1 Luda, ǹ ma m̀bna ma,

ǹ ma bↄ ma ibɛɛ kɛ̀ aↄ̃ↄe vĩa daamaziinↄ ↄzĩ.

2 Ǹ ma utɛ gbɛ̃ zaaa kɛ̀ aↄ̃ lɛ́ kpàkↄ̃sↄ̃maziinↄnɛ,

zaakɛri zↄkadee pìnↄ.

3 Aↄ̃è ń lɛ́ lɛ́ kɛ lán fɛ̃ɛdaa bà,

yã pãsĩnↄ è bↄ ń lɛ́n lán kà sɛwɛɛdee bà.

4 Aↄ̃è taarisaidee dãdã lɛ wà à pá,

aↄ̃è à pá kãndo, vĩa è ń kũro.

5 Aↄ̃è kↄ̃ yĩpa wà da zaakɛna guu,

aↄ̃è bàkpakpannɛna gusaɛ yã gↄ̃gↄ̃

aↄ̃è be: Gbɛ̃ke é wa ero.

6 Aↄ̃è zaakɛna yã gↄ̃gↄ̃ wà be,

yã kɛ̀ wa à lɛ́ kpàkↄ̃sↄ̃ bↄɛzina.

Gbɛ̃ntee nↄ̀sɛguuyãnↄ asii bíta.

7 Mↄde Luda é ń pá kào,

eé ń kɛ̃nna kãndo.

8 Eé tó yã kɛ̀ aↄ̃ↄ ò wí ń musu,

gbɛ̃ kɛ̀ ń é píngi égↄ̃ mì kɛ degũdegũ wà be taalɛ.

9 Vĩa é baade píngi kũ,

aↄ̃é Luda yãkɛnanↄ tↄ̃kɛ̃,

aↄ̃égↄ̃ yã kɛ̀ à kɛ̀nↄ laasuu lɛɛ.

10 Gbɛ̃ maaanↄ, àgↄ̃ pↄnnaa kɛɛ Dii guu à nazi,

nↄ̀sɛpuradeenↄ, àgↄ̃ à táaki lɛɛ á píngi.