1 A Vure i vulaki tala e huriki a prister dagi ne huriki a bakovi tavula o Israel. I vulaki ria, ri gi rata a leho vona na murine huriki lobo, ra ni habi a nihabi ne huriki i lakea na Vure, ni padimate a sipsip, a bulmakau, ni habi na Vure, ge puga vuroki a naro hale ne ria. 2 A prister dagi i ta madoru mai e huriki ri rata ruru a naro hale, a vuhuna ia tara a bakovi kunana. 3  * Levi 9:7; 16:6A prister dagi i habi a nihabi ni puga vuroki a naro hale ne huriki, turana naro hale vona, a vuhuna ia tara a bakovi hale. 4  * Nim 28:1I uka tara viri ge kavurike mule a rana, ge bole a leho iea na ningaru vona. A Vure kunana a viri i gale a viri ge ia a prister dagi, i manga hosi i galea e Aron. 5  * Sng 2:7E Kristo tara, i uka ma i vulaki mule ia ge bole a leho na prister dagi. A Vure kunana i vulakia ge nugua a leho iea, lakea i takia, i ta maea,

7  * Mat 26:36-46; Pili 2:6-8Na tahuna e Isu i made manga a bakovi na malala, i vasileki na Vure, i nanea ge tuhori ia. I gale tala dagi turana luha, na Viri i tahoka a nitora ni korimule ia na matenga. A Vure i longoa a nivasileki, a ningaru vona, a vuhuna i vakakiroko mule ia, i longototoa a Vure. 8 I muholi, e Isu a Tuna Vure, pali i tovo ni longototoa a Vure na tahuna i bole a nimadihi. 9 Muri i vakalobo a leho vona, ngane i korimule e huriki ri longototo a ngavana, i habi a nimahuri vakaroro ne ria. 10 A Vure i ratea e Isu ia a prister dagi, i manga e Melkisadek hosi.

11 I kupo a ngava i tabana ta ga taki mua vona na ngava iea. Pali a keri ni tuveve polo ne mua, a vuhuna a gine mua i tora, i uka ma i palala. 12  * 1Ko 3:1-3Mu lohoka vona muga pali a nitana Vure. Ngane i kara mua bara mu tovo polo e huriki ranga. Pali i uka. I tabana i kapo a niluhoi ne mua, lakea e huriki ranga bara ri tovo mua na ngava, ra ni tovo muga mua vona. I uka ma mu kara ni bole a maki ni kani i tora. Mu tabana ni ruru. 13 Si lohoka vona, a koma kiroko, i vakarurua e kinana, i uka ma i lohoka vona a naro kamumu, a naro hale, a vuhuna ia a koma kiroko kunana. 14 Pali e huriki ri paki pali, ri kani a maki ni kani tora. Ri tovo pali, ri matakilaka vona pali a naro kamumu, a naro hale.