1 Aubarikadeen gbɛ̃ kɛ̀ Dii vĩa vĩ

bensↄ̃ à tɛ́ à zɛ́n ũ.

2 Nɛ́ n zĩ àre ble,

nɛ́gↄ̃ aubarika vĩ, nɛ́gↄ̃ kuu aafia.

3 N naↄ̃ égↄ̃ kú n ua

lán geepi lí nɛ́'iri bà,

n nɛ́gↄ̃gbɛ̃nↄ égↄ̃ liga n teebuzi

lán kù lí ketenↄ bà.

4 Lɛn gbɛ̃ kɛ̀ Dii vĩa vĩi

ègↄ̃ aubarika vĩ lɛ.

5 Zaa Zayↄn Dii aubarika dangu

ai n wɛ̃̀ndi lɛ́n.

À tó ǹ wɛ́ɛ si Yerusalɛmu nnamanalɛ,

6 à tó ǹ n dionↄ e kↄ̃n wɛ́ɛo.

Dii Isarailinↄ gba aafia!