1 Aubarikadeen gbɛ̃ kɛ̀ è gbɛ̃ zaaanↄ lɛ́damma maroo ũ,

è kifiinↄ zɛ́ sɛ́ro,

è vɛ̃ɛ kↄ̃n gbɛ̃ faborinↄoro.

2 Dii doka bé è kɛnɛ,

ègↄ̃ laasuu lɛɛa fãantɛ̃ kↄ̃n gwãavĩo.

3 À dɛ lán lí kɛ̀ wà pɛ̀ swaa saɛ bà,

à lá è kori kũro,

ègↄ̃ nɛ́ ii à gurↄↄa,

yã kɛ̀ è kɛ píngi kaarana vĩ.

4 À dɛ lɛ kↄ̃n gbɛ̃ zaaanↄoro.

Aↄ̃ↄ dɛ lán ése ũkã kɛ̀ ĩa è sɛ́ɛ bà.

5 Gbɛ̃ zaaanↄ é bↄ maa yãkpaɛkɛgurↄↄ zĩro,

kifiinↄ é zɛ gbɛ̃ maaanↄ saɛro.

6 Dii gbɛ̃ maaanↄ zɛ́ dↄ̃,

gbɛ̃ zaaanↄ zɛ́ sↄ̃ mì pɛ́ kaatɛnaa.