93
Yennu-e tee kpanbar
1 Yennu-e tee kpanbar, u gbee nan yabinte nan paŋ,
u senn tingbouŋ na fanue, ki li kan ban nyat.
2 Yennu, a naan binbintir na maa fanue pinpiik niwa,
a din be ki sɔɔ durinya daa kaa.
3 Yennu, mɔksunsunt dont bi kunkɔrae sanpaapo;
bi dont bi kunkɔrae ki tantir.
4 Yennu-e tee kpanbar sanpaapo,
ki mɔk yiikoo ki gar mɔkgbeŋa jat,
ki mɔk paŋ ki gar mɔkgbeŋa nyunpana.
5 Yennu, a sennii yɔɔ be-e;
ki a jiantu ŋasaakak na tee barmɔnii kasii boor yaayoo siiyoo.