bidi Tigidali Bomo Elalubo Bidi aga tedali gasagi yai mu tama dao. Agai genuai ula de bomo sigo tǫ tigidali mu usu nani,” te po wali. [Ped 4:8] 4 Ena yaide be sunumide bidali, tama tigidali sogo augwali deli mego hae wabo sogo da, eno suali, te moni masigi me augwaligo be sę yali, te masigi tigidali mobodo yali. Tama eno suali, hano bede pągąna pabo suali. [Ped 4:8] 5 Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

6 Tama te ensel dabe me deligo ala gagawai naide isi dage tolasa, ena pageba bola asali. Agai te isi dage te altade sali. 7 Agai te isi eno pedauwalide munama, agai te po wali, “Eno te isi nago pedauwalide muani dao. Tama nago dwai sęgę sia selama, tama megi Genuai Bidigo nago yali dwai sę sela sąwai dao,” wali. 8 Tama eno Genuai Bidigo ensel sibi hanaluyu, te po wabo odali, “Dago de tagala palaibawe? Dego eno po sela paibawe?” Tama eno te po wali, “Nago ena tagala palao.” 9 Tama tibaso, Genuai Bidigo enabolo te po we bidibolo pusugi pao po wali,

11 Tama tibaso, eno aga e tama po hanalu wali, “Genuai Bidi, eno te sę ela pelama, mena sogoba usu nigi paibawe?” Tama agai po wei ponoyu, te po wali,