Bibeli Luayãtaalá Soũↄ 87

Siↄnaá Lua wɛ̃́lɛɛ

Kole buiↄ lɛ.

1 Lua a wɛ̃́lɛ kàlɛ gbɛ̀sĩsĩ pↄ́ a kua adoa musu,

2 Dii ye Siↄna bĩ́ibↄlɛↄi

dɛ Yakↄbu buiↄ wɛ̃́lɛ kĩniↄla píi.

3 Lua gawi yã'ò wɛ̃́lɛpi musu à mɛ̀:

4 Má Egipiↄ ń Babɛlideↄ da gbɛ̃́ pↄ́ aa ma dↄ̃ↄ guu.

Filitɛ̃ↄ ku a guu lↄ ń Tiideↄ ń Etiopiↄ.

Wa mɛ wà gbɛ̃́ beeↄ ì weɛ.*

5 Wa o Siↄna yã́ musu:

Wà wã́anɛ ń wã́anɛo ì weɛ,

Musude mɛ́ ì a zɛdↄ gíũgiũ.

6 Tó Dii lɛ́ gbɛ̃́ↄ tↄ́ dalau,

a mɛ: Wà gbɛ̃́ beeↄ ì weɛ.

7 Lɛ̀sinaↄ ń ↄ̃wãnaↄ píi aa mɛ:

Wá maa píi ì bↄ Siↄnaɛ.

*87:4 Gal 4.26