126
Nhiam U‑ỗi Pĩen Cỡt Ŏ́c Bũi Ỡn
1 Toâq Yiang Sursĩ dững tỗp hái chu loah pỡ vil Yaru-salem,* 126:1 Yaru-salem bữn ramứh canŏ́h la Si-ôn.
ki samoât hái láu mpáu sâng.
2 Bo ki tỗp hái cacháng bũi óh cớp triau cupo cỗ sâng ỡn lứq.
Chơ cũai tễ dũ cruang ễ pai tễ hái neq:
“Yiang Sursĩ khoiq táq ranáq toâr lứq yỗn tỗp alới.”
3 Lứq Yiang Sursĩ khoiq táq ranáq toâr yỗn tỗp hái,
dŏq hái sâng bũi ỡn.
4 Ơ Yiang Sursĩ ơi! Sễq anhia táq yỗn hếq bữn cỡt o loah machớng tễ nhũang,
ariang anhia khoiq táq yỗn dỡq hoi loah tâng crỗng khỗ.
5 Sễq yỗn alới ca nhiam bo trứh ŏ́c,
bữn triau cupo bũi óh cỗ toâq ngư sot.
6 Tỗp alới ca nhiam bo dững cuplốq ễ chóh,
bữn ũat khễn bũi o toâq alới dững achu máh palâi ca ĩt tễ sarnóh alới khoiq chóh.