Salmo 100
100
I lingag dad to Dwata dmayen kenen
I lingag di kablé fye di Dwata
1 Kdeeyu dad to di tah tanà,
mkit gamu flehew di Amuito Dwata.
2 I nimòyu di kenen faguyu di bong ayèyu mimò dun,
na mlingag gamu di kafdadongyu di kenen.
3 Dnawatam i kaglut alò Amuito Dwata i glut Dwata!
Na kenen i mimò gito na mfun gito;
gito i dad ton na toon ito nifat gambet i to mifat bilibili.
4 Fusuk gamu di Bong Gumnean na mlé gamu fye di kenen;
hae, fusuk gamu déén di gustifun dad to mangamfù di kenen na dnayenyu kenen;
mlé gamu fye di kenen na dnayenyu kenen,
5 du too fye sa Amuito Dwata;
i kakdon landè kgilin kel di landè sen,
na gsalig i nimoan di kdee to mdà di muna fa na kel di landè sen.