Bibeli Luayãtaalá Soũↄ 82

82

Yã́kpalɛkɛa ń gbãadeↄ

Asafa lɛ.

1 Lua zↄ̃lɛa balu guu,

àlɛ yã́gↄ̃gↄ̃ gbãadeↄnɛ à mɛ̀:

2 Bↄɛ á yã́kpalɛkɛ a zɛ́wai?

Áↄ kɛ vãikɛnaↄnɛ kɛ̀kɛ gↄↄpii yã̀?

3 À yãnakpa yɛ̃̀ɛɛsaideↄwa

ń tonɛ pↄ́ gwana vĩoↄ.

À zɛ ń taasideↄ

ń gbɛ̃́ pↄ́ wàlɛ ĩadamáↄ.

4 À yɛ̃̀ɛɛsaideↄ ń wɛ̃nadeↄ misi

à ń bↄ vãikɛnaↄ ↄzĩ.

5 Gbãadepiↄ yãe dↄ̃o,

aa a kee gbáɛo.

Aa ku gusiauɛ,

ↄ̃ dṹnia zĩ́na lɛ́ fu.

6 Ma mɛ̀ luaↄn á ũ,*

Musude nɛ́ↄn á ũ ápii.

7 Ń beeo á ga gbɛ̃nazĩna ũɛ,

á kpagua lán kía pãleↄwaɛ.

8 Lua, fɛlɛ yã́kpalɛkɛ ń dṹniao,

asa bui píiá n pↄ́ɛ.

*82:6 Zãa 10.34