Bibeli Luayãtaalá Soũↄ 138

138

Dii sáaukpaa aà gbɛ̃kɛ yã́i

Davidi lɛ.

1 Má n sáaukpa ń nↄ̀sɛmɛndoo,

má n táasilɛ gbãadeↄ aɛ.

2 Má kúlɛ n kpɛ́ pↄ́ a kua adoa aɛ,*

má n tↄbↄ n gbɛ̃kɛ ń n náaio yã́i,

asa ḿmɛ ń tò n tↄ́ ń n yã́o zↄ̃ↄ dɛ pↄ́piia.

3 Gↄↄ pↄ́ ma lɛzùnzi, ń wèa,

n ma gba wↄ́ↄ ń gbãao.

4 Tó dṹnia kíaↄ yã́ pↄ́ ń ò mà,

aa n sáaukpa ń píi, Dii.

5 Aa lɛsi Dii kɛkɛáↄ yã́ musu,

asa Dii gawi zↄ̃ↄɛ.

6 Baa ń Dii kuamusukɛo,

ì gbɛ̃́ kɛ̃́sãanaↄ wɛgwa,†

ì wɛvĩ gbɛ̃́ pↄ́ aalɛ e wà kàↄla.‡

7 Baa tó má yooyea, ni ma bↄ,

ni ma ibɛɛↄ pↄkũma kpálɛ,

ni ma suaba ń n gã̀sa gbãao.

8 Dii a ma yã́ píi lɛkpaaĩmɛɛ,§

Dii, n gbɛ̃kɛ láaa vĩo.

Ńsu zĩ pↄ́ n ↄkpàwà too.

*138:2 1Kia 8.29

†138:6 Luk 1.48

‡138:6 Zaa 4.6

§138:8 Flp 1.6